LIVE:
'ਬਿੱਗ ਬੌਸ' ਫੇਮ ਅਬਦੁ ਰੌਜ਼ਿਕ ਦਾ ਇਸ ਦਿਨ ਹੋਵੇਗਾ ਵਿਆਹ, ਜਾਣੋ ਕੌਣ ਹੋਵੇਗੀ 'ਛੋਟੇ ਭਾਈਜਾਨ' ਦੀ ਦੁਲਹਨ
Bigg Boss fame Abdu Rozik wedding :ਬਿੱਗ ਬੌਸ ਸੀਜ਼ਨ 16 ਵਿੱਚ, ਅਬਦੁ ਰੌਜ਼ਿਕ ਨੇ ਸ਼ੋਅ ਦੇ ਹੋਸਟ ਸਲਮਾਨ ਖਾਨ, ਘਰ ਦੇ ਮੈਂਬਰਾਂ ਦੇ ਨਾਲ-ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। 'ਬਿੱਗ ਬੌਸ' ਨਾਲ ਭਾਰਤ 'ਚ ਮਸ਼ਹੂਰ ਹੋਏ ਅਬਦੁ ਰੌਜ਼ਿਕ ਜਲਦ ਹੀ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੇ ਹਨ। 'ਛੋਟੇ ਭਾਈਜਾਨ' ਨੇ ਆਪਣੇ ਲਈ ਦੁਲਹਨ ਲੱਭ ਲਈ ਹੈ, ਇਹ ਖ਼ਬਰ ਸੁਣ ਕੇ ਫੈਨਜ਼ ਕਾਫੀ ਖੁਸ਼ ਹਨ।
19 ਸਾਲ ਦੀ ਅਮੀਰਾ ਨਾਲ ਵਿਆਹ ਕਰਨਗੇ ਅਬਦੁ ਰੌਜ਼ਿਕ
ਖਲੀਜ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਅਬਦੁ ਰੌਜ਼ਿਕ 7 ਜੁਲਾਈ ਨੂੰ ਵਿਆਹ ਦੇ ਬੰਧਨ 'ਚ ਬੱਝਣਗੇ। ਉਹ ਸ਼ਾਰਜਾਹ ਦੀ ਇੱਕ ਇਮੀਰਾਤੀ ਕੁੜੀ ਨਾਲ ਵਿਆਹ ਕਰੇਗਾ। ਰਿਪੋਰਟ ਮੁਤਾਬਕ 20 ਸਾਲਾ ਅਬਦੂ 19 ਸਾਲ ਦੀ ਅਮੀਰਾ ਨਾਲ ਵਿਆਹ ਕਰਨ ਜਾ ਰਿਹਾ ਹੈ।
ਅਬਦੁ ਰੌਜ਼ਿਕ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਸ ਨੇ ਕਿਹਾ ਹੈ ਕਿ ਮੈਨੂੰ ਇਕ ਅਜਿਹੀ ਲੜਕੀ ਮਿਲੀ ਹੈ ਜੋ ਮੇਰੀ ਇੱਜ਼ਤ ਕਰਦੀ ਹੈ, ਜੋ ਮੈਨੂੰ ਬਹੁਤ ਪਿਆਰ ਕਰਦੀ ਹੈ।
ਅਬਦੁ ਨੇ ਵੀਡੀਓ ਕੀਤੀ ਸਾਂਝੀ
ਅਬਦੂ ਰੌਜ਼ਿਕ ਵੱਲੋਂ ਸ਼ੇਅਰ ਕੀਤੀ ਗਈ ਵੀਡੀਓ ਵਿੱਚ ਉਹ ਕਾਲੇ ਕੋਟ ਅਤੇ ਪੈਂਟ ਵਿੱਚ ਨਜ਼ਰ ਆ ਰਿਹਾ ਹੈ। "ਮੇਰੀ ਜ਼ਿੰਦਗੀ ਵਿੱਚ ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਮੈਂ ਇੰਨਾ ਖੁਸ਼ਕਿਸਮਤ ਹੋਵਾਂਗਾ ਕਿ ਮੈਨੂੰ ਅਜਿਹਾ ਪਿਆਰ ਪਾਵਾਂਗਾ ਜੋ ਮੇਰੀ ਇੱਜ਼ਤ ਕਰਦਾ ਹੈ ਅਤੇ ਮੇਰੀ ਜ਼ਿੰਦਗੀ ਦੀਆਂ ਮੁਸ਼ਕਲਾਂ ਨੂੰ ਬੋਝ ਨਹੀਂ ਸਮਝਦਾ," ਰੌਜਿਕ ਨੇ 7 ਜੁਲਾਈ ਨੂੰ ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ ਸੀ। ਮੈਂ ਤੁਹਾਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕਰ ਸਕਦਾ ਕਿ ਮੈਂ ਕਿੰਨਾ ਖੁਸ਼ ਹਾਂ।” ਇਸ ਤੋਂ ਬਾਅਦ, ਵੀਡੀਓ ਵਿੱਚ, ਅਬਦੂ ਆਪਣੀ ਜੇਬ ਵਿੱਚੋਂ ਇੱਕ ਅੰਗੂਠੀ ਕੱਢਦਾ ਹੈ ਅਤੇ ਇਸ ਨੂੰ ਦਿਖਾਉਂਦਾ ਹੈ।
ਹੋਰ ਪੜ੍ਹੋ : ਕਰਨ ਔਜਲਾ ਦਾ ਨਵਾਂ ਗੀਤ 'Goin' Off' ਹੋਇਆ ਰਿਲੀਜ਼, ਵੇਖੋ ਵੀਡੀਓ
ਅਬਦੂ ਦੇ ਵੀਡੀਓ 'ਤੇ ਕਈ ਲੋਕਾਂ ਨੇ ਕਮੈਂਟ ਕੀਤੇ ਹਨ। ਇਸ ਖੁਸ਼ਖਬਰੀ ਲਈ ਹਰ ਕੋਈ ਅਬਦੂ ਨੂੰ ਵਧਾਈ ਦੇ ਰਿਹਾ ਹੈ। ਖਲੀਜ ਟਾਈਮਜ਼ ਦੇ ਅਨੁਸਾਰ, ਅਬਦੂ ਫਰਵਰੀ ਵਿੱਚ ਦੁਬਈ ਦੇ ਇੱਕ ਮਾਲ ਵਿੱਚ ਆਪਣੀ ਹੋਣ ਵਾਲੀ ਲਾੜੀ ਨੂੰ ਮਿਲਿਆ ਸੀ। ਇਸ ਦੌਰਾਨ ਇੰਟਰਨੈਸ਼ਨਲ ਫਾਈਟਿੰਗ ਚੈਂਪੀਅਨਸ਼ਿਪ ਮੈਨੇਜਮੈਂਟ (ਅਬਦੁ ਦੀ ਮੈਨੇਜਮੈਂਟ ਕੰਪਨੀ) ਨੇ ਖਲੀਜ ਟਾਈਮਜ਼ ਨੂੰ ਦੱਸਿਆ ਕਿ ਇਹ ਲਵ ਮੈਰਿਜ ਹੈ ਅਤੇ ਦੋਵਾਂ ਨੇ ਹਾਲ ਹੀ ਵਿੱਚ ਮੰਗਣੀ ਕੀਤੀ ਹੈ।
- PTC PUNJABI
