Anu Kapoor Health update :ਛਾਤੀ 'ਚ ਦਰਦ ਦੀ ਸ਼ਿਕਾਇਤ ਤੋਂ ਬਾਅਦ ਅੰਨੂ ਕਪੂਰ ਹਸਪਤਾਲ 'ਚ ਭਰਤੀ, ਹਾਲਤ 'ਚ ਹੋ ਰਿਹਾ ਸੁਧਾਰ
Anu Kapoor Health update : ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ, ਨਿਰਦੇਸ਼ਕ ਅਤੇ ਗਾਇਕ ਅੰਨੂ ਕਪੂਰ ਨੂੰ ਛਾਤੀ 'ਚ ਦਰਦ ਦੀ ਸ਼ਿਕਾਇਤ ਕਾਰਨ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਉਨ੍ਹਾਂ ਦਾ ਦਿੱਲੀ ਦੇ ਸਰ ਗੰਗਾਰਾਮ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।
image source: Instagram
ਮੀਡੀਆ ਰਿਪੋਰਟਸ ਦੀ ਜਾਣਕਾਰੀ ਮੁਤਾਬਕ ਵੀਰਵਾਰ ਸਵੇਰੇ ਅਚਾਨਕ ਅੰਨੂ ਕਪੂਰ ਨੂੰ ਛਾਤੀ 'ਚ ਤੇਜ਼ ਦਰਦ ਹੋਇਆ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਹਾਲਾਂਕਿ ਹੁਣ ਉਨ੍ਹਾਂ ਦੀ ਸਿਹਤ 'ਚ ਸੁਧਾਰ ਹੋ ਰਿਹਾ ਹੈ ਅਤੇ ਉਹ ਖਾਣਾ ਵੀ ਖਾ ਰਹੇ ਹਨ।
ਗੰਗਾਰਾਮ ਹਸਪਤਾਲ ਦੇ ਚੇਅਰਮੈਨ ਅਜੈ ਸਵਰੂਪ ਮੁਤਾਬਕ ਅੰਨੂ ਕਪੂਰ ਦਾ ਹੈਲਥ ਅਪਡੇਟ ਦਿੰਦੇ ਹੋਏ ਦੱਸਿਆ ਕਿ ਅੰਨੂ ਕਪੂਰ ਨੂੰ ਛਾਤੀ 'ਚ ਦਰਦ ਦੀ ਸ਼ਿਕਾਇਤ ਹੈ। ਇਸੇ ਕਾਰਨ ਉਨ੍ਹਾਂ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਸੀ। ਦਿਲ ਦੇ ਮਾਹਿਰ ਡਾਕਟਰ ਸੁਸ਼ਾਂਤ ਵੱਟਲ ਅਦਾਕਾਰ ਦਾ ਇਲਾਜ ਕਰ ਰਹੇ ਹਨ। ਖਬਰਾਂ 'ਚ ਅੰਨੂ ਕਪੂਰ ਨੂੰ ਦਿਲ ਦਾ ਦੌਰਾ ਪੈਣ ਦੀ ਖ਼ਬਰ ਦਾ ਵੀ ਖੰਡਨ ਕੀਤਾ ਗਿਆ ਹੈ। ਉਨ੍ਹਾਂ ਦੀ ਸਿਹਤ ਦੀ ਖ਼ਬਰ ਸੁਣ ਕੇ ਪ੍ਰਸ਼ੰਸਕ ਕਾਫੀ ਚਿੰਤਤ ਹਨ ਅਤੇ ਉਨ੍ਹਾਂ ਦੇ ਜਲਦੀ ਠੀਕ ਹੋਣ ਦੀ ਦੁਆ ਕਰ ਰਹੇ ਹਨ।
image source: Instagram
ਅਨੂੰ ਕਪੂਰ ਨੇ ਆਪਣੇ 40 ਸਾਲ ਦੇ ਫਿਲਮੀ ਕਰੀਅਰ ਵਿੱਚ 100 ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਇੱਕ ਅਭਿਨੇਤਾ ਹੋਣ ਤੋਂ ਇਲਾਵਾ, ਉਹ ਇੱਕ ਗਾਇਕ, ਨਿਰਦੇਸ਼ਕ, ਨਿਰਮਾਤਾ, ਰੇਡੀਓ ਜੌਕੀ ਅਤੇ ਟੈਲੀਵਿਜ਼ਨ ਪੇਸ਼ਕਾਰ ਵੀ ਹੈ। ਸੁਹਾਨਾ ਨੇ ਅਨੂੰ ਕਪੂਰ ਦੇ ਨਾਲ ਸਫਰ ਨਾਂ ਦੇ ਰੇਡੀਓ ਸ਼ੋਅ ਨੂੰ ਵੀ ਹੋਸਟ ਕੀਤਾ ਹੈ।
ਅੰਨੂ ਕਪੂਰ ਨੂੰ ਉਨ੍ਹਾਂ ਦੀ ਦਮਦਾਰ ਅਦਾਕਾਰੀ ਲਈ ਕਈ ਪੁਰਸਕਾਰਾਂ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਹੈ। ਹੁਣ ਤੱਕ ਉਹ 1 ਨੈਸ਼ਨਲ ਫਿਲਮ ਅਵਾਰਡ, 1 ਫਿਲਮਫੇਅਰ ਅਵਾਰਡ ਅਤੇ 2 ਇੰਡੀਅਨ ਟੈਲੀਵਿਜ਼ਨ ਅਕੈਡਮੀ ਅਵਾਰਡ ਜਿੱਤ ਚੁੱਕੇ ਹਨ।
image source: Instagram
ਹੋਰ ਪੜ੍ਹੋ: ਚਰਚਾ ਦਾ ਵਿਸ਼ਾ ਬਣਿਆ ਆਥੀਆ ਸ਼ੈੱਟੀ ਦਾ ਬ੍ਰਾਈਡਲ ਲਹਿੰਗਾ, 10 ਹਜ਼ਾਰ ਘੰਟਿਆਂ 'ਚ ਬਣ ਕੇ ਹੋਇਆ ਤਿਆਰ
ਅਨੂੰ ਕਪੂਰ ਕਈ ਸੁਪਰਹਿੱਟ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਹਨ। ਆਯੁਸ਼ਮਾਨ ਖੁਰਾਨਾ ਦੀਆਂ ਫਿਲਮਾਂ ਵਿੱਕੀ ਡੋਨਰ ਅਤੇ ਡ੍ਰੀਮ ਗਰਲ ਵਿੱਚ ਵੀ ਉਨ੍ਹਾਂ ਦੇ ਕਿਰਦਾਰ ਨੂੰ ਦਰਸ਼ਕਾਂ ਦੁਆਰਾ ਖੂਬ ਪਸੰਦ ਕੀਤਾ ਗਿਆ ਸੀ। ਇਨ੍ਹਾਂ ਤੋਂ ਇਲਾਵਾ ਉਹ ਸਾਤ ਖੂਨ ਮਾਫ, ਰੇਨ ਕੋਟ ਅਤੇ ਜੌਲੀ ਐਲਐਲਬੀ 2 ਵਰਗੀਆਂ ਕਈ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੇ ਹਨ। ਉਹ ਜਲਦੀ ਹੀ ਡ੍ਰੀਮ ਗਰਲ 2, ਸਬ ਮੋਹ ਮਾਇਆ ਹੈ ਅਤੇ ਹਮ ਦੋ ਹਮਾਰੇ ਬਾਰਾਹ ਵਰਗੀਆਂ ਫਿਲਮਾਂ ਵਿੱਚ ਵੀ ਨਜ਼ਰ ਆਉਣਗੇ।