ਨਿਰਵੈਰ ਪੰਨੂ ਆਪਣੇ ਨਵੇਂ ਗੀਤ ਦੇ ਨਾਲ ਹਾਜ਼ਰ ਹੋ ਚੁੱਕੇ ਹਨ । ਇਸ ਗੀਤ ਨੂੰ ‘ਜੱਟੀਏ’ ਟਾਈਟਲ ਹੇਠ ਰਿਲੀਜ਼ ਕੀਤਾ ਗਿਆ ਹੈ । ਗੀਤ ਦੇ ਬੋਲ ਰੈਵ ਹੰਜਰਾ ਵੱਲੋਂ ਲਿਖੇ ਗਏ ਹਨ, ਜਦੋਂਕਿ ਮਿਊਜ਼ਿਕ ਦਿੱਤਾ ਹੈ ਸਨੈਪੀ ਨੇ । ਫੀਮੇਲ ਮਾਡਲ ਦੇ ਤੌਰ ਅਨੀਤ ਚੌਹਾਨ ਨਜ਼ਰ ਆ ਰਹੇ ਨੇ ।
ਇਸ ਗੀਤ ‘ਚ ਇੱਕ ਮੁੰਡੇ ਅਤੇ ਕੁੜੀ ਦੇ ਪਿਆਰ ਨੂੰ ਦਰਸਾਇਆ ਗਿਆ ਹੈ ਕਿ ਕਿਸ ਤਰ੍ਹਾਂ ਇੱਕ ਮੁੰਡਾ ਕੁੜੀ ਨੂੰ ਇੰਪ੍ਰੈੱਸ ਕਰਨ ਦੇ ਲਈ ਉਸ ਨੂੰ ਆਪਣੀਆਂ ਖੂਬੀਆਂ ਗਿਣਵਾਉਂਦਾ ਹੈ ।ਜਿਸ ਤੋਂ ਬਾਅਦ ਮੁਟਿਆਰ ਇੰਪ੍ਰੈਸ ਤਾਂ ਹੋ ਜਾਂਦੀ ਹੈ, ਪਰ ਉਸ ਤੋਂ ਬਾਅਦ ਮੁੰਡਾ ਦੇ ਸਾਹਮਣੇ ਕੁੜੀ ਦੇ ਘਰ ਵਾਲਿਆਂ ਦਾ ਦਿਲ ਜਿੱਤਣ ਦੀ ਚੁਣੌਤੀ ਹੁੰਦੀ ਹੈ ।
ਪਰ ਆਖਿਰਕਾਰ ਇਹ ਮੁੰਡਾ ਕੁੜੀ ਦੇ ਘਰ ਵਾਲਿਆਂ ਨੂੰ ਵੀ ਮਨਾਉਣ ‘ਚ ਕਾਮਯਾਬ ਰਹਿੰਦਾ ਹੈ ।ਨਿਰਵੈਰ ਪੰਨੂ ਦਾ ਇਹ ਗੀਤ ਸਰੋਤਿਆਂ ਨੂੰ ਕਾਫੀ ਪਸੰਦ ਆ ਰਿਹਾ ਹੈ ।
ਇਸ ਤੋਂ ਪਹਿਲਾਂ ਦੀ ਗੱਲ ਕਰੀਏ ਤਾਂ ਕਈ ਹਿੱਟ ਗੀਤ ਨਿਰਵੈਰ ਪੰਨੂ ਦੇ ਚੁੱਕੇ ਹਨ । ‘ਸਵਾ ਲੱਖ ਦਿੱਲੀਏ’ ਗੀਤ ਨੂੰ ਵੀ ਸਰੋਤਿਆਂ ਵੱਲੋਂ ਕਾਫੀ ਹੁੰਗਾਰਾ ਮਿਲਿਆ ਸੀ । ਇਹ ਗੀਤ ਦਿੱਲੀ ‘ਚ ਧਰਨਾ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ ਨੂੰ ਸਮਰਪਿਤ ਸੀ ।
View this post on Instagram