ਜੱਸ ਮਾਣਕ ਤੇ ਗੁਰੀ ‘ਚ ਹੋਈ ਲੜਾਈ, ਹੋਏ ਇੱਕ-ਦੂਜੇ ਤੋਂ ਨਰਾਜ਼, ਦੇਖੋ ਵੀਡੀਓ
ਜੀ ਹਾਂ ਜੱਸ ਮਾਣਕ Jass Manak ਤੇ ਗੁਰੀ Guri ਇੱਕ ਦੂਜੇ ਤੋਂ ਨਰਾਜ਼ ਹੋ ਗਏ ਨੇ। ਇਹ ਅਸੀਂ ਨਹੀਂ ਸਗੋਂ ਦੋਵੇ ਜਣੇ ਆਪਣੇ ਨਵੇਂ ਗੀਤ 'ਯਾਰਾ' (Yaara) ‘ਚ ਕਹਿ ਰਹੇ ਨੇ। ਜੀ ਹਾਂ ਇਹ ਗੀਤ ਗੁਰੀ ਤੇ ਜੱਸ ਮਾਣਕ ਦੀ ਆਉਣ ਵਾਲੀ ਨਵੀਂ ਫ਼ਿਲਮ ‘ਜੱਟ ਬ੍ਰਦਰਸ’ (Jatt Brothers) ਦਾ ਹੈ।
ਯਾਰਾ (Yaara) ਗੀਤ ਇਸ ਫ਼ਿਲਮ ਦਾ ਤੀਜਾ ਗਾਣਾ ਹੈ। ਇਸ ਤੋਂ ਪਹਿਲਾਂ ਦੋ ਗੀਤਾਂ ਨੂੰ ਵੀ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਚੁੱਕਿਆ ਹੈ। ਇਸ ਗੀਤ ਨੂੰ ਗੁਰੀ ਨੇ ਹੀ ਗਾਇਆ ਹੈ ਤੇ ਲਿਖਿਆ ਵੀ ਹੈ। ਗਾਣੇ ਮਿਊਜ਼ਿਕ ਰਜਤ ਨਾਗਪਾਲ ਨੇ ਦਿੱਤਾ ਹੈ। ਇਹ ਗੀਤ Geet MP3 ਦੇ ਲੇਬਲ ਹੇਠ ਰਿਲੀਜ਼ ਹੋਇਆ ਹੈ। ਦਰਸ਼ਕਾਂ ਵੱਲੋਂ ਗਾਣੇ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ਜਿਸ ਕਰਕੇ ਗੀਤ ਟਰੈਂਡਿੰਗ ‘ਚ ਚੱਲ ਰਿਹਾ ਹੈ।
ਇਸ ਗੀਤ ਨੂੰ ਗੁਰੀ ਤੇ ਜੱਸ ਮਾਣਕ ਉੱਤੇ ਹੀ ਫਿਲਮਾਇਆ ਗਿਆ ਹੈ। ਵੀਡੀਓ ਚ ਦੇਖਣ ਨੂੰ ਮਿਲ ਰਿਹਾ ਹੈ ਕਿ ਗਰਲਫ੍ਰੈਂਡ ਨੂੰ ਲੈ ਕੇ ਦੋਵੇਂ ਦੋਸਤਾਂ ਵਿਚਕਾਰ ਤਕਰਾਰ ਹੋ ਜਾਂਦੀ ਹੈ। ਪਰ ਦੋਵੇਂ ਇੱਕ ਦੂਜੇ ਤੋਂ ਉਪਰੋ-ਉਪਰੋ ਨਰਾਜ਼ਗੀ ਸ਼ੋਅ ਕਰਦੇ ਨੇ । ਪਰ ਦਿਲ ਤੋਂ ਇੱਕ ਦੂਜੇ ਪਿਆਰ ਕਰਦੇ ਨੇ । ਆਪਣੀ ਯਾਰੀ ਵਾਲੇ ਦਿਨਾਂ ਨੂੰ ਯਾਦ ਕਰਕੇ ਇਮੋਸ਼ਨਲ ਹੋ ਜਾਂਦੇ ਨੇ। ਯਾਰੀ ਦੋਸਤੀ, ਕਾਮੇਡੀ ਤੇ ਪਿਆਰ ਉੱਤੇ ਬਣੀ ਇਹ ਫ਼ਿਲਮ 25 ਫਰਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫ਼ਿਲਮ ‘ਚ ਜੱਸ ਮਾਣਕ ਗੁਰੀ ਤੋਂ ਇਲਾਵਾ ਨਿਕੀਤਾ ਢਿੱਲੋਂ, ਪ੍ਰਿਯੰਕਾ ਖਹਿਰਾ, ਤੇ ਕਈ ਹੋਰ ਨਾਮੀ ਕਲਾਕਾਰ ਇਸ ਫ਼ਿਲਮ ‘ਚ ਨਜ਼ਰ ਆਉਣਗੇ।