ਸਤਿੰਦਰ ਸਰਤਾਜ ਅਤੇ ਨੀਰੂ ਬਾਜਵਾ ਨੇ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ‘ਚ ਟੇਕਿਆ ਮੱਥਾ, ਫ਼ਿਲਮ ਦੀ ਕਾਮਯਾਬੀ ਲਈ ਕੀਤੀ ਅਰਦਾਸ
ਨੀਰੂ ਬਾਜਵਾ (Neeru Bajwa ) ਅਤੇ ਸਤਿੰਦਰ ਸਰਤਾਜ (Satinder Sartaaj) ਇਨ੍ਹੀਂ ਦਿਨੀਂ ਆਪਣੀ ਫ਼ਿਲਮ ‘ਕਲੀ ਜੋਟਾ’ ਨੂੰ ਲੈ ਕੇ ਚਰਚਾ ‘ਚ ਹਨ । ਇਸ ਫ਼ਿਲਮ ਦੀ ਪ੍ਰਮੋਸ਼ਨ ਉਹ ਲਗਾਤਾਰ ਕਰ ਰਹੇ ਹਨ । ਉਹ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ (Sachkhand Sri Harmandir Sahib) ‘ਚ ਵੀ ਪਹੁੰਚੇ ਜਿੱਥੇ ਉਨ੍ਹਾਂ ਨੇ ਫ਼ਿਲਮ ਦੀ ਕਾਮਯਾਬੀ ਦੇ ਲਈ ਅਰਦਾਸ ਕੀਤੀ । ਸਤਿੰਦਰ ਸਰਤਾਜ ਨੇ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਆਪਣੇ ਅੰਦਾਜ਼ ‘ਚ ਉਸ ਪ੍ਰਮਾਤਮਾ ਦਾ ਸ਼ੁਕਰਾਨਾ ਕਰਦੇ ਹੋਏ ਲਿਖਿਆ
‘ਉਸ ਦਰਬਾਰ ਦੇ ਸਤਿਕਾਰ ਨੂੰ, ਸਜਦਾ-ਏ-ਪਰਵਰਦਿਗਾਰ ਨੂੰ !
ਮਨ ਸਹਿਕਦਾ ਹੋਵੇ ; ਜੇ ਆ ਕੇ ਮਹਿਕਦਾ ਹੋਵੇ ; ਤਾਂ ਸਮਝੋ ਜ਼ਿੰਦਗੀ ਹਾਲੇ ਵੀ ਸੱਚੇ ਮਹਿਰਮਾ ਦੀ ਮੁੰਤਜ਼ਿਰ ਕੁੱਛ ਗਾ ਰਹੀ ਏ !
image Source : Instagram
ਇਲਾਹੀ ਵਜਦ ਦੇ ਪੈਂਡੇ ਇਬਾਦਤ ਨਾਲ਼ ਸਰ ਕਰੀਏ !
ਜੇ ਭਾਗਾਂ ਨਾਲ਼ ਆਏ ਆਂ ਤਾਂ ਕਿਉਂ ਨਾ ਅੰਮ੍ਰਿਤਸਰ ਕਰੀਏ !
ਲਾਸਾਨੀ ਏ, ਨੂਰਾਨੀ ਏ, ਅਲੌਕਿਕ ਏ ਹੱਕ਼ਾਨੀ ਏ !
ਕਿਸੇ ਵਿਸਮਾਦ ਦੀ ਰੰਗਤ ਅੰਬਰ ਤੋਂ ਆ ਰਹੀ ਏ !
ਖ਼ੁਮਾਰੀ ਛਾ ਰਹੀ ਏ, ਸ਼ਬਦ ਵਰਸਾ ਰਹੀ ਏ !! ਸਤਿੰਦਰ ਸਰਤਾਜ
image Source : Instagram
ਸਤਿੰਦਰ ਸਰਤਾਜ ਨੇ ਇਨ੍ਹਾਂ ਖੂਬਸੂਰਤ ਸ਼ਬਦਾਂ ਦੇ ਨਾਲ ਪ੍ਰਮਾਤਮਾ ਦਾ ਸ਼ੁਕਰਾਨਾ ਕੀਤਾ ਹੈ । ਦੱਸ ਦਈਏ ਕਿ ਨੀਰੂ ਬਾਜਵਾ ਸਤਿੰਦਰ ਸਰਤਾਜ ਅਤੇ ਵਾਮਿਕਾ ਗੱਬੀ ਦੀ ਇਹ ਫ਼ਿਲਮ ੩ ਫਰਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ । ਇਸ ਫ਼ਿਲਮ ਨੂੰ ਲੈ ਕੇ ਸਾਰੀ ਟੀਮ ਪੱਬਾਂ ਭਾਰ ਹੈ ।
ਇਸ ਫ਼ਿਲਮ ਦੇ ਜ਼ਰੀਏ ਜਿੱਥੇ ਇੱਕ ਪ੍ਰੇਮੀ ਜੋੜੇ ਦੀ ਕਹਾਣੀ ਨੂੰ ਪਰਦੇ ‘ਤੇ ਦਿਖਾਇਆ ਜਾਵੇਗਾ ।ਸਤਿੰਦਰ ਸਰਤਾਜ ਅਤੇ ਨੀਰੂ ਬਾਜਵਾ ਪਹਿਲੀ ਵਾਰ ਪਰਦੇ ‘ਤੇ ਇੱਕਠੇ ਦਿਖਾਈ ਦੇਣਗੇ ।
View this post on Instagram