ਨਿਮਰਤ ਖਹਿਰਾ ਦੀ ਕਿਊਟ ਫੈਨ ਨੇ ਗਾਇਆ ਗੀਤ,ਨਿਮਰਤ ਖਹਿਰਾ ਨੇ ਸਾਂਝਾ ਕੀਤਾ ਵੀਡਿਓ
ਨਿਮਰਤ ਖਹਿਰਾ Nimrat Khaira ਕਿਸੇ ਨਾਂਅ ਦੀ ਮੁਹਤਾਜ਼ ਨਹੀਂ ਹੈ । ਪੰਜਾਬੀ ਮਿਊਜ਼ਿਕ ਇੰਡਸਟਰੀ 'ਚ ਉਸ ਨੇ ਕੁਝ ਹੀ ਸਮੇਂ 'ਚ ਆਪਣੀ ਖਾਸ ਥਾਂ ਬਣਾ ਲਈ ਹੈ ।'ਠੁੱਕ ਮੇਰੀ ਤੇਰੇ ਕਰਕੇ ,ਫਿਕਰ ਨਾ ਕਰੀਂ ਨਾਰ ਦਾ ,ਤੇਰਿਆਂ ਹੁੰਦਿਆਂ ਕਿਸੇ ਨੇ ਕੀ ਕਹਿਣਾ',ਤੇਰੀ ਇੱਕ ਘੂਰ ਉਤੇ ਚੁੱਪ ਕਰ ਜਾਨੀ ਆਂ, ਇਹ ਕੁਝ ਅਜਿਹੇ ਗੀਤ ਨੇ ਜੋ ਹਰ ਕਿਸੇ ਦੀ ਜ਼ੁਬਾਨ 'ਤੇ ਚੜੇ ਹੋਏ ਨੇ । ਕਈ ਪੰਜਾਬੀ ਹਿੱਟ ਗੀਤ ਮਿਊਜ਼ਿਕ ਇੰਡਸਟਰੀ ਦੀ ਝੋਲੀ 'ਚ ਪਾਉਣ ਨਿਮਰਤ ਖਹਿਰਾ ਹਮੇਸ਼ਾ ਹੀ ਚਰਚਾ 'ਚ ਰਹਿੰਦੀ ਹੈ । ਫਿਲਮ 'ਲਹੋਰੀਆ' 'ਚ ਵੀ ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਦਾ ਜਲਵਾ ਵਿਖਾਇਆ ਸੀ।ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿਣ ਵਾਲੀ ਨਿਮਰਤ ਖਹਿਰਾ ਨੇ ਇੱਕ ਵੀਡਿਓ ਆਪਣੇ ਇੰਸਟਾਗ੍ਰਾਮ 'ਤੇ ਸਾਂਝਾ ਕੀਤਾ ਹੈ । ਜਿਸ 'ਚ ਉਨ੍ਹਾਂ ਦੀ ਇੱਕ ਪ੍ਰਸ਼ੰਸਕ ਉਸ ਦਾ ਗੀਤ ਗਾ ਕੇ ਸੁਣਾ ਰਹੀ ਹੈ । ਵੀਡਿਓ 'ਚ ਤੁਸੀਂ ਵੇਖ ਸਕਦੇ ਹੋ ਕਿ ਨਿਮਰਤ ਖਹਿਰਾ ਦੀ ਇੱਕ ਕਿਊਟ ਜਿਹੀ ਪ੍ਰਸ਼ੰਸਕ ਉਨ੍ਹਾਂ ਦਾ ਗਾਇਆ ਗੀਤ ਆਪਣੀ ਤੋਤਲੀ ਜਿਹੀ ਜ਼ੁਬਾਨ ਨਾਲ ਗਾ ਕੇ ਸੁਣਾ ਰਹੀ ਹੈ। ਇਸ ਬੱਚੀ ਦੇ ਵੀਡਿਓ ਨੂੰ ਵੇਖ ਕੇ ਪਤਾ ਲੱਗਦਾ ਹੈ ਕਿ ਕਿਵੇਂ ਨੌਜਵਾਨਾਂ ਦੇ ਨਾਲ ਨਾਲ ਬੱਚਿਆਂ 'ਤੇ ਵੀ ਨਿਮਰਤ ਖਹਿਰਾ ਦੀ ਅਵਾਜ਼ ਦਾ ਜਾਦੂ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ । ਨਿਮਰਤ ਨੇ ਆਪਣੀ ਇਸ ਕਿਊਟ ਜਿਹੀ ਪ੍ਰਸ਼ੰਸਕ ਦਾ ਵੀਡਿਓ ਸਾਂਝਾ ਕਰਦੇ ਹੋਏ ਲਿਖਿਆ ਹੈ ਕਿ ਇਸ ਤੋਂ ਕਿਊਟ ਕੁਝ ਵੀ ਨਹੀਂ ।