ਬਾਲੀਵੁੱਡ ਦੀ ਇਹਨਾਂ ਹਸੀਨਾਵਾਂ ਉੱਤੇ ਆਇਆ ਸੀ ‘ਸਿਕਸਰ ਕਿੰਗ’ ਦਾ ਦਿਲ
Lajwinder kaur
December 12th 2018 11:15 AM --
Updated:
December 12th 2018 11:16 AM
ਕ੍ਰਿਕੇਟ ਅਤੇ ਬਾਲੀਵੁੱਡ ਦਾ ਹਮੇਸ਼ਾ ਕੋਈ ਨਾ ਕੋਈ ਖਾਸ ਸੰਬੰਧ ਰਿਹਾ ਹੈ। ਕ੍ਰਿਕੇਟ ਦੇ ਖਿਡਾਰੀਆਂ ਦਾ ਬਾਲੀਵੁੱਡ ਅਦਾਕਾਰਾਂ ਦੇ ਨਾਲ ਪਿਆਰ ਦੇ ਕਿੱਸੇ ਹਮੇਸ਼ਾ ਤੋਂ ਹੀ ਚਰਚਾ ਦਾ ਵਿਸ਼ਾ ਬਣੇ ਰਹੇ ਹਨ। ਇਨ੍ਹਾਂ ਵਿੱਚ ਇੱਕ ਖਿਡਾਰੀ ਯੁਵਰਾਜ ਸਿੰਘ ਵੀ ਹਨ। ‘ਸਿਕਸਰ ਕਿੰਗ’ ਦੇ ਨਾਂਅ ਨਾਲ ਮਸ਼ਹੂਰ ਯੁਵੀ ਦੇ ਰੋਮਾਂਸ ਦੇ ਕਿੱਸੇ ਦੁਨਿਆ ਭਰ ਵਿੱਚ ਮਸ਼ਹੂਰ ਹਨ। ਭਾਰਤੀ ਕ੍ਰਿਕਟ ਖਿਡਾਰੀ ਯੁਵਰਾਜ ਸਿੰਘ ਦਾ ਅੱਜ ਜਨਮ ਦਿਨ ਯਾਨੀਕਿ 12 ਦਸੰਬਰ ਨੂੰ ਹੋਇਆ। ਜ਼ਿੰਦਗੀ 'ਚ ਕੈਂਸਰ ਨੂੰ ਬੋਲਡ ਕਰਕੇ ਯੁਵਰਾਜ ਸਿੰਘ ਅੱਜ 37 ਸਾਲ ਦੇ ਹੋ ਗਏ ਹਨ। ਯੁਵਰਾਜ ਸਿੰਘ ਦਾ ਜਨਮ 12 ਦਸੰਬਰ 1981 ਨੂੰ ਚੰਡੀਗੜ੍ਹ 'ਚ ਹੋਇਆ ਸੀ। 2007 ਦੇ ਟੀ-20 ਵਿਸ਼ਵ ਕੱਪ 'ਚ ਯੁਵਰਾਜ ਨੇ 6 ਗੇਂਦਾਂ 'ਚ 6 ਛੱਕੇ ਤੇ 2011 ਦੇ ਵਿਸ਼ਵ ਕੱਪ 'ਚ ਯਾਦਗਾਰੀ ਬੱਲੇਬਾਜ਼ੀ ਕੀਤੀ ਸੀ। ਯੁਵਰਾਜ ਸਿੰਘ ਦਾ ਵਿਆਹ ਹੈਜ਼ਲ ਕੀਚ ਨਾਲ 30 ਨਵੰਬਰ 2016 ਨੂੰ ਹੋਇਆ ਸੀ।