ਸਰਗੁਨ ਮਹਿਤਾ ਅਤੇ ਰੂਪੀ ਗਿੱਲ ਰਾਖੀ ਸਾਵੰਤ ਦੀ ਨਕਲ ਕਰਦੀਆਂ ਆਈਆਂ ਨਜ਼ਰ, ਵੀਡੀਓ ਹੋਇਆ ਵਾਇਰਲ

ਸਰਗੁਨ ਮਹਿਤਾ (Sargun Mehta) ਅਤੇ ਰੂਪੀ ਗਿੱਲ (Roopi Gill)  ਫ਼ਿਲਮ ‘ਜੱਟ ਨੂੰ ਚੁੜੇਲ ਟੱਕਰੀ’ ਦੀ ਸ਼ੁਟਿੰਗ ‘ਚ ਰੁੱਝੀਆਂ ਹੋਈਆਂ ਹਨ ।ਦੋਵੇਂ ਫ਼ਿਲਮ ਦੇ ਸੈੱਟ ‘ਤੇ ਖੁਬ ਮਸਤੀ ਕਰਦੀਆਂ ਹੋਈਆਂ ਵੀ ਦਿਖਾਈ ਦਿੰਦੀਆਂ ਹਨ ।ਹੁਣ ਸਰਗੁਨ ਮਹਿਤਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ । ਜਿਸ ‘ਚ ਦੋਵੇਂ ਜਣੀਆਂ ਰਾਖੀ ਸਾਵੰਤ ਦੀ ਨਕਲ ਕਰਦੀਆਂ ਹੋਈਆਂ ਦਿਖਾਈ ਦੇ ਰਹੀਆਂ ਹਨ । 

View this post on Instagram

A post shared by Roopi Gill (@roopigill_)

ਰਾਖੀ ਸਾਵੰਤ ਦਾ ਵੀਡੀਓ ਹੋਇਆ ਸੀ ਵਾਇਰਲ 

ਦੱਸ ਦਈਏ ਕਿ ਰਾਖੀ ਸਾਵੰਤ ਆਪਣੀ ਵਿਆਹੁਤਾ ਜ਼ਿੰਦਗੀ ਨੂੰ ਲੈ ਕੇ ਪਿਛਲੇ ਕਈ ਦਿਨਾਂ ਤੋਂ ਪਰੇਸ਼ਾਨੀ ਦਾ ਸਾਹਮਣਾ ਕਰ ਰਹੀ ਹੈ। ਕੁਝ ਸਮਾਂ ਪਹਿਲਾਂ ਉਸ ਨੇ ਆਪਣੇ ਪਤੀ ਆਦਿਲ ‘ਤੇ ਕਈ ਇਲਜ਼ਾਮ ਲਗਾਏ ਸਨ । ਜਿਸ ਤੋਂ ਬਾਅਦ ਆਦਿਲ ਨੂੰ ਪੁਲਿਸ ਕਾਰਵਾਈ ਦਾ ਸਾਹਮਣਾ ਕਰਨਾ ਪਿਆ ਸੀ ।

ਜਿਸ ਤੋਂ ਬਾਅਦ ਅਦਾਕਾਰਾ ਨੇ ਕਿਆਰਾ ਅਡਵਾਨੀ ਅਤੇ ਸਿਧਾਰਥ ਮਲਹੋਤਰਾ ਦੇ ਵਿਆਹ ‘ਤੇ ਬਿਆਨ ਦਿੰਦੇ ਹੋਏ ਕਿਹਾ ਸੀ ਕਿ ਉਹ ਜਦੋਂ ਵੀ ਕਿਸੇ ਵਿਆਹੁਤਾ ਜੋੜੀ ਨੂੰ ਵੇਖਦੀ ਹੈ ਤਾਂ ਉਸ ਨੂੰ ਘਿਣ ਆਉਂਦੀ ਹੈ। ਕਿਉਂਕਿ ਮੇਰਾ ਵਿਆਹ ਇਨ੍ਹਾਂ ਜੋੜੀਆਂ ਵਾਂਗ ਕਾਮਯਾਬ ਨਹੀਂ ਰਿਹਾ।ਹੁਣ ਰਾਖੀ ਸਾਵੰਤ ਦੇ ਇਸ ਵੀਡੀਓ ਦੇ ਵਾਇਸ ਓਵਰ ‘ਤੇ ਰੂਪੀ ਅਤੇ ਸਰਗੁਨ ਮਹਿਤਾ ਨੇ ਲਿਪਸਿੰਕ ਕਰਦੇ ਹੋਏ ਵੀਡੀਓ ਬਣਾਇਆ ਹੈ । ਜੋ ਕਿ ਦਰਸ਼ਕਾਂ ਨੂੰ ਵੀ ਬਹੁਤ ਜ਼ਿਆਦਾ ਪਸੰਦ ਆ ਰਿਹਾ ਹੈ । 

View this post on Instagram

A post shared by Roopi Gill (@roopigill_)

ਰੂਪੀ ਗਿੱਲ ਵੀ ਲੰਮੇ ਸਮੇਂ ਬਾਅਦ ਫ਼ਿਲਮ ‘ਚ ਆਏਗੀ ਨਜ਼ਰ

ਰੂਪੀ ਗਿੱਲ ਵੀ ਲੰਮੇ ਸਮੇਂ ਦੇ ਬਾਅਦ ‘ਜੱਟ ਨੂੰ ਚੁੜੇਲ ਟੱਕਰੀ’ ਦੇ ਨਾਲ ਦਰਸ਼ਕਾਂ ‘ਚ ਹਾਜ਼ਰੀ ਲਵਾਉਣ ਜਾ ਰਹੀ ਹੈ । ਇਸ ਤੋਂ ਪਹਿਲਾਂ ਦੀ ਗੱਲ ਕਰੀਏ ਤਾਂ ਰੂਪੀ ਗਿੱਲ ‘ਲਾਈਏ ਜੇ ਯਾਰੀਆਂ’ ਸਣੇ ਕਈ ਫ਼ਿਲਮਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰ ਚੁੱਕੀ ਹੈ । ਜਦੋਂਕਿ ਸਰਗੁਨ ਮਹਿਤਾ ਨੇ ਅੰਗਰੇਜ਼, ਲਹੌਰੀਏ, ਝੱਲੇ, ਸੁਰਖੀ ਬਿੰਦੀ ਸਣੇ ਕਈ ਹਿੱਟ ਫ਼ਿਲਮਾਂ ਦੇ ਨਾਲ ਦਰਸ਼ਕਾਂ ਦੇ ਦਿਲਾਂ ‘ਚ ਖ਼ਾਸ ਜਗ੍ਹਾ ਬਣਾਈ ਹੈ । 

- PTC PUNJABI