ਚਾਰ ਮਹੀਨੇ ਦੇ ਬੱਚੇ ਦੇ ਦਿਲ ਦੇ ਅਪਰੇਸ਼ਨ ਲਈ ਚਾਹੀਦੇ ਸਨ 7 ਲੱਖ ਰੁਪਏ, ਸੋਨੂੰ ਸੂਦ ਮਦਦ ਲਈ ਆਏ ਅੱਗੇ

ਸੋਨੂੰ ਸੂਦ ਹਮੇਸ਼ਾ ਲੋਕਾਂ ਦੀ ਮਦਦ ਲਈ ਤਿਆਰ ਰਹਿੰਦੇ ਹਨ । ਇਸ ਸਭ ਦੇ ਚੱਲਦੇ ਸੋਨੂੰ ਸੂਦ ਨੇ ਤੇਲੰਗਾਨਾ ਦੇ ਰਹਿਣ ਵਾਲੇ ਇੱਕ ਪਰਿਵਾਰ ਨੂੰ ਉਹਨਾਂ ਦੀ ਚਾਰ ਮਹੀਨੇ ਦੇ ਬੱਚੇ ਦੇ ਦਿਲ ਦੇ ਆਪ੍ਰੇਸ਼ਨ ਲਈ ਮਦਦ ਕੀਤੀ ਹੈ । ਪੰਡੋਪਾਲੀ ਬਾਬੂ ਅਤੇ ਰਜਿਤਾ ਦਾ ਚਾਰ ਮਹੀਨਿਆਂ ਦਾ ਪੁੱਤਰ ਅਦਵੈਤ ਸ਼ੌਰਿਆ, ਦਿਲ ਦੀ ਬਿਮਾਰੀ ਨਾਲ ਪੀੜਤ ਸੀ। ਸ਼ੌਰਿਆ ਦਾ ਇਲਾਜ ਕਰ ਰਹੇ ਡਾਕਟਰਾਂ ਨੇ ਦੱਸਿਆ ਕਿ ਉਸ ਦੇ ਇਲਾਜ ‘ਤੇ ਲਗਭਗ ਸੱਤ ਲੱਖ ਰੁਪਏ ਖਰਚ ਆਉਣਗੇ।

ਹੋਰ ਪੜ੍ਹੋ :

ਅਦਾਕਾਰ ਰਣਜੀਤ ਦਾ ਹੈ ਅੱਜ ਜਨਮ ਦਿਨ, ਇਸ ਵਜ੍ਹਾ ਕਰਕੇ ਘਰੋਂ ਕੱਢ ਦਿੱਤਾ ਗਿਆ ਸੀ ਬਾਹਰ

ਐਕਸ ਬੁਆਏ ਫ੍ਰੈਂਡ ਹਿਮਾਂਸ਼ ਕੋਹਲੀ ਦਾ ਨੇਹਾ ਕੱਕੜ ਤੋਂ ਮਾਫੀ ਮੰਗਣ ਦਾ ਵੀਡੀਓ ਵਾਇਰਲ

ਜਿਵੇਂ ਕਿ ਬਾਬੂ ਇਕ ਕੋਰੀਅਰ ਕੰਪਨੀ ਵਿਚ ਕੰਮ ਕਰਦਾ ਹੈ, ਉਹ ਇਲਾਜ ਲਈ ਪੈਸੇ ਨਹੀਂ ਸਨ ਜੁਟਾ ਪਾ ਰਹੇ ਅਤੇ ਬੇਟੇ ਦੇ ਇਲਾਜ ਲਈ ਸਹਾਇਤਾ ਦੀ ਉਡੀਕ ਕਰ ਰਿਹਾ ਸੀ। ਬਾਬੂ ਨੇ ਹਾਲ ਹੀ ਵਿੱਚ ਆਪਣੇ ਬੇਟੇ ਨੂੰ ਹੈਦਰਾਬਾਦ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਹੈ। ਉਸ ਦੇ ਪਿੰਡ ਦੇ ਵਸਨੀਕਾਂ ਅਤੇ ਉਨ੍ਹਾਂ ਦੇ ਦੋਸਤਾਂ ਨੇ ਸੋਨੂੰ ਸੂਦ ਨੂੰ ਇਸ ਬਾਰੇ ਟਵਿੱਟਰ ਰਾਹੀਂ ਦੱਸਿਆ ਅਤੇ ਅਦਵੈਤ ਦੇ ਇਲਾਜ ਵਿਚ ਮਦਦ ਦੀ ਅਪੀਲ ਕੀਤੀ।

ਬੱਚੇ ਦੇ ਪਿਤਾ ਨੇ ਕਿਹਾ ਕਿ ਸੋਨੂੰ ਸੂਦ ਨੇ ਉਸ ਦੇ ਟਵੀਟ ਦਾ ਜਵਾਬ ਦਿੱਤਾ ਅਤੇ ਵੱਧ ਤੋਂ ਵੱਧ ਮਦਦ ਕਰਨ ਦਾ ਭਰੋਸਾ ਦਿੱਤਾ। ਬਾਬੂ ਨੇ ਕਿਹਾ ਕਿ ਸੋਨੂੰ ਸੂਦ ਨੇ ਉਹਨਾਂ ਨੂੰ ਬੱਚੇ ਨੂੰ ਹੈਦਰਾਬਾਦ ਦੇ ਇਨੋਵਾ ਹਸਪਤਾਲ ਵਿੱਚ ਦਾਖਲ ਕਰਵਾਉਣ ਲਈ ਕਿਹਾ ਜਿੱਥੇ ਬੱਚੇ ਦਾ ਇਲਾਜ਼ ਚੱਲ ਰਿਹਾ ਹੈ ।ਬੱਚੇ ਦੇ ਮਾਪਿਆਂ ਨੇ ਸੋਨੂੰ ਸੂਦ ਦਾ ਇਸ ਦਿਆਲਤਾ ਲਈ ਧੰਨਵਾਦ ਕੀਤਾ ਹੈ।