ਆਰ ਨੇਤ ਦਾ ਗੀਤ ‘ਦੱਬਦਾ ਕਿੱਥੇ ਆ’ ਨੇ 50 ਮਿਲੀਅਨ ਦੇ ਅੰਕੜੇ ਨੂੰ ਕੀਤਾ ਪਾਰ, ਪੋਸਟ ਪਾ ਕੇ ਕੀਤਾ ਦਰਸ਼ਕਾਂ ਦਾ ਧੰਨਵਾਦ
ਪੰਜਾਬੀ ਗਾਇਕ ਆਰ ਨੇਤ ਜਿਨ੍ਹਾਂ ਨੇ ਆਪਣੀ ਬੁਲੰਦ ਆਵਾਜ਼ ਤੇ ਸਖ਼ਤ ਮਿਹਨਤ ਸਦਕਾ ਅੱਜ ਪੰਜਾਬੀ ਇੰਡਸਟਰੀ ‘ਚ ਵੱਖਰਾ ਮੁਕਾਮ ਹਾਸਿਲ ਕਰ ਲਿਆ ਹੈ। ਉਨ੍ਹਾਂ ਦੀ ਦਮਦਾਰ ਆਵਾਜ਼ ਨੇ ਦਰਸ਼ਕਾਂ ਨੂੰ ਕੀਲ ਕੇ ਰੱਖ ਦਿੱਤਾ ਹੈ। ‘ਡਿਫਾਲਟਰ’ ਗੀਤ ਜਿਸ ਨੇ ਆਰ ਨੇਤ ਨੂੰ ਨਾਮੀ ਗਾਇਕਾਂ ਦੀ ਕਤਾਰ ‘ਚ ਸ਼ਾਮਿਲ ਕਰ ਦਿੱਤਾ। ਇਸ ਗੀਤ ਦੀ ਸਫ਼ਲਤਾ ਤੋਂ ਬਾਅਦ ਆਰ ਨੇਤ ਚੱਕਵੀਂ ਬੀਟ ਵਾਲਾ ਆਪਣਾ ਇੱਕ ਹੋਰ ਗੀਤ ਦੱਬਦਾ ਕਿੱਥੇ ਆ ਲੈ ਕੇ ਆਏ ਸਨ। ਇਸ ਵਾਰ ਵੀ ਉਹ ਆਪਣੇ ਫੈਨਜ਼ ਦੀ ਕਸੌਟੀ ਉੱਤੇ ਖਰ੍ਹੇ ਉੱਤਰੇ ਸਨ। ਇਸ ਗੀਤ ਨੂੰ ਪੀਟੀਸੀ ਪੰਜਾਬੀ ਅਤੇ ਪੀਟੀਸੀ ਚੱਕਦੇ ਉੱਤੇ ਐਕਸਕਲੁਸਿਵ ਰਿਲੀਜ਼ ਕੀਤਾ ਗਿਆ ਸੀ। ਇਸ ਦੇ ਨਾਲ ਇਸ ਗੀਤ ਨੂੰ ਜੱਸ ਰਿਕਾਡਸ ਦੇ ਯੂ-ਟਿਊਬ ਚੈਨਲ ‘ਤੇ ਰਿਲੀਜ਼ ਕੀਤਾ ਗਿਆ ਸੀ। ਦਰਸ਼ਕਾਂ ਵੱਲੋਂ ਗੀਤ ਨੂੰ ਅਜੇ ਤੱਕ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ਤੇ ਇਹ ਗੀਤ 50 ਮਿਲੀਅਨ ਦਾ ਅੰਕੜੇ ਨੂੰ ਪਾਰ ਕਰ ਗਿਆ ਹੈ।
View this post on Instagram
ਆਰ ਨੇਤ ਨੇ ਆਪਣੇ ਪ੍ਰਸ਼ੰਸਕਾਂ ਦਾ ਦਿਲੋਂ ਧੰਨਵਾਦ ਕਰਦੇ ਹੋਏ ਆਪਣੇ ਇੰਸਟਾਗ੍ਰਾਮ ਉੱਤੇ ਪੋਸਟ ਪਾ ਕੇ ਸ਼ੇਅਰ ਕੀਤੀ ਹੈ ਤੇ ਕੈਪਸ਼ਨ ‘ਚ ਲਿਖਿਆ ਹੈ, ‘Thnks Guys For Your Spoting...
#dabdakitheaa 50 MILLION CROSSED ON YOU TUBE...
Keep supporting guys’
View this post on Instagram
Ready for Live show ajo surrey walio ✌️✌️✌️❤️❤️❤️
ਦੱਬਦਾ ਕਿੱਥੇ ਆ ਗੀਤ ‘ਚ ਆਰ ਨੇਤ ਦਾ ਸਾਥ ਗੁਰਲੇਜ਼ ਅਖ਼ਤਰ ਨੇ ਦਿੱਤਾ ਹੈ। ਉਨ੍ਹਾਂ ਦਾ ਗੀਤ ਸ਼ੋਸ਼ਲ ਮੀਡੀਆ ਉੱਤੇ ਖੂਬ ਛਾਇਆ ਰਿਹਾ ਹੈ। ਆਰ ਨੇਤ ਜੋ ਕਿ ਆਪਣੇ ਮਿਊਜ਼ਿਕਲ ਟੂਰ ਦੇ ਲਈ ਕੈਨੇਡਾ ਗਏ ਹੋਏ ਹਨ। ਕੈਨੇਡਾ ‘ਚ ਰਹਿੰਦੇ ਪੰਜਾਬੀਆਂ ਵੱਲੋਂ ਉਨ੍ਹਾਂ ਦੇ ਗੀਤਾਂ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।