ਬਾਲੀਵੁੱਡ ਦੀਆਂ ਇਹ ਹੀਰੋਇਨਾਂ ਆਪਣੇ ਪਤੀਆਂ ਲਈ ਨਹੀਂ ਰੱਖਦੀਆਂ ਕਰਵਾ ਚੌਥ ਦਾ ਵਰਤ, ਇਹ ਹੈ ਵਜ੍ਹਾ

ਅੱਜ ਦੇਸ਼ ਭਰ ਵਿੱਚ ਕਰਵਾ ਚੌਥ ਦਾ ਵਰਤ ਰੱਖਿਆ ਜਾ ਰਿਹਾ ਹੈ । ਪਤੀ ਦੀ ਲੰਮੀ ਉਮਰ ਲਈ ਰੱਖਿਆ ਜਾਣ ਵਾਲਾ ਇਹ ਵਰਤ ਹਰ ਆਮ ਤੇ ਖ਼ਾਸ ਔਰਤ ਰੱਖਦੀ ਹੈ । ਪਰ ਬਾਲੀਵੁੱਡ ਵਿੱਚ ਕੁਝ ਅਜਿਹੀਆਂ ਹੀਰੋਇਨਾਂ ਹਨ ਜਿਹੜੀਆਂ ਵਿਆਹੁਤਾ ਹੁੰਦੇ ਹੋਏ ਵੀ ਕਰਵੇ ਦਾ ਵਰਤ ਨਹੀਂ ਰੱਖਦੀਆਂ । ਇਹਨਾਂ ਵਿੱਚ ਕਰੀਨਾ ਕਪੂਰ, ਹੇਮਾ ਮਾਲਿਨੀ ਤੋਂ ਲੈ ਕੇ ਦੀਪਿਕਾ ਪਾਦੂਕੋਣ ਸਮੇਤ ਹੋਰ ਕਈ ਹੀਰੋਇਨਾਂ ਹਨ । ਵਿਆਹ ਦੇ 19 ਸਾਲਾਂ ਬਾਅਦ ਦੀ ਟਵਿੰਕਲ ਖੰਨਾ ਨੇ ਕਦੇ ਵੀ ਅਕਸ਼ੇ ਕੁਮਾਰ ਲਈ ਵਰਤ ਨਹੀਂ ਰੱਖਿਆ ।

ਹੋਰ ਪੜ੍ਹੋ :-

ਗਾਇਕ ਸਤਵਿੰਦਰ ਬੁੱਗਾ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ‘ਚ ਹੋਏ ਨਤਮਸਤਕ

ਮਾਨਸੀ ਸ਼ਰਮਾ ਨੇ ਪਹਿਲੀ ਵਾਰ ਰੱਖਿਆ ਕਰਵਾ ਚੌਥ ਦਾ ਵਰਤ, ਮਹਿੰਦੀ ਵਾਲੀ ਫੋਟੋ ਸ਼ੇਅਰ ਕਰਦੇ ਹੋਏ ਸਭ ਨੂੰ ਕਰਵਾ ਚੌਥ ਦੇ ਤਿਉਹਾਰ ਦੀ ਦਿੱਤੀ ਵਧਾਈ

ਟਵਿੰਕਲ ਦਾ ਇਸ ਨੂੰ ਲੈ ਕੇ ਕਹਿਣਾ ਹੈ ਕਿ ਭੁੱਖੇ ਰਹਿ ਕੇ ਪਤੀ ਦੀ ਉਮਰ ਨਹੀਂ ਵੱਧਦੀ । ਕੁਝ ਸਾਲ ਪਹਿਲਾਂ ਉਹਨਾਂ ਨੇ ਇੱਕ ਮੁੱਦੇ ਤੇ ਖੁੱਲ ਕੇ ਗੱਲ ਕੀਤੀ ਸੀ । ਉਹਨਾਂ ਦਾ ਕਹਿਣਾ ਸੀ ਕਿ ਕੁਝ ਲੋਕ 50 ਦੀ ਉਮਰ ਵਿੱਚ ਵੀ ਦੂਜਾ ਵਿਆਹ ਕਰਨ ਤੋਂ ਨਹੀਂ ਡਰਦੇ, ਜਦੋਂ ਪੂਰੀ ਜ਼ਿੰਦਗੀ ਕਿਸੇ ਦੇ ਨਾਲ ਕੋਈ ਰਹਿ ਨਹੀਂ ਸਕਦਾ ਤਾਂ ਲੰਮੀ ਉਮਰ ਦੀ ਕਾਮਨਾ ਕਿਉਂ ਕੀਤੀ ਜਾਵੇ ।

ਟਵਿੰਕਲ ਦੇ ਇਸ ਬਿਆਨ ਤੇ ਕਾਫੀ ਹੰਗਾਮਾ ਵੀ ਹੋਇਆ ਸੀ । ਕਰੀਨਾ ਕਪੂਰ ਦੇ ਵਿਆਹ ਨੂੰ 8 ਸਾਲ ਤੋਂ ਉਪਰ ਹੋ ਗਏ ਹਨ । ਪਰ ਉਹਨਾਂ ਨੇ ਕਦੇ ਵੀ ਸੈਫ ਅਲੀ ਖ਼ਾਨ ਲਈ ਵਰਤ ਨਹੀਂ ਰੱਖਿਆ । ਕਰੀਨਾ ਇਸ ਦਿਨ ਰੋਜ਼ ਕਰਨ ਵਾਲੇ ਕੰਮ ਕਰਦੀ ਹੈ । ਕਰੀਨਾ ਦਾ ਕਹਿਣਾ ਹੈ ਕਿ ਕਿਸੇ ਨੂੰ ਪਿਆਰ ਦਾ ਇਜ਼ਹਾਰ ਕਰਨ ਲਈ ਵਰਤ ਦੀ ਜ਼ਰੂਰਤ ਨਹੀਂ ਹੁੰਦੀ ।

ਇਸ ਤੋਂ ਇਲਾਵਾ ਉਹਨਾਂ ਨੂੰ ਭੁੱਖੇ ਰਹਿਣ ਤੋਂ ਡਰ ਲੱਗਦਾ ਹੈ । ਇਸੇ ਤਰ੍ਹਾਂ ਸੋਨਮ ਕਪੂਰ ਵੀ ਆਪਣੇ ਪਤੀ ਲਈ ਵਰਤ ਨਹੀਂ ਰੱਖਦੀ । ਸੋਨਮ ਦੇ ਪਤੀ ਆਨੰਦ ਅਹੂਜਾ ਨਹੀਂ ਚਾਹੁੰਦੇ ਕਿ ਸੋਨਮ ਉਹਨਾਂ ਲਈ ਵਰਤ ਰੱਖੇ ਤੇ ਉਹ ਭੁੱਖੀ ਰਹੇ ।

ਵਿਦਿਆ ਬਾਲਨ ਵੀ ਆਪਣੇ ਪਤੀ ਲਈ ਵਰਤ ਨਹੀਂ ਰੱਖਦੀ । ਵਿਦਿਆ ਵਰਤ ਵਿੱਚ ਯਕੀਨ ਨਹੀਂ ਰੱਖਦੀ । ਪਰ ਉਹ ਇਸ ਦਿਨ ਆਪਣੇ ਪਤੀ ਨਾਲ ਸਮਾਂ ਜ਼ਰੂਰ ਗੁਜ਼ਾਰਦੀ ਹੈ ।