ਸ਼ੋਸ਼ਲ ਮੀਡੀਆ 'ਤੇ ਅਮਿਤਾਭ ਬੱਚਨ ਨੂੰ ਸੁਣਨ ਨੂੰ ਮਿਲੇ ਨੇ ਅਪਸ਼ਬਦ, ਦੁੱਖ ਸਾਂਝਾ ਕਰਦੇ ਹੋਏ ਕਿਹਾ- ‘ਲੋਕ ਕਮੈਂਟ ਬਾਕਸ ‘ਚ ਅਜਿਹੀਆਂ ਗੱਲਾਂ ਲਿਖ ਦਿੰਦੇ ਨੇ ਜੋ ਦੱਸੀਆਂ ਨਹੀਂ ਜਾ ਸਕਦੀਆਂ’

Amitabh Bachchan talks about getting ‘gaalis’ on social media: ਕੌਣ ਬਣੇਗਾ ਕਰੋੜਪਤੀ 14 ਵਿੱਚ ਪ੍ਰੋਫੈਸਰ ਧੂਲੀਚੰਦ ਵੱਲੋਂ ਖੇਡ ਛੱਡਣ ਤੋਂ ਬਾਅਦ ਪ੍ਰਤੀਯੋਗੀ ਹਾਰਦਿਕ ਜੋਸ਼ੀ ਹੌਟਸੀਟ 'ਤੇ ਆਇਆ ਸੀ। ਜਦੋਂ ਅਮਿਤਾਭ ਬੱਚਨ ਨੇ ਉਨ੍ਹਾਂ ਨੂੰ ਆਪਣਾ ਕੰਮ ਦੱਸਣ ਬਾਰੇ ਪੁੱਛਿਆ ਤਾਂ ਹਾਰਦਿਕ ਨੇ ਗੀਤ ਗਾ ਕੇ ਆਪਣੇ ਕੰਮ ਦੀ ਜਾਣ-ਪਛਾਣ ਕਰਵਾਈ। ਹਾਰਦਿਕ ਗੁਜਰਾਤ ਵਿੱਚ ਪ੍ਰੋਫੈਸਰ ਹਨ। ਹਾਰਦਿਕ ਨੇ ਦੱਸਿਆ ਕਿ ਬੱਚਿਆਂ ਨੂੰ ਹੁਣ ਲੈਕਚਰ ਲੈਣ ਦਾ ਕੋਈ ਸ਼ੌਕ ਨਹੀਂ ਰਿਹਾ, ਇਸ ਲਈ ਉਨ੍ਹਾਂ ਨੇ ਗਾਇਕੀ ਦੇ ਅੰਦਾਜ਼ ਵਿੱਚ ਆਪਣੀ ਗੱਲ ਕਹਿਣੀ ਸ਼ੁਰੂ ਕਰ ਦਿੱਤੀ ਹੈ। ਹਾਰਦਿਕ ਸਿਰਫ 10 ਹਜ਼ਾਰ ਰੁਪਏ ਜਿੱਤ ਕੇ ਘਰ ਚਲਾ ਗਿਆ ਅਤੇ ਉਸ ਤੋਂ ਬਾਅਦ ਇਕ ਐਡ ਏਜੰਸੀ 'ਚ ਕੰਮ ਕਰਨ ਵਾਲੇ ਸਮਿਤ ਸ਼ਰਮਾ ਹੌਟਸੀਟ 'ਤੇ ਬੈਠ ਗਏ।

ਹੋਰ ਪੜ੍ਹੋ : ਕਾਮੇਡੀਅਨ ਰਾਜੂ ਸ਼੍ਰੀਵਾਸਤਵ ਨੂੰ ਪਿਆ ਦਿਲ ਦਾ ਦੌਰਾ, ਦਿੱਲੀ ਦੇ AIIMS 'ਚ ਕਰਵਾਇਆ ਭਰਤੀ

image source Instagram

ਕੌਣ ਬਣੇਗਾ ਕਰੋੜਪਤੀ 14 ਦੇ ਇਸ ਐਪੀਸੋਡ 'ਚ ਅਮਿਤਾਭ ਬੱਚਨ ਨੇ ਸੋਸ਼ਲ ਮੀਡੀਆ ਬਾਰੇ ਗੱਲਬਾਤ ਕੀਤੀ। ਖੇਡ ਦੌਰਾਨ ਅਮਿਤਾਭ ਬੱਚਨ ਨੇ ਹਾਰਦਿਕ ਨੂੰ ਪੁੱਛਿਆ ਕਿ ਕੀ ਉਹ ਸੋਸ਼ਲ ਮੀਡੀਆ 'ਤੇ ਹੈ? ਜਦੋਂ ਹਾਰਦਿਕ ਨੇ ਹਾਂ ਵਿੱਚ ਜਵਾਬ ਦਿੱਤਾ ਤਾਂ ਅਮਿਤਾਭ ਬੱਚਨ ਨੇ ਆਪਣਾ ਅਨੁਭਵ ਸਾਂਝਾ ਕੀਤਾ ਅਤੇ ਦੱਸਿਆ ਕਿ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਦੀ ਵਰਤੋਂ ਕਿਵੇਂ ਸ਼ੁਰੂ ਕੀਤੀ।

image source Instagram

ਅਮਿਤਾਭ ਬੱਚਨ ਨੇ ਕਿਹਾ, 'ਮੈਨੂੰ ਬਲੌਗਿੰਗ ਬਾਰੇ ਦੱਸਿਆ ਗਿਆ ਸੀ, ਇਸ ਲਈ ਮੈਂ ਬਲੌਗ ਲਿਖਣਾ ਸ਼ੁਰੂ ਕੀਤਾ। ਮੈਨੂੰ ਇਹ ਗੱਲਾਂ ਬਿਲਕੁਲ ਵੀ ਸਮਝ ਨਹੀਂ ਆਉਂਦੀਆਂ। ਕਈ ਵਾਰ ਮੈਂ ਤਸਵੀਰਾਂ ਜਾਂ ਕੈਪਸ਼ਨਾਂ ਕਾਰਨ ਟ੍ਰੋਲ ਹੋ ਜਾਂਦਾ ਹਾਂ...ਬਹੁਤ ਸਾਰੇ ਦੁਰਵਿਵਹਾਰ ਦਾ ਸਾਹਮਣਾ ਵੀ ਕਰਨਾ ਪਿਆ। ਮੈਨੂੰ ਨਹੀਂ ਪਤਾ ਸੀ ਕਿ ਲੋਕ ਸਾਡੇ ਦੁਆਰਾ ਪਾਈਆਂ ਗਈਆਂ ਤਸਵੀਰਾਂ 'ਤੇ ਟਿੱਪਣੀ ਕਰਦੇ ਹਨ।

image source Instagram

ਅਮਿਤਾਭ ਬੱਚਨ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੂੰ ਟ੍ਰੋਲ ਕਰਨ ਵਾਲੇ ਕਿਸ ਤਰ੍ਹਾਂ ਦੇ ਕਮੈਂਟ ਕਰਦੇ ਹਨ। ਅਮਿਤਾਭ ਬੱਚਨ ਨੇ ਕਿਹਾ, 'ਉਹ ਉਹੀ ਕਹਿੰਦੇ ਹਨ ਜੋ ਉਹ ਖੁਦ ਨੂੰ ਸਮਝਦੇ ਹਨ.. ਅਤੇ ਇਹ ਸਾਰੀਆਂ ਚੀਜ਼ਾਂ ਜਿਨ੍ਹਾਂ ਬਾਰੇ ਮੈਂ ਇੱਥੇ ਗੱਲ ਵੀ ਨਹੀਂ ਕਰ ਸਕਦਾ...ਹੁਣ ਮੈਨੂੰ ਕੁਝ ਵੀ ਪੋਸਟ ਕਰਨ ਤੋਂ ਪਹਿਲਾਂ ਬਹੁਤ ਸੋਚਣਾ ਪੈਂਦਾ ਹੈ।