Viral : ਜਾਣੋ ਕਿਉਂ ਬਣੀ ਇਹ ਮਸ਼ਹੂਰ ਅਖਾਣ '2 June ki Roti' ਜੋ ਕਿਸਮਤ ਵਾਲੇ ਲੋਕਾਂ ਨੂੰ ਹੀ ਮਿਲਦੀ ਹੈ

'2 June ki Roti' : '2 ਜੂਨ ਦੀ ਰੋਟੀ ਸਿਰਫ ਕਿਸਮਤ ਵਾਲੇ ਲੋਕਾਂ ਨੂੰ ਹੀ ਨਸੀਬ ਹੁੰਦੀ ਹੈ'। ਤੁਸੀਂ ਅਕਸਰ ਹੀ ਆਪਣੇ ਬਜ਼ੁਰਗਾਂ ਜਾਂ ਕਿਸੇ ਨਾਂ ਕਿਸੇ ਕੋਲੋਂ ਇਹ ਅਖਾਣ ਜ਼ਰੂਰ ਸੁਣੀ ਹੋਵੇਗੀ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਅਖਾਣ ਦਾ ਅਸਲ ਮਤਲਬ ਕੀ ਹੈ ਜੇਕਰ ਨਹੀਂ ਤਾਂ ਅਸੀਂ ਅੱਜ ਆਪਣੇ ਇਸ ਲੇਖ ਰਾਹੀਂ ਤੁਹਾਨੂੰ ਦੱਸਾਂਗੇ ਕਿ ਇਹ ਅਖਾਣ ਕਿਉਂ ਬਣੀ ਤੇ ਇਸ ਅਸਲ ਅਰਥ ਕੀ ਹੈ। 

 ਜੂਨ ਦਾ ਮਹੀਨਾ ਆਉਂਦਿਆਂ ਹੀ ਲੋਕਾਂ ਨੂੰ ਦੋ ਗੱਲਾਂ ਸਭ ਤੋਂ ਵੱਧ ਯਾਦ ਆਉਂਦੀਆਂ ਹਨ, ਇੱਕ ਤਾਂ ਕੜਾਕੇ ਦੀ ਗਰਮੀ ਤੋਂ ਬਚਣ ਲਈ ਬਰਸਾਤ, ਤੇ ਦੂਜੀ '2 ਜੂਨ ਦੀ ਰੋਟੀ'! (2 ਜੂਨ ਦੀ ਰੋਟੀ ਕੀ ਹੈ) ਤੁਸੀਂ ਅਕਸਰ ਲੋਕਾਂ ਤੋਂ ਦੋ ਜੂਨ ਦੀ ਰੋਟੀ ਬਾਰੇ ਸੁਣਿਆ ਹੋਵੇਗਾ। ਕੁਝ ਇਸ ਨੂੰ ਮਜ਼ਾਕ 'ਚ ਕਹਿੰਦੇ ਹਨ, ਕੁਝ ਇਸ ਨੂੰ ਗੰਭੀਰਤਾ ਨਾਲ ਕਹਿੰਦੇ ਹਨ, ਪਰ ਕੀ ਤੁਸੀਂ ਅਖਾਣ ਦਾ  ਅਰਥ ਜਾਣਦੇ ਹੋ? 2 ਜੂਨ ਮੀਮਜ਼ 'ਚ ਵੀ ਕਾਫੀ ਮਸ਼ਹੂਰ ਹੈ, ਲੋਕ ਇਸ ਨਾਲ ਜੁੜੀਆਂ ਮਜ਼ਾਕੀਆ ਪੋਸਟਾਂ ਵੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੇ ਹਨ। ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ 'ਦੋ ਜੂਨ ਕੀ ਰੋਟੀ' ਦਾ ਮਤਲਬ ਕੀ ਹੈ!

ਸਦੀਆਂ ਤੋਂ ਚੱਲੀ ਆ ਰਹੀ ਹੈ ਇਹ ਅਖਾਣ  

ਅੱਜ 2 ਜੂਨ, 2023 ਹੈ ਅਤੇ ਸੋਸ਼ਲ ਮੀਡੀਆ 'ਤੇ ਇਕ ਵਾਰ ਫਿਰ ਤੋਂ ਇਹ ਰੁਝਾਨ (2 ਜੂਨ ਦੀ ਰੋਟੀ ਮੀਮਜ਼) ਚੱਲ ਰਿਹਾ ਹੈ। ਇੱਕ ਪਾਸੇ ਜਿੱਥੇ ਜੂਨ ਦਾ ਅਰਥ ਅਵਧੀ ਭਾਸ਼ਾ ਵਿੱਚ ਸਮਾਂ ਹੁੰਦਾ ਹੈ, ਉੱਥੇ ਹੀ ਦੂਜੇ ਪਾਸੇ ਲੋਕ ਸੋਸ਼ਲ ਮੀਡੀਆ 'ਤੇ ਕਿਆਸ ਅਰਾਈਆਂ ਲਾਉਂਦੇ ਰਹਿੰਦੇ ਹਨ ਕਿ ਰੋਟੀ ਨੂੰ ਜੂਨ ਮਹੀਨੇ ਨਾਲ ਹੀ ਕਿਉਂ ਜੋੜਿਆ ਗਿਆ ਹੈ। ਅਜਿਹੇ 'ਚ ਲੋਕ ਬਹੁਤ ਹੀ ਅਜੀਬੋ-ਗਰੀਬ ਅੰਦਾਜ਼ੇ ਲਗਾ ਲੈਂਦੇ ਹਨ, ਜੋ ਗਲਤ ਵੀ ਨਹੀਂ ਲੱਗਦੇ। ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਜੂਨ ਦਾ ਮਹੀਨਾ ਸਭ ਤੋਂ ਗਰਮ ਹੁੰਦਾ ਹੈ ਅਤੇ ਕਿਸਾਨਾਂ ਅਤੇ ਗਰੀਬ ਲੋਕਾਂ ਲਈ ਕਈ ਔਖੇ ਦਿਨ ਹੁੰਦੇ ਹਨ। ਜਦੋਂ ਉਹ ਕੰਮ ਕਰਕੇ ਥੱਕ ਜਾਂਦੇ ਹਨ ਅਤੇ ਬੇਵੱਸ ਹੋ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਰੋਟੀ ਮਿਲਦੀ ਹੈ। ਬਹੁਤ ਸਾਰੇ ਲੋਕ ਮੰਨਦੇ ਹਨ ਕਿ ਇਹ ਕਹਾਵਤ ਅੱਜ ਦੀ ਨਹੀਂ, ਸਗੋਂ 600 ਸਾਲਾਂ ਤੋਂ ਚੱਲੀ ਆ ਰਹੀ ਹੈ।

क्या आपने 2जून की रोटी खाई है?#2June

— Naresh Sarnau (Bishnoi) (@NSarnauaajtak) June 2, 2023

  ਵਿਗਿਆਪਨ 'ਚ 'ਜੂਨ' ਮਹੀਨੇ ਦਾ ਜ਼ਿਕਰ 

'ਜੂਨ' ਜਿਸ ਨੂੰ ਅਸੀਂ ਜੇਠ ਦੇ ਮਹੀਨੇ ਵਜੋਂ ਵੀ ਜਾਣਦੇ ਹਾਂ, ਨੂੰ ਅਵਧੀ ਭਾਸ਼ਾ ਵਿੱਚ ਇਸ ਨੂੰ 'ਵਕਤ' ਵੀ ਕਿਹਾ ਜਾਂਦਾ ਹੈ। ਇਸ ਲਈ ਦੋ ਜੂਨ ਦੀ ਰੋਟੀ (2 ਜੂਨ ਦੀ ਰੋਟੀ) ਦਾ ਅਰਥ ਹੈ ਦੋ ਵਕਤ ਦੀ ਰੋਟੀ। ਭਾਵ ਸਵੇਰ ਅਤੇ ਸ਼ਾਮ ਦਾ ਖਾਣਾ। ਜਦੋਂ ਕਿਸੇ ਨੂੰ ਦੋ ਵਕਤ ਦੀ ਰੋਟੀ ਮਿਲ ਜਾਂਦੀ ਹੈ ਤਾਂ ਉਸ ਨੂੰ ਦੋ ਜੂਨ ਦੀ ਰੋਟੀ ਖਾਣਾ ਕਿਹਾ ਜਾਂਦਾ ਹੈ ਅਤੇ ਜਿਸ ਨੂੰ ਨਹੀਂ ਮਿਲਦੀ ਉਸ ਨੂੰ ਦੋ ਜੂਨ ਦੀ ਰੋਟੀ ਵੀ ਨਹੀਂ ਮਿਲਦੀ!

2 जून की रोटी 😁😁#स्वर्ग pic.twitter.com/p4yec9eKai

— Sunil Taneja 🇮🇳 (@iSunilTaneja) June 2, 2023

ਹੋਰ ਪੜ੍ਹੋ: Spider Man: ਕੌਣ ਹੈ ਇੰਡੀਅਨ ਸਪਾਈਡਰ ਮੈਨ, ਪੰਜਾਬੀ ਸਣੇ 9 ਭਾਸ਼ਾਵਾਂ 'ਚ ਰਿਲੀਜ਼ ਹੋਵੇਗੀ ਫ਼ਿਲਮ 

ਇਤਿਹਾਸਕਾਰਾਂ ਨੇ ਵੀ ਆਪਣੀਆਂ ਲਿਖਤਾਂ 'ਚ 'ਜੂਨ'  ਦਾ ਕੀਤਾ ਜ਼ਿਕਰ 

ਵੱਡੇ-ਵੱਡੇ ਇਤਿਹਾਸਕਾਰਾਂ ਨੇ ਆਪਣੀਆਂ ਲਿਖਤਾਂ ਵਿੱਚ 2 ਜੂਨ ਦੀ ਰੋਟੀ ਦਾ ਜ਼ਿਕਰ ਕੀਤਾ ਹੈ। ਪ੍ਰੇਮਚੰਦ ਮੁੰਸ਼ੀ ਤੋਂ ਲੈ ਕੇ ਜੈਸ਼ੰਕਰ ਪ੍ਰਸਾਦ ਨੇ ਇਸ ਕਹਾਵਤ ਨੂੰ ਆਪਣੀਆਂ ਕਹਾਣੀਆਂ ਵਿੱਚ ਸ਼ਾਮਲ ਕੀਤਾ। ਮਹਿੰਗਾਈ ਦੇ ਜ਼ਮਾਨੇ 'ਚ ਅਮੀਰ ਤਾਂ ਪੇਟ ਭਰ ਕੇ ਖਾਂਦੇ ਹਨ ਪਰ ਗਰੀਬ ਨੂੰ ਦੋ ਵਕਤ ਦੀ ਰੋਟੀ ਵੀ ਨਹੀਂ ਮਿਲਦੀ। ਤੁਸੀਂ ਅਕਸਰ ਕਹਾਣੀਆਂ ਜਾਂ ਖ਼ਬਰਾਂ ਵਿੱਚ ਅਜਿਹੇ ਵਾਕ ਪੜ੍ਹੇ ਹੋਣਗੇ। ਇਸ 'ਚ ਵੀ ਇਸ ਵਾਕ ਦਾ ਅਰਥ ਜੂਨ ਮਹੀਨੇ ਤੋਂ ਨਹੀਂ, ਸਗੋਂ ਦੋ ਵਕਤ ਦੀ ਰੋਟੀ ਖਾਣ ਤੋਂ ਹੈ।

- PTC PUNJABI