ਅਦਾਕਾਰਾ ਸ਼ਵੇਤਾ ਤਿਵਾਰੀ ਨੇ ਪਤੀ ਖ਼ਿਲਾਫ ਲਗਾਏ ਘਰੇਲੂ ਹਿੰਸਾ ਦੇ ਇਲਜ਼ਾਮ,ਥਾਣੇ ਦੇ ਬਾਹਰ ਰੋਂਦੀ ਦਿਖਾਈ ਦਿੱਤੀ ਅਦਾਕਾਰਾ, ਪੁਲਿਸ ਨੇ ਪਤੀ ਨੂੰ ਕੀਤਾ ਗ੍ਰਿਫ਼ਤਾਰ
'ਕਸੌਟੀ ਜ਼ਿੰਦਗੀ ਕੀ' ਸੀਰੀਅਲ ਦੇ ਜ਼ਰੀਏ ਦਰਸ਼ਕਾਂ 'ਚ ਆਪਣੀ ਖ਼ਾਸ ਪਛਾਣ ਬਨਾਉਣ ਵਾਲੀ ਅਦਾਕਾਰਾ ਸ਼ਵੇਤਾ ਤਿਵਾਰੀ ਏਨੀਂ ਦਿਨੀਂ ਮਨੋਰੰਜਨ ਦੀ ਦੁਨੀਆ 'ਚ ਏਨੀ ਸਰਗਰਮ ਨਹੀਂ ਹੈ । ਪਰ ਉਹ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ ਵਿੱਚ ਹੈ । ਉਨ੍ਹਾਂ ਦੀ ਰੀਅਲ ਲਾਈਫ 'ਚ ਕੁਝ ਵੀ ਠੀਕ ਨਹੀਂ ਚੱਲ ਰਿਹਾ ਹੈ । ਰਾਜਾ ਚੌਧਰੀ ਤੋਂ ਬਾਅਦ ਉਨ੍ਹਾਂ ਨੇ ਅਭਿਨਵ ਕੋਹਲੀ ਨਾਲ ਇਹ ਸੋਚ ਕੇ ਵਿਆਹ ਰਚਾਇਆ ਸੀ ਕਿ ਸ਼ਾਇਦ ਉਨ੍ਹਾਂ ਦੀ ਵਿਆਹੁਤਾ ਜ਼ਿੰਦਗੀ ਠੀਕ ਹੋ ਜਾਵੇਗੀ ।
ਹੋਰ ਵੇਖੋ:ਪੀਟੀਸੀ ਪੰਜਾਬੀ ‘ਤੇ ਹੋਵੇਗਾ ਸੁਰਜੀਤ ਭੁੱਲਰ ਅਤੇ ਗੁਰਲੇਜ਼ ਅਖ਼ਤਰ ਦੇ ਨਵੇਂ ਗੀਤ ਦਾ ਪ੍ਰੀਮੀਅਰ
ਪਰ ਹੁਣ ਖ਼ਬਰਾਂ ਆ ਰਹੀਆਂ ਹਨ ਕਿ ਦੋਨਾਂ ਦਰਮਿਆਨ ਕੁਝ ਵੀ ਠੀਕ ਨਹੀਂ ਚੱਲ ਰਿਹਾ ।ਸ਼ਵੇਤਾ ਤਿਵਾਰੀ ਨੇ ਅਭਿਨਵ ਕੋਹਲੀ ਖ਼ਿਲਾਫ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ । ਖ਼ਬਰਾਂ ਮੁਤਾਬਕ ਸ਼ਵੇਤਾ ਨੇ ਆਪਣੇ ਪਤੀ ਖ਼ਿਲਾਫ ਘਰੇਲੂ ਹਿੰਸਾ ਦਾ ਇਲਜ਼ਾਮ ਲਗਾਇਆ ਹੈ ।ਇਸ ਮਾਮਲੇ 'ਤੇ ਕਾਰਵਾਈ ਕਰਦੇ ਹੋਏ ਪੁਲਿਸ ਨੇ ਅਭਿਨਵ ਨੂੰ ਗਿਰਫਤਾਰ ਕਰ ਲਿਆ ਹੈ ।
ਸ਼ਵੇਤਾ ਮੁਤਾਬਕ ਅਭਿਨਵ ਨੇ ਉਨ੍ਹਾਂ ਦੀ ਧੀ ਪਲਕ ਦੇ ਨਾਲ ਵੀ ਕੁੱਟਮਾਰ ਕੀਤੀ ਹੈ । ਦੋਨਾਂ ਮਾਂ ਧੀ ਨੂੰ ਪੁਲਿਸ ਥਾਣੇ ਦੇ ਬਾਹਰ ਵੇਖਿਆ ਗਿਆ ਜਿੱਥੇ ਦੋਵੇਂ ਰੋਂਦੀਆਂ ਵਿਖਾਈ ਦਿੱਤੀਆਂ ਸਨ ।ਦੱਸ ਦਈਏ ਕਿ ਅਦਾਕਾਰਾ ਸ਼ਵੇਤਾ ਤਿਵਾਰੀ ਦੂਜੀ ਵਾਰ ਘਰੇਲੂ ਹਿੰਸਾ ਦਾ ਸ਼ਿਕਾਰ ਹੋਈ ਹੈ ।
ਉਨ੍ਹਾਂ ਦੇ ਪਹਿਲੇ ਪਤੀ ਰਾਜਾ ਚੌਧਰੀ ਨੇ ਵੀ ਨਸ਼ੇ 'ਚ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ ਸੀ ਜਿਸ ਤੋਂ ਬਾਅਦ ਸ਼ਵੇਤਾ ਨੇ ਰਾਜਾ ਚੌਧਰੀ 'ਤੇ ਤਲਾਕ ਲੈ ਲਈ ਸੀ ।
ਰਾਜਾ ਚੌਧਰੀ ਤੋਂ ਉੇਨ੍ਹਾਂ ਦੀ ਧੀ ਹੈ ਪਲਕ , ਜਿਸ ਤੋਂ ਬਾਅਦ ਸ਼ਵੇਤਾ ਨੇ ਅਭਿਨਵ ਨਾਲ ਵਿਆਹ ਰਚਾਇਆ ਅਤੇ ਅਭਿਨਵ ਤੋਂ ਉਨ੍ਹਾਂ ਦਾ ਇੱਕ ਬੇਟਾ ਹੋਇਆ । ਪਰ ਦੋਵਾਂ ਦਰਮਿਆਨ ਵਿਆਹ ਤੋਂ ਕੁਝ ਸਮੇਂ ਬਾਅਦ ਹੀ ਸਬੰਧ ਖਰਾਬ ਹੋਣ ਲੱਗ ਪਏ ਸਨ ।
ਸ਼ਵੇਤਾ ਨੇ ਅਭਿਨਵ ਨਾਲ 2013 'ਚ ਵਿਆਹ ਰਚਾਇਆ ਸੀ । ਇੱਕ ਮੀਡੀਆ ਰਿਪੋਰਟ ਮੁਤਾਬਕ ਸ਼ਵੇਤਾ ਦੀ ਧੀ ਪਲਕ ਨਾਲ ਅਭਿਨਵ ਕੋਹਲੀ ਬਦਤਮੀਜ਼ੀ ਕਰਦੇ ਰਹਿੰਦੇ ਸਨ ਅਤੇ ਕਈ ਵਾਰ ਉਸ ਨੂੰ ਆਪਣੇ ਮੋਬਾਈਲ 'ਚ ਅਸ਼ਲੀਲ ਵੀਡੀਓ ਵੀ ਵਿਖਾਉਂਦੇ ਸਨ ।
