ਕਮੈਂਟ ਕਰਕੇ ਦੱਸੋ ਸਿੰਮੀ ਚਾਹਲ ਵੱਲੋਂ ਨਿਭਾਇਆ ਕਿਹੜਾ ਕਿਰਦਾਰ ਤੁਹਾਨੂੰ ਜ਼ਿਆਦਾ ਹੈ ਪਸੰਦ ਮਿਸ਼ਰੀ, Savy ਜਾਂ ਬਸੰਤ ਕੌਰ!
ਪੰਜਾਬੀ ਫ਼ਿਲਮੀ ਜਗਤ ਦੀ ਖ਼ੂਬਸੂਰਤ ਅਦਾਕਾਰਾ ਸਿੰਮੀ ਚਾਹਲ ਜਿਨਾਂ ਨੇ ਫ਼ਿਲਮੀ ਸਫ਼ਰ ਸ਼ੁਰੂ ਕਰਨ ਤੋਂ ਪਹਿਲਾਂ ਬਤੌਰ ਮਾਡਲ ਕਈ ਪੰਜਾਬੀ ਗੀਤਾਂ ‘ਚ ਕੰਮ ਕੀਤਾ ਹੈ । ਅੱਜ ਉਨ੍ਹਾਂ ਦਾ ਨਾਂਅ ਪੰਜਾਬੀ ਫ਼ਿਲਮੀ ਜਗਤ ਦੀਆਂ ਟਾਪ ਹੀਰੋਇਨਾਂ ਦੀ ਲਿਸਟ ‘ਚ ਸ਼ਾਮਿਲ ਹੈ । ਫ਼ਿਲਮਾਂ ‘ਚ ਸੰਜੀਦਾ ਦਿਖਣ ਵਾਲੀ ਸਿੰਮੀ ਚਾਹਲ ਅਸਲ ਜ਼ਿੰਦਗੀ ‘ਚ ਬੜੇ ਹੀ ਚੁਲਬੁਲੇ ਸੁਭਾਅ ਦੀ ਮਾਲਿਕ ਹੈ ।
View this post on Instagram
ਆਓ ਅੱਜ ਗੱਲ ਕਰਦੇ ਹਾਂ ਉਨ੍ਹਾਂ ਦੇ ਕੁਝ ਅਜਿਹੇ ਕਿਰਦਾਰਾਂ ਬਾਰੇ ਜੋ ਦਰਸ਼ਕਾਂ ਦੇ ਪਸੰਦੀਦਾ ਨੇ । ਸਾਲ 2018 ‘ਚ ਆਈ ‘ਗੋਲਕ ਬੁਗਨੀ ਬੈਂਕ ਤੇ ਬਟੂਆ’ ‘ਚ ਸਿੰਮੀ ਚਾਹਲ ਨੇ ਮਿਸ਼ਰੀ ਨਾਂਅ ਦੀ ਕੁੜੀ ਦਾ ਕਿਰਦਾਰ ਨਿਭਾਇਆ ਸੀ । ਇਸ ਫ਼ਿਲਮ ‘ਚ ਉਹ ਹਰੀਸ਼ ਵਰਮਾ ਦੇ ਨਾਲ ਵੱਡੇ ਪਰਦੇ ‘ਤੇ ਨਜ਼ਰ ਆਏ ਸਨ । ਇਸ ਕਿਰਦਾਰ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ ਸੀ ।
ਹੁਣ ਗੱਲ ਕਰਦੇ ਹਾਂ ਸਾਲ 2018 ‘ਚ ਆਈ ਉਨ੍ਹਾਂ ਦੀ ਇੱਕ ਹੋਰ ਫ਼ਿਲਮ ‘ਦਾਣਾ ਪਾਣੀ’ ਦੀ, ਜਿਸ ‘ਚ ਉਨ੍ਹਾਂ ਨੇ ਬਸੰਤ ਕੌਰ ਨਾਂਅ ਦੀ ਪੇਂਡੂ ਕੁੜੀ ਦਾ ਕਿਰਦਾਰ ਨਿਭਾਇਆ ਸੀ । ਇਸ ਕਿਰਦਾਰ ‘ਚ ਉਹ ਬਹੁਤ ਹੀ ਸੰਜੀਦਾ ਨਜ਼ਰ ਆਏ ਸੀ । ਇਸ ਫ਼ਿਲਮ ‘ਚ ਉਹ ਬਾਲੀਵੁੱਡ ਦੇ ਨਾਮੀ ਅਦਾਕਾਰ ਜਿੰਮੀ ਸ਼ੇਰਗਿੱਲ ਦੇ ਆਪੋਜ਼ਿਟ ਰੋਲ ਕਰਦੇ ਹੋਏ ਦਿਖਾਈ ਦਿੱਤੇ ਸੀ । ਪਰ ਉਹ ਆਪਣੇ ਕਿਰਦਾਰ ਬਸੰਤ ਕੌਰ ਦੀ ਛਾਪ ਦਰਸ਼ਕਾਂ ਦੇ ਦਿਲ ਉੱਤੇ ਛੱਡਣ ‘ਚ ਕਾਮਯਾਬ ਰਹੇ । ਦਰਸ਼ਕਾਂ ਵੱਲੋਂ ਇਸ ਰੋਲ ਨੂੰ ਵੀ ਬਹੁਤ ਪਿਆਰ ਦਿੱਤਾ ਗਿਆ ।
ਹੁਣ ਗੱਲ ਕਰਦੇ ਹਾਂ ਸਾਲ 2019 ‘ਚ ਆਈ ਪੰਜਾਬੀ ਫ਼ਿਲਮ ‘ਚੱਲ ਮੇਰਾ ਪੁੱਤ’ ਦੀ ਜਿਸ ‘ਚ ਉਹ ਸਾਵੀ (Savy) ਨਾਂਅ ਦੀ ਕੁੜੀ ਦਾ ਕਿਰਦਾਰ ਨਿਭਾਉਂਦੇ ਹੋਏ ਨਜ਼ਰ ਆਈ । ਜੋ ਆਪਣੇ ਮਾਪਿਆਂ ਦੇ ਸੁਫ਼ਨੇ ਪੂਰੇ ਕਰਨ ਲਈ ਵਿਦੇਸ਼ ‘ਚ ਪੜ੍ਹਣ ਜਾਂਦੀ ਹੈ ਤੇ ਉੱਥੇ ਸਖ਼ਤ ਮਿਹਨਤਾਂ ਕਰਕੇ ਆਪਣੇ ਖਰਚੇ ਪੂਰੇ ਕਰਦੀ ਹੈ । ਇਸ ਫ਼ਿਲਮ ‘ਚ ਉਹ ਅਮਰਿੰਦਰ ਗਿੱਲ ਦੇ ਨਾਲ ਸਿਲਵਰ ਸਕਰੀਨ ਸ਼ੇਅਰ ਕਰਦੇ ਹੋਏ ਨਜ਼ਰ ਆਏ । ਦਰਸ਼ਕਾਂ ਵੱਲੋਂ ਫ਼ਿਲਮ ਅਤੇ ਉਨ੍ਹਾਂ ਵੱਲੋਂ ਨਿਭਾਏ ਕਿਰਦਾਰ ਨੂੰ ਕਾਫੀ ਪਸੰਦ ਕੀਤਾ ਗਿਆ । ਜਿਸਦੇ ਚੱਲਦੇ ਇਸ ਸਾਲ ਇਸ ਫ਼ਿਲਮ ਦਾ ਦੂਜਾ ਭਾਗ ਚੱਲ ਮੇਰਾ ਪੁੱਤ 2 ਵੀ ਰਿਲੀਜ਼ ਹੋਇਆ ਸੀ । ਪਰ ਇਸ ਫ਼ਿਲਮ ਨੂੰ ਵੀ ਕੋਰੋਨਾ ਵਾਇਰਸ ਦੀ ਮਾਰ ਝਲਣੀ ਪਈ ਹੈ ਤੇ ਜਦੋਂ ਸਭ ਕੁਝ ਠੀਕ ਹੋ ਜਾਵੇਗਾ ਤਾਂ ਇਸ ਫ਼ਿਲਮ ਨੂੰ ਇੱਕ ਵਾਰ ਫਿਰ ਤੋਂ ਰਿਲੀਜ਼ ਕੀਤਾ ਜਾਵੇਗਾ । ਹੁਣ ਤੁਸੀਂ ਕਮੈਂਟ ਕਰਕੇ ਦੱਸੋ ਤੁਹਾਨੂੰ ਸਿੰਮੀ ਚਾਹਲ ਦਾ ਕਿਹੜਾ ਰੋਲ ਜ਼ਿਆਦਾ ਪਸੰਦ ਹੈ ।