Shikhar Dhawan Divorce: ਭਾਰਤੀ ਕ੍ਰਿਕਟਰ ਸ਼ਿਖਰ ਧਵਨ ਦਾ ਪਤਨੀ ਆਇਸ਼ਾ ਮੁਖਰਜੀ ਨਾਲ ਹੋਇਆ ਤਲਾਕ, ਕੋਰਟ ਨੇ ਦਿੱਤੀ ਪੁੱਤ ਨਾਲ ਮਿਲਣ ਦੀ ਇਜਾਜ਼ਤ

ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਓਪਨਰ ਸ਼ਿਖਰ ਧਵਨ ਨੂੰ ਲੈ ਕੇ ਇੱਕ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। ਧਵਨ ਦਾ ਆਪਣੀ ਪਤਨੀ ਆਇਸ਼ਾ ਮੁਖਰਜੀ ਤੋਂ ਤਲਾਕ ਹੋ ਚੁੱਕਾ ਹੈ। ਦਿੱਲੀ ਦੇ ਪਟਿਆਲਾ ਹਾਊਸ ਕੰਪਲੈਕਸ ਸਥਿਤ ਫੈਮਿਲੀ ਕੋਰਟ ਨੇ ਸ਼ਿਖਰ ਧਵਨ ਦੇ ਤਲਾਕ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਦੇ ਨਾਲ ਹੀ ਹੁਣ ਕੋਰਟ ਨੇ ਸ਼ਿਖਰ ਧਵਨ ਨੂੰ ਪੁੱਤ ਨਾਲ ਮਿਲਣ ਦੀ ਇਜਾਜ਼ਤ ਵੀ ਦੇ ਦਿੱਤੀ ।

Reported by: PTC Punjabi Desk | Edited by: Pushp Raj | October 09th 2023 02:34 PM | Updated: October 09th 2023 02:35 PM

Shikhar Dhawan Divorce: ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਓਪਨਰ ਸ਼ਿਖਰ ਧਵਨ ਨੂੰ ਲੈ ਕੇ ਇੱਕ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। ਧਵਨ ਦਾ ਆਪਣੀ ਪਤਨੀ ਆਇਸ਼ਾ ਮੁਖਰਜੀ ਤੋਂ ਤਲਾਕ ਹੋ ਚੁੱਕਾ ਹੈ। ਦਿੱਲੀ ਦੇ ਪਟਿਆਲਾ ਹਾਊਸ ਕੰਪਲੈਕਸ ਸਥਿਤ ਫੈਮਿਲੀ ਕੋਰਟ ਨੇ ਸ਼ਿਖਰ ਧਵਨ ਦੇ ਤਲਾਕ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਅਦਾਲਤ ਨੇ ਇਹ ਵੀ ਮੰਨਿਆ ਕਿ ਸ਼ਿਖਰ ਧਵਨ ਦੀ ਪਤਨੀ ਨੇ ਧਵਨ ਨੂੰ ਆਪਣੇ ਇਕਲੌਤੇ ਪੁੱਤਰ ਤੋਂ ਕਈ ਸਾਲਾਂ ਤੋਂ ਵੱਖ ਰਹਿਣ ਲਈ ਮਜਬੂਰ ਕਰਕੇ ਮਾਨਸਿਕ ਤੌਰ 'ਤੇ ਤੰਗ ਪਰੇਸ਼ਾਨ ਕੀਤਾ ਹੈ।

ਫੈਮਿਲੀ ਕੋਰਟ ਦੇ ਜੱਜ ਹਰੀਸ਼ ਕੁਮਾਰ ਨੇ ਤਲਾਕ ਦੀ ਪਟੀਸ਼ਨ 'ਚ ਧਵਨ ਵੱਲੋਂ ਆਪਣੀ ਪਤਨੀ 'ਤੇ ਲਗਾਏ ਗਏ ਸਾਰੇ ਦੋਸ਼ਾਂ ਨੂੰ ਸਵੀਕਾਰ ਕਰ ਲਿਆ। ਫੈਮਿਲੀ ਕੋਰਟ ਨੇ ਆਪਣੇ ਹੁਕਮ 'ਚ ਕਿਹਾ ਕਿ ਧਵਨ ਦੀ ਪਤਨੀ ਨੇ ਜਾਂ ਤਾਂ ਉਪਰੋਕਤ ਦੋਸ਼ਾਂ ਦਾ ਵਿਰੋਧ ਨਹੀਂ ਕੀਤਾ ਜਾਂ ਫਿਰ ਆਪਣਾ ਬਚਾਅ ਕਰਨ 'ਚ ਅਸਫਲ ਰਹੀ।

ਧਵਨ ਨੇ ਆਪਣੀ ਤਲਾਕ ਪਟੀਸ਼ਨ 'ਚ ਕਿਹਾ ਸੀ ਕਿ ਉਨ੍ਹਾਂ ਦੀ ਪਤਨੀ ਨੇ ਉਨ੍ਹਾਂ ਨੂੰ ਮਾਨਸਿਕ ਜ਼ੁਲਮ ਦਾ ਸ਼ਿਕਾਰ ਬਣਾਇਆ ਹੈ। ਅਦਾਲਤ ਨੇ ਧਵਨ ਜੋੜੇ ਦੇ ਪੁੱਤਰ ਦੀ ਸਥਾਈ ਹਿਰਾਸਤ ਬਾਰੇ ਕੋਈ ਹੁਕਮ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਅਦਾਲਤ ਨੇ ਧਵਨ ਨੂੰ ਭਾਰਤ ਅਤੇ ਆਸਟ੍ਰੇਲੀਆ ਵਿਚ ਆਪਣੇ ਬੇਟੇ ਨੂੰ ਵਾਜਬ ਸਮੇਂ ਲਈ ਮਿਲਣ ਅਤੇ ਵੀਡੀਓ ਕਾਲਾਂ ਰਾਹੀਂ ਉਸ ਨਾਲ ਗੱਲਬਾਤ ਕਰਨ ਦਾ ਅਧਿਕਾਰ ਵੀ ਦਿੱਤਾ ਹੈ।

ਅਦਾਲਤ ਨੇ ਧਵਨ ਦੀ ਪਤਨੀ ਆਇਸ਼ਾ ਨੂੰ ਅਕਾਦਮਿਕ ਕੈਲੰਡਰ ਦੌਰਾਨ ਸਕੂਲ ਦੀਆਂ ਛੁੱਟੀਆਂ ਦੇ ਅੱਧੇ ਸਮੇਂ ਲਈ ਧਵਨ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨਾਲ ਰਾਤ ਭਰ ਰਹਿਣ ਸਮੇਤ, ਮੁਲਾਕਾਤ ਦੇ ਉਦੇਸ਼ਾਂ ਲਈ ਬੱਚੇ ਨੂੰ ਭਾਰਤ ਲਿਆਉਣ ਦਾ ਆਦੇਸ਼ ਦਿੱਤਾ।

ਅਦਾਲਤ ਨੇ ਕਿਹਾ ਕਿ ਪਟੀਸ਼ਨਕਰਤਾ ਸ਼ਿਖਰ ਧਵਨ ਮਸ਼ਹੂਰ ਅੰਤਰਰਾਸ਼ਟਰੀ ਕ੍ਰਿਕਟਰ ਹਨ। ਉਸ ਕੋਲ ਇੱਕ ਨਾਗਰਿਕ ਅਤੇ ਜ਼ਿੰਮੇਵਾਰ ਪਿਤਾ ਵਜੋਂ ਅਧਿਕਾਰ ਵੀ ਹਨ। ਇਸ ਤੋਂ ਇਲਾਵਾ, ਅਦਾਲਤ ਬੱਚੇ ਦੇ ਪਿਤਾ ਅਤੇ ਪਰਿਵਾਰ ਦੀ ਸੰਗਤ ਵਿਚ ਰਹਿਣ ਦੇ ਅਧਿਕਾਰ ਦਾ ਵੀ ਧਿਆਨ ਰੱਖਦੀ ਹੈ।

37 ਸਾਲਾ ਸ਼ਿਖਰ ਧਵਨ ਨੂੰ ਵਨਡੇ ਵਿਸ਼ਵ ਕੱਪ ਲਈ ਭਾਰਤੀ ਟੀਮ 'ਚ ਜਗ੍ਹਾ ਨਹੀਂ ਮਿਲੀ ਹੈ। ਫਿਲਹਾਲ ਕ੍ਰਿਕਟ 'ਚ ਉਸ ਲਈ ਸਮਾਂ ਚੰਗਾ ਨਹੀਂ ਚੱਲ ਰਿਹਾ ਹੈ। ਉਹ ਟੀਮ 'ਚ ਜਗ੍ਹਾ ਬਣਾਉਣ ਲਈ ਸੰਘਰਸ਼ ਕਰ ਰਿਹਾ ਹੈ।

ਇਸ ਤਰ੍ਹਾਂ ਧਵਨ ਨੂੰ ਆਇਸ਼ਾ ਨਾਲ ਪਿਆਰ ਹੋ ਗਿਆ

ਦੱਸਿਆ ਜਾਂਦਾ ਹੈ ਕਿ ਸ਼ਿਖਰ ਧਵਨ ਨੇ ਆਇਸ਼ਾ ਨੂੰ ਹਰਭਜਨ ਸਿੰਘ ਦੀ ਫੇਸਬੁੱਕ ਫ੍ਰੈਂਡ ਲਿਸਟ 'ਚ ਦੇਖਿਆ ਸੀ ਅਤੇ ਉਸ ਦੀ ਤਸਵੀਰ ਦੇਖਦੇ ਹੀ ਉਸ ਨਾਲ ਪਿਆਰ ਹੋ ਗਿਆ ਸੀ। ਇਸ ਤੋਂ ਬਾਅਦ ਸ਼ਿਖਰ ਨੇ ਆਇਸ਼ਾ ਨੂੰ ਫਰੈਂਡ ਰਿਕਵੈਸਟ ਭੇਜੀ। ਦੋਵਾਂ ਵਿਚਾਲੇ ਗੱਲਬਾਤ ਹੋਈ ਅਤੇ ਫੇਸਬੁੱਕ 'ਤੇ ਹੀ ਦੋਵਾਂ ਨੂੰ ਪਿਆਰ ਹੋ ਗਿਆ। ਸ਼ਿਖਰ ਆਇਸ਼ਾ ਤੋਂ 10 ਸਾਲ ਛੋਟੇ ਹਨ।

View this post on Instagram

A post shared by Viral Bhayani (@viralbhayani)

ਹੋਰ ਪੜ੍ਹੋ: Shah Rukh Khan: ਸਲਮਾਨ ਤੋਂ ਬਾਅਦ ਸ਼ਾਹਰੁਖ ਖਾਨ ਨੂੰ ਮਿਲੀ ਜਾਨੋ ਮਾਰਨ ਦੀਆਂ ਧਮਕੀਆਂ, ਮਹਾਰਾਸ਼ਟਰ ਸਰਕਾਰ ਨੇ ਕਿੰਗ ਖਾਨ ਨੂੰ ਦਿੱਤੀ Y ਸੁਰੱਖਿਆ

ਦੋਹਾਂ ਦੀ ਮੰਗਣੀ 2009 'ਚ ਹੋਈ ਸੀ, ਇਸ ਤੋਂ ਬਾਅਦ ਧਵਨ ਨੇ 2012 'ਚ ਆਇਸ਼ਾ ਨਾਲ ਵਿਆਹ ਕਰਵਾ ਲਿਆ। ਸ਼ਿਖਰ ਦਾ ਇਹ ਪਹਿਲਾ ਵਿਆਹ ਸੀ ਪਰ ਆਇਸ਼ਾ ਦਾ ਦੂਜਾ ਵਿਆਹ। ਆਇਸ਼ਾ ਦਾ ਪਹਿਲਾ ਵਿਆਹ ਆਸਟ੍ਰੇਲੀਆਈ ਕਾਰੋਬਾਰੀ ਨਾਲ ਹੋਇਆ ਸੀ, ਜੋ ਟੁੱਟ ਗਿਆ ਸੀ। ਆਇਸ਼ਾ ਅਤੇ ਉਸ ਦੇ ਪਹਿਲੇ ਪਤੀ ਦੀਆਂ ਦੋ ਬੇਟੀਆਂ ਹਨ ਜਿਨ੍ਹਾਂ ਦਾ ਨਾਂ ਰੀਆ ਅਤੇ ਆਲੀਆ ਹੈ। ਜਿਨ੍ਹਾਂ ਦੀ ਉਮਰ 21 ਅਤੇ 17 ਸਾਲ ਹੈ। ਸ਼ਿਖਰ ਅਤੇ ਆਇਸ਼ਾ ਦਾ ਇੱਕ ਬੇਟਾ ਹੈ ਜਿਸ ਦਾ ਨਾਮ ਜ਼ੋਰਾਵਰ ਹੈ।

- PTC PUNJABI