ਅਮਿਤਾਭ ਬੱਚਨ ਨਾਲ ਟਵਿੱਟਰ 'ਤੇ ਹੋਇਆ ਅਜਿਹਾ ਕਾਰਾ ਕਿ ਖ਼ੁਦ ਨੂੰ ਠੱਗਿਆ ਹੋਇਆ ਕਰ ਰਹੇ ਨੇ ਮਹਿਸੂਸ, ਜਾਣੋ ਕੀ ਹੈ ਪੂਰਾ ਮਾਮਲਾ
Amitabh Bachchan Reaction On Twitter Blue Tick: ਮਾਈਕਰੋ-ਬਲੌਗਿੰਗ ਸਾਈਟ ਟਵਿੱਟਰ ਨੇ 21 ਅਪ੍ਰੈਲ ਨੂੰ ਇੱਕ ਵੱਡਾ ਬਦਲਾਅ ਕਰਕੇ ਹਲਚਲ ਮਚਾ ਦਿੱਤੀ ਸੀ। ਬੀਤੇ ਦਿਨੀਂ ਟਵਿੱਟਰ ਤੋਂ ਕਈ ਪ੍ਰਮਾਣਿਤ ਖਾਤਿਆਂ ਤੋਂ ਬਲੂ ਟਿੱਕ ਹਟਾ ਦਿੱਤੇ ਗਏ ਸਨ। ਇਸ ਸੂਚੀ ਵਿੱਚ ਕਈ ਵੱਖ-ਵੱਖ ਖੇਤਰਾਂ ਦੇ ਲੋਕ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਸਿਆਸਤਦਾਨ, ਅਦਾਕਾਰ, ਪੱਤਰਕਾਰ ਅਤੇ ਇੱਥੋਂ ਤੱਕ ਕਿ ਮਸ਼ਹੂਰ ਹਸਤੀਆਂ ਵੀ ਸ਼ਾਮਿਲ ਹਨ।ਇਨ੍ਹਾਂ ਚੋਂ ਬਾਲੀਵੁੱਡ ਦੇ ਦਿੱਗਜ਼ ਅਮਿਤਾਭ ਬੱਚਨ ਦਾ ਨਾਂਅ ਵੀ ਸ਼ਾਮਿਲ ਹੈ।
ਦੱਸ ਦਈਏ ਕਿ ਟਵਿੱਟਰ ਨੇ ਹਾਲ ਹੀ ਵਿੱਚ ਨਵੀਂ ਪਾਲਸੀ ਦੇ ਮੁਤਾਬਕ ਮੁੜ ਤੋਂ ਇੱਕ ਵਾਰ ਫਿਰ ਬਲੂ ਟਿੱਕ ਟਵਿੱਟਰ ਯੂਜ਼ਰਸ ਲਈ ਫ੍ਰੀ ਕਰ ਦਿੱਤਾ ਗਿਆ ਹੈ। ਜੇਕਰ ਕਿਸੇ ਵੀ ਯੂਜ਼ਰ ਦੇ 1 ਮਿਲਿਅਨ ਫਾਲੋਅਰਸ ਹੋਣਗੇ ਉਸ ਦੇ ਅਕਾਊਂਟ 'ਤੇ ਬਲੂ ਟਿੱਕ ਫ੍ਰੀ ਹੋਵੇਗਾ ।
ਦੱਸ ਦਈਏ ਕਿ ਅਮਿਤਾਭ ਬੱਚਨ ਨੇ ਆਪਣੀ ਟਵਿੱਟਰ ਅਕਾਊਂਟ ਤੋਂ ਬਲੂ ਟਿੱਕ ਹੱਟਾਏ ਜਾਣ ਮਗਰੋਂ ਇਸ ਦੀ ਸਬਸਕ੍ਰਿਪਸ਼ਨ ਦੀ ਰਕਮ ਅਦਾ ਕਰ ਚੁੱਕੇ ਹਨ। ਹੁਣ ਅਮਿਤਾਭ ਬੱਚਨ ਨੇ ਟਵਿੱਟਰ ਦੇ ਬਲੂ ਟਿੱਕ ਨੂੰ ਲੈ ਕੇ ਲਾਗੂ ਕੀਤੀ ਗਈ ਨਵੀਂ ਪਾਲਸੀ ਉੱਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਅਮਿਤਾਭ ਬੱਚਨ ਨੇ ਹਾਲ ਹੀ ਵਿੱਚ ਆਪਣੇ ਟਵਿੱਟਰ ਅਕਾਊਂਟ ਉੱਤੇ ਇੱਕ ਤੋਂ ਬਾਅਦ ਇੱਕ ਟਵੀਟ ਕਰਦੇ ਹੋਏ ਟਵਿੱਟਰ ਕੰਪਨੀ ਤੇ ਐਲਨ ਮਸਕ ਦਾ ਵਿਰੋਧ ਕਰਦੇ ਨਜ਼ਰ ਆਏ। ਇਨ੍ਹਾਂ ਟਵੀਟਸ ਦੇ ਵਿੱਚ ਖ਼ਾਸ ਗੱਲ ਇਸ ਲਈ ਇਸਤੇਮਾਲ ਕੀਤੀ ਗਈ ਭਾਸ਼ਾ ਹੈ, ਜੋ ਕਿ ਹਰ ਕਿਸੇ ਦਾ ਧਿਆਨ ਆਪਣੇ ਵੱਲ ਖਿਚਦੀ ਹੋਈ ਨਜ਼ਰ ਆਈ।
T 4627 - अरे मारे गये गुलफाम , बिरज में मारे गये गुलफाम ????ए ! Twitter मौसी, चाची, बहनी, ताई, बुआ .. झौआ भर के त नाम हैं तुम्हार ! पैसे भरवा लियो हमार, नील कमल ख़ातिर ✔️ अब कहत हो जेकर 1 m follower उनकर नील कमल free म हमार तो 48.4 m हैं , अब ?? खेल खतम, पैसा हजम ?!????
— Amitabh Bachchan (@SrBachchan) April 23, 2023
ਕਿਉਂ ਠੱਗਿਆ ਹੋਇਆ ਮਹਿਸੂਸ ਕਰ ਰਹੇ ਨੇ ਬਿੱਗ ਬੀ
ਅਮਿਤਾਭ ਬੱਚਨ ਨੇ ਮੁੜ ਇੱਕ ਵਾਰ ਫਿਰ ਟਵਿੱਟਰ ਤੋਂ ਪਰੇਸ਼ਾਨ ਹੋ ਕੇ ਨਵਾਂ ਟਵੀਟ ਪਾਇਆ ਹੈ। ਅਮਿਤਾਭ ਦੇ ਇਸ ਟਵੀਟ ਤੋਂ ਇਹ ਪਤਾ ਲੱਗਦਾ ਹੈ ਕਿ ਉਹ ਖ਼ੁਦ ਨੂੰ ਟਵਿੱਟਰ ਵੱਲੋਂ ਠੱਗਿਆ ਹੋਇਆ ਮਹਿਸੂਸ ਕਰ ਰਹੇ ਹਨ। ਦਅਰਸਲ ਟਵਿੱਟਰ ਨੇ ਲੀਗੇਸੀ ਵੈਰੀਫਾਈਡ ਬਲੂ ਟਿੱਕ ਨੂੰ ਸਬਸਕ੍ਰਿਪਸ਼ਨ ਤਹਿਤ ਐਲਾਨ ਕੀਤੇ ਜਾਣ ਤੋਂ ਬਾਅਦ ਇੱਕ ਹੋਰ ਨਵੀਂ ਪਾਲਸੀ ਲਾਗੂ ਕੀਤੀ ਹੈ। ਇਸ ਨਵੀਂ ਪਾਲਸੀ ਤਹਿਤ 1 ਮਿਲਿਅਨ ਫਾਲੋਅਰਸ ਵਾਲੇ ਟਵਿੱਟਰ ਯੂਜ਼ਰਸ ਲਈ ਬਲੂ ਟਿੱਕ ਫ੍ਰੀ ਹੋਵੇਗਾ ।
T 4628 - YES ! I am ... OOO ... ! !Overtired .. Overworked .. and Over it ????जी, ???? The Hustle से मिला मुझे , सोचा अपने साथियों के साथ share कर लूँ । यदि उसके बाद 7 , लगा देता , तो हो गया था कुंडा !!!अच्छा सुनिए, The Hustle को भी नील कमाल ✔️ मिला हुआ है
— Amitabh Bachchan (@SrBachchan) April 24, 2023
ਫੈਨਜ਼ ਨੇ ਇੰਝ ਦਿੱਤਾ ਰਿਐਕਸ਼ਨ
ਬਿੱਗ ਬੀ ਦਾ ਟਵਿੱਟਰ ਲਈ ਨਵਾਂ ਟਵੀਟ ਵੇਖ ਕੇ ਫੈਨਜ਼ ਨੇ ਉਨ੍ਹਾਂ ਕਈ ਤਰ੍ਹਾਂ ਦੀਆਂ ਸਲਾਹਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਬਿੱਗ ਬੀ ਦੇ ਫੈਨਜ਼ ਉਨ੍ਹਾਂ ਦੇ ਟਵੀਟ ਉੱਤੇ ਕਮੈਂਟ ਕਰਕੇ ਆਪੋ ਆਪਣਾ ਰਿਐਕਸ਼ਨ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, ' ਸਰ ਤੁਸੀ ਸੱਚਮੁਚ ਲੁੱਟੇ ਗਏ, ਐਲਮ ਮਸਕ ਨੇ ਤੁਹਾਡੇ ਨਾਲ ਠੱਗੀ ਮਾਰੀ ਹੈ। ਦੂਜੇ ਨੇ ਲਿਖਿਆ, ਸਰ ਤੁਹਾਨੂੰ ਪੈਸੇ ਭਰਨ ਦੀ ਇਨ੍ਹੀ ਜਲਦੀ ਕਿਉਂ ਸੀ। ਇੱਕ ਹੋਰ ਨੇ ਲਿਖਿਆ ਟਵਿੱਟਰ ਦੇ ਮਾਮਲੇ 'ਚ ਤੁਹਾਨੂੰ ਥੋੜੇ ਹੌਸਲੇ ਤੇ ਬਿਨਾਂ ਜਲਦਬਾਜੀ ਕੀਤੇ ਫੈਸਲਾ ਕਰਨਾ ਚਾਹੀਦਾ ਹੈ ਨਹੀਂ ਤਾਂ ਤੁਸੀਂ ਅਜਿਹੀ ਠੱਗੀ ਦਾ ਸ਼ਿਕਾਰ ਹੋ ਸਕਦੇ ਹੋ।
- PTC PUNJABI