ਜ਼ੀਵਾ ਧੋਨੀ ਨੇ 'CSK' ਦੀ ਜਿੱਤ ਤੋਂ ਬਾਅਦ ਪਿਤਾ MS ਧੋਨੀ ਨੂੰ ਲਾਇਆ ਗਲੇ, ਟਰਾਫੀ ਦੇ ਨਾਲ ਤਸਵੀਰ ਆਈ ਸਾਹਮਣੇ

Ziva Dhoni hugs dad MS Dhoni after 'CSK' victory :ਕਈ ਮਹੀਨਿਆਂ ਦੇ ਇੰਤਜ਼ਾਰ ਤੋਂ ਬਾਅਦ, 'ਇੰਡੀਅਨ ਪ੍ਰੀਮੀਅਰ ਲੀਗ' (IPL 2023) ਨੂੰ ਆਪਣਾ ਵਿਜੇਤਾ ਮਿਲ ਗਿਆ ਹੈ। 'ਚੇਨਈ ਸੁਪਰ ਕਿੰਗਜ਼' (CSK) ਨੇ ਫਾਈਨਲ 'ਚ ਜਿੱਤ ਦਰਜ ਕਰਕੇ ਟਰਾਫੀ 'ਤੇ ਕਬਜ਼ਾ ਕਰ ਲਿਆ ਹੈ, ਜਿਸ ਕਾਰਨ ਟੀਮ ਦੇ ਪ੍ਰਸ਼ੰਸਕ ਖੁਸ਼ੀ ਨਾਲ ਝੂਮ ਰਹੇ ਹਨ। ਮਸ਼ਹੂਰ ਕ੍ਰਿਕਟਰ ਮਹਿੰਦਰ ਸਿੰਘ ਧੋਨੀ (ਐਮਐਸ ਧੋਨੀ) ਦੀ ਅਗਵਾਈ ਵਾਲੀ ਟੀਮ ਨੇ ਪੰਜਵੀਂ ਵਾਰ ਆਈਪੀਐਲ ਟਰਾਫੀ ਜਿੱਤ ਕੇ ਇਤਿਹਾਸ ਰਚਿਆ ਹੈ। ਦਰਸ਼ਕਾਂ ਨੇ 'ਸੀਐਸਕੇ' ਅਤੇ ਹਾਰਦਿਕ ਪੰਡਯਾ ਦੀ ਅਗਵਾਈ ਵਾਲੀ ਟੀਮ 'ਗੁਜਰਾਤ ਟਾਈਟਨਸ' ਵਿਚਾਲੇ ਹੋਏ ਫਸਵੇਂ ਮੁਕਾਬਲੇ ਦਾ ਭਰਪੂਰ ਆਨੰਦ ਲਿਆ।

'ਚੇਨਈ ਸੁਪਰ ਕਿੰਗਜ਼' ਲਈ ਪ੍ਰਾਰਥਨਾ ਕਰਦੀ ਨਜ਼ਰ ਆਈ ਧੋਨੀ ਦੀ ਬੇਟੀ ਜ਼ੀਵਾ

ਜਿਵੇਂ ਕਿ ਤੁਸੀਂ ਜਾਣਦੇ ਹੋਵੋਗੇ ਕਿ 'ਕੈਪਟਨ ਕੂਲ' ਐਮਐਸ ਧੋਨੀ ਦੀ ਪਤਨੀ ਸਾਕਸ਼ੀ ਸਿੰਘ ਧੋਨੀ ਅਤੇ ਉਨ੍ਹਾਂ ਦੀ ਧੀ ਜ਼ੀਵਾ ਸਿੰਘ ਧੋਨੀ CSK ਨੂੰ ਚੀਅਰ ਕਰਨ ਲਈ ਅਹਿਮਦਾਬਾਦ ਦੇ 'ਨਰੇਂਦਰ ਮੋਦੀ ਸਟੇਡੀਅਮ' ਵਿੱਚ ਦਰਸ਼ਕਾਂ ਵਿੱਚ ਮੌਜੂਦ ਸਨ। ਜ਼ੀਵਾ ਦੀ ਆਪਣੇ ਡੈਡੀ ਦੇ ਆਖਰੀ ਮੈਚ ਲਈ ਪ੍ਰਾਰਥਨਾ ਕਰ ਰਹੀ ਇੱਕ ਪਿਆਰੀ ਤਸਵੀਰ ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੀ ਹੈ। ਇਹ ਤਸਵੀਰ ਮੈਚ ਸ਼ੁਰੂ ਹੋਣ ਤੋਂ ਕੁਝ ਘੰਟੇ ਪਹਿਲਾਂ ਦੀ ਹੈ।

View this post on Instagram

A post shared by IPL (@iplt20)

ਜ਼ੀਵਾ ਧੋਨੀ 'ਚੇਨਈ ਸੁਪਰ ਕਿੰਗਜ਼' ਦੀ ਟੀਮ ਨਾਲ ਜਿੱਤ ਦਾ ਜਸ਼ਨ ਮਨਾਉਂਦੀ ਹੋਈ

ਫਾਈਨਲ ਮੈਚ ਵਿੱਚ 'ਸੀਐਸਕੇ' ਨੇ 'ਗੁਜਰਾਤ ਟਾਈਟਨਸ' ਨੂੰ ਹਰਾ ਕੇ 'ਆਈਪੀਐਲ 2023' ਦੀ ਟਰਾਫੀ ਜਿੱਤੀ। ਟੀਮ ਦੇ ਮੈਂਬਰਾਂ ਨੇ ਟਰਾਫੀ ਫੜ ਕੇ ਅਤੇ ਕੈਮਰੇ ਅੱਗੇ ਪੋਜ਼ ਦੇ ਕੇ ਆਪਣੀ 5ਵੀਂ ਜਿੱਤ ਦਾ ਜਸ਼ਨ ਮਨਾਇਆ। ਜ਼ੀਵਾ ਸਿੰਘ ਧੋਨੀ ਨੇ ਆਪਣੇ ਪਿਤਾ ਅਤੇ ਬਾਕੀ ਟੀਮ ਦੇ ਨਾਲ ਆਪਣੀ ਸਫਲਤਾ ਦੇ ਜਸ਼ਨ ਵਿੱਚ ਸ਼ਾਮਲ ਹੋ ਕੇ ਦਰਸ਼ਕਾਂ ਨੂੰ ਹੈਰਾਨ ਕਰ ਦਿੱਤਾ। MS ਧੋਨੀ ਦੀ ਧੀ ਨੇ ਮਾਣ ਨਾਲ ਟਰਾਫੀ ਫੜੀ, ਟੀਮ CSK ਨਾਲ ਇੱਕ ਫੋਟੋ ਕਲਿੱਕ ਕੀਤੀ।

ਹੋਰ ਪੜ੍ਹੋ: ਸੋਨੂੰ ਸੂਦ ਨੇ ਅਨਾਥ ਬੱਚਿਆਂ ਦੀ ਪੜ੍ਹਾਈ ਲਈ ਵਧਾਇਆ ਮਦਦ ਦਾ ਹੱਥ, ਬਿਹਾਰ ਦਾ ਇੰਜੀਨੀਅਰ ਚਲਾ ਰਿਹਾ ਹੈ ਅਭਿਨੇਤਾ ਦੇ ਨਾਂ 'ਤੇ ਸਕੂਲ

ਜ਼ੀਵਾ ਨੇ ਜਿੱਤ ਤੋਂ ਬਾਅਦ ਪਾਪਾ ਧੋਨੀ ਨੂੰ ਵਧਾਈ ਦਿੱਤੀ

ਇਹ ਕਿਸੇ ਤੋਂ ਲੁਕਿਆ ਨਹੀਂ ਹੈ ਕਿ ਧੋਨੀ ਆਪਣੀ ਲਾਡਲੀ ਬੇਟੀ 'ਤੇ ਆਪਣੀ ਜ਼ਿੰਦਗੀ ਬਤੀਤ ਕਰਦੇ ਹਨ। ਇਸ ਦੀ ਝਲਕ ਮੈਦਾਨ 'ਚ ਵੀ ਦੇਖਣ ਨੂੰ ਮਿਲੀ ਹੈ। ਜ਼ੀਵਾ ਧੋਨੀ ਦੀ ਇਕ ਹੋਰ ਫੋਟੋ ਸਾਹਮਣੇ ਆਈ ਹੈ, ਜਿਸ 'ਚ ਉਹ ਜਿੱਤ ਤੋਂ ਬਾਅਦ ਆਪਣੇ ਪਿਤਾ ਨੂੰ ਚਿਪਕ ਕੇ ਵਧਾਈ ਦੇ ਰਹੀ ਹੈ। ਇਹ ਫੋਟੋ ਪਿਤਾ ਅਤੇ ਧੀ ਦੀ ਚੰਗੀ ਸਾਂਝ ਨੂੰ ਦਰਸਾਉਂਦੀ ਹੈ।

- PTC PUNJABI