Cannes 2022: ਦੀਪਿਕਾ ਤੋਂ ਬਾਅਦ ਟ੍ਰੋਲਰਸ ਦੇ ਨਿਸ਼ਾਨੇ 'ਤੇ ਆਈ ਐਸ਼ਵਰਿਆ, ਕਾਨਸ ਦੌਰਾਨ ਲੁੱਕ ਨਾਲ ਐਕਸਪੈਰੀਮੈਂਟ ਕਰਨਾ ਪਿਆ ਭਾਰੀ
ਕਾਨਸ ਫਿਲਮ ਫੈਸਟੀਵਲ ਦੇ ਸ਼ੁਰੂ ਹੋਣ ਦੇ ਨਾਲ ਹੀ ਦੁਨੀਆ ਭਰ ਦੇ ਕਲਾਕਾਰ ਇਸ ਫੈਸਟੀਵਲ ਵਿੱਚ ਆਪਣੀ ਖੂਬਸੂਰਤੀ ਦੇ ਜਲਵੇ ਬਿਖੇਰ ਰਹੇ ਹਨ। ਇਸ ਦੌਰਾਨ ਇਸ ਫੈਸਟੀਵਲ 'ਚ ਸ਼ਿਰਕਤ ਕਰਨ ਪਹੁੰਚੀ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਐਸ਼ਵਰਿਆ ਰਾਏ ਦਾ ਲੁੱਕ ਸਾਹਮਣੇ ਆਉਂਦੇ ਹੀ ਉਹ ਟ੍ਰੋਲਰਸ ਦੇ ਨਿਸ਼ਾਨੇ 'ਤੇ ਆ ਗਈ ਹੈ।
ਇਸ ਸਾਲ ਕਰਵਾਏ ਜਾ ਰਹੇ ਇਸ ਪ੍ਰੋਗਰਾਮ ਵਿੱਚ ਭਾਰਤ ਦੇ ਕਈ ਕਲਾਕਾਰ ਹਿੱਸਾ ਲੈ ਰਹੇ ਹਨ। ਇਨ੍ਹਾਂ ਕਲਾਕਾਰਾਂ ਵਿੱਚ ਦੀਪਿਕਾ ਪਾਦੂਕੋਣ, ਐਸ਼ਵਰਿਆ ਰਾਏ ਬੱਚਨ, ਤਮੰਨਾ ਭਾਟੀਆ, ਉਰਵਸ਼ੀ ਰੌਲੇਤਾ, ਹਿਨਾ ਖਾਨ, ਏ.ਆਰ ਰਹਿਮਾਨ ਆਦਿ ਸ਼ਾਮਲ ਹਨ।
ਤਿਉਹਾਰ ਸ਼ੁਰੂ ਹੁੰਦੇ ਹੀ ਇਨ੍ਹਾਂ ਕਲਾਕਾਰਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਇਸ ਦੌਰਾਨ ਇਸ ਫੈਸਟੀਵਲ 'ਚ ਸ਼ਿਰਕਤ ਕਰਨ ਪਹੁੰਚੀ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਐਸ਼ਵਰਿਆ ਰਾਏ ਦਾ ਲੁੱਕ ਸਾਹਮਣੇ ਆਉਂਦੇ ਹੀ ਉਨ੍ਹਾਂ ਨੂੰ ਟ੍ਰੋਲ ਕੀਤਾ ਜਾ ਰਿਹਾ ਹੈ।
ਕਾਨਸ ਫਿਲਮ ਫੈਸਟੀਵਲ 2022 'ਚ ਹਿੱਸਾ ਲੈਣ ਪਹੁੰਚੀ ਐਸ਼ਵਰਿਆ ਰਾਏ ਬੱਚਨ ਰਾਏ ਨੇ ਕਾਨਸ ਦੇ ਦੂਜੇ ਦਿਨ ਰੈੱਡ ਕਾਰਪੇਟ 'ਤੇ ਧਮਾਲ ਮਚਾ ਦਿੱਤਾ। ਫੈਸਟੀਵਲ 'ਚ ਸ਼ਾਮਲ ਹੋਣ ਵਾਲੀ ਸਾਬਕਾ ਮਿਸ ਵਰਲਡ ਐਸ਼ਵਰਿਆ ਰਾਏ ਦੀਆਂ ਹੁਣ ਤੱਕ ਤਿੰਨ ਲੁੱਕ ਸਾਹਮਣੇ ਆ ਚੁੱਕੀਆਂ ਹਨ।
ਹੋਰ ਪੜ੍ਹੋ : Cannes 2022: ਕਾਨਸ 'ਚ ਤੀਜੇ ਦਿਨ ਰੈੱਡ ਕਾਰਪੇਟ 'ਤੇ ਛਾਇਆ ਦੀਪਿਕਾ ਪਾਦੂਕੋਣ ਤੇ ਐਸ਼ਵਰਿਆ ਰਾਏ ਦਾ ਜਾਦੂ, ਵੇਖੋ ਤਸਵੀਰਾਂ
ਅਦਾਕਾਰਾ ਆਪਣੇ ਤਿੰਨਾਂ ਲੁੱਕ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਹਾਲਾਂਕਿ, ਕਾਨਸ ਵਿੱਚ ਅਦਾਕਾਰਾ ਦਾ ਗੈਟਅੱਪ ਅਤੇ ਲੁੱਕ ਸ਼ਾਇਦ ਉਸ ਦੇ ਫੈਨਜ਼ ਨੂੰ ਪਸੰਦ ਨਾ ਆਵੇ। ਅਜਿਹੇ 'ਚ ਹੁਣ ਐਸ਼ਵਰਿਆ ਨੂੰ ਉਨ੍ਹਾਂ ਦੇ ਲੁੱਕ ਲਈ ਸੋਸ਼ਲ ਮੀਡੀਆ 'ਤੇ ਬੁਰੀ ਤਰ੍ਹਾਂ ਟ੍ਰੋਲ ਕੀਤਾ ਜਾ ਰਿਹਾ ਹੈ।