ਅਦਾਕਾਰ ਜੈ ਰੰਧਾਵਾ ਨੇ ਸੌਰਭ ਭਾਰਦਵਾਜ ਨੂੰ ਲੈ ਕੇ ਦਿੱਤੀ ਬਾਈਕ, ਰੋਜ਼ਾਨਾ ਸਾਈਕਲ ‘ਤੇ 40 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਕੇ ਕਰਦਾ ਸੀ ਡਿਲੀਵਰੀ

ਪਟਿਆਲਾ ਦੇ ਬਾਈ ਨੰਬਰ ਫਾਟਕ ਦੇ ਕੋਲ ਸੌਰਭ ਭਾਰਦਵਾਜ ਸਵਿਗੀ ‘ਚ ਕੰਮ ਕਰਕੇ ਆਪਣੇ ਪਰਿਵਾਰ ਦੇ ਨਾਲ ਕੰਮ ‘ਚ ਹੱਥ ਵਟਾਉਂਦਾ ਹੈ। ਬੀਤੇ ਦਿਨ ਸੌਰਭ ਦੇ ਨਾਲ ਜੇਬੀਐੱਸ ਅਟਵਾਲ ਦੇ ਨਾਂਅ ਹੇਠ ਇੰਸਟਾਗ੍ਰਾਮ ਪੇਜ ਚਲਾਉਣ ਵਾਲੇ ਸ਼ਖਸ ਨੇ ਸਾਈਕਲ ‘ਤੇ ਚੱਲਣ ਦੇ ਦੌਰਾਨ ਇੱਕ ਵੀਡੀਓ ਬਣਾਇਆ ਸੀ ।

Reported by: PTC Punjabi Desk | Edited by: Shaminder | December 07th 2023 11:14 AM | Updated: December 07th 2023 01:00 PM

ਅਦਾਕਾਰ ਜੈ ਰੰਧਾਵਾ (Jayy Randhawa)ਨੇ ਪਟਿਆਲਾ ਦੇ ਰਹਿਣ ਵਾਲੇ ਸੌਰਭ ਭਾਰਦਵਾਜ ਨਾਂਅ ਦੇ ਨੌਜਵਾਨ ਨੂੰ ਨਵੀਂ ਬਾਈਕ ਲੈ ਕੇ ਦਿੱਤੀ ਹੈ। ਪਟਿਆਲਾ ਦੇ ਬਾਈ ਨੰਬਰ ਫਾਟਕ ਦੇ ਕੋਲ ਸੌਰਭ ਭਾਰਦਵਾਜ ਸਵਿਗੀ ‘ਚ ਕੰਮ ਕਰਕੇ ਆਪਣੇ ਪਰਿਵਾਰ ਦੇ ਨਾਲ ਕੰਮ ‘ਚ ਹੱਥ ਵਟਾਉਂਦਾ ਹੈ। ਬੀਤੇ ਦਿਨ ਸੌਰਭ ਦੇ ਨਾਲ ਜੇਬੀਐੱਸ ਅਟਵਾਲ ਦੇ ਨਾਂਅ ਹੇਠ ਇੰਸਟਾਗ੍ਰਾਮ ਪੇਜ ਚਲਾਉਣ ਵਾਲੇ ਸ਼ਖਸ ਨੇ ਸਾਈਕਲ ‘ਤੇ ਚੱਲਣ ਦੇ ਦੌਰਾਨ ਇੱਕ ਵੀਡੀਓ ਬਣਾਇਆ ਸੀ ।

ਹੋਰ ਪੜ੍ਹੋ : ਹਿਮਾਂਸ਼ੀ ਖੁਰਾਣਾ ਤੇ ਆਸਿਮ ਰਿਆਜ਼ ਦਾ ਹੋਇਆ ਬ੍ਰੇਕਅਪ, ਵੱਖੋ ਵੱਖਰੇ ਧਰਮ ਦੇ ਹੋਣ ਕਾਰਨ ਤੋੜਿਆ ਰਿਸ਼ਤਾ

ਜਿਸ ਦੌਰਾਨ ਸਾਈਕਲ ‘ਤੇ ਚੱਲਦੇ ਚੱਲਦੇ ਹੀ ਇਸ ਸ਼ਖਸ ਨੇ ਗੱਲਬਾਤ ਕੀਤੀ ਤਾਂ ਸੌਰਭ ਨੇ ਦੱਸਿਆ ਸੀ ਕਿ ਉਸ ਦੀ ਉਮਰ ਉੱਨੀ ਸਾਲ ਦੀ ਹੈ ਅਤੇ ਉਹ ਆਪਣੀ ਪੜ੍ਹਾਈ ਅਤੇ ਹੋਰ ਖਰਚੇ ਪੂਰੇ ਕਰਕੇ ਮਾਪਿਆਂ ਦਾ ਸਾਥ ਦੇ ਰਿਹਾ ਹੈ ।

ਇਸ ਵੀਰ ਦੀ ਕਹਾਣੀ ਨੂੰ ਸ਼ੇਅਰ ਕਰਦੇ ਹੋਏ ਜੇਬੀਐੱਸ ਅਟਵਾਲ ਨੇ ਸੌਰਭ ਦਾ ਨੰਬਰ ਵੀ ਸਾਂਝਾ ਕੀਤਾ ਸੀ ।

View this post on Instagram

A post shared by Jbs Athwal (@jbsathwal)

ਅਦਾਕਾਰ ਜੈ ਰੰਧਾਵਾ ਨੇ ਲੈ ਕੇ ਦਿੱਤੀ ਬਾਈਕ

ਅਦਾਕਾਰ ਜੈ ਰੰਧਾਵਾ ਦੀ ਨਜ਼ਰ ਵੀ ਸੌਰਭ ਭਾਰਦਵਾਜ ‘ਤੇ ਪਈ ਅਤੇ ਉਸ ਨੇ ਇਸ ਵੀਰ ਨੂੰ ਨਵੀਂ ਬਾਈਕ ਲੈ ਕੇ ਦਿੱਤੀ । ਅਦਾਕਾਰ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਚ ਸੌਰਭ ਦੇ ਨਾਲ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਜਿਸ ‘ਚ ਉਹ ਸੌਰਭ ਨੂੰ ਸ਼ੋਅ ਰੂਮ ਚੋਂ ਨਵੀਂ ਬਾਈਕ ਖਰੀਦ ਕੇ ਦਿੰਦੇ ਹੋਏ ਨਜ਼ਰ ਆ ਰਹੇ ਹਨ ।