Bigg Boss 6: ਸੜਕ ਹਾਦਸੇ 'ਚ ਵਾਲ-ਵਾਲ ਬਚੀ ਇਸ ਟੀਵੀ ਅਦਾਕਾਰਾ ਦੀ ਜਾਨ ; ਸਕੂਲ ਬੱਸ ਨੇ ਕਾਰ ਨੂੰ ਮਾਰੀ ਟੱਕਰ
Urvashi Dholakia meets with car accident: ਬਿੱਗ ਬੌਸ 6 ਦੀ ਜੇਤੂ ਰਹੀ ਅਭਿਨੇਤਰੀ ਉਰਵਸ਼ੀ ਢੋਲਕੀਆ ਜੋ ਕਿ ਬੀਤੇ ਦਿਨੀਂ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ ਸੀ। ਹਾਲਾਂਕਿ ਇਸ ਹਾਦਸੇ 'ਚ ਅਦਾਕਾਰਾ ਸਮੇਤ ਉਸ ਦਾ ਸਟਾਫ ਵਾਲ-ਵਾਲ ਬਚ ਗਿਆ। ਉਰਵਸ਼ੀ ਦੀ ਕਾਰ ਨੂੰ ਸਕੂਲ ਬੱਸ ਨੇ ਟੱਕਰ ਮਾਰ ਦਿੱਤੀ ਜਦੋਂ ਉਹ ਸ਼ੂਟਿੰਗ ਲਈ ਜਾ ਰਹੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਾਦਸੇ ਤੋਂ ਬਾਅਦ ਉਰਵਸ਼ੀ ਠੀਕ ਹੈ ਪਰ ਡਾਕਟਰ ਨੇ ਉਸ ਨੂੰ ਬੈੱਡ ਰੈਸਟ ਦੀ ਸਲਾਹ ਦਿੱਤੀ ਹੈ।
ਉਰਵਸ਼ੀ ਖੁਦ ਚਲਾ ਰਹੀ ਸੀ ਗੱਡੀ
ਇਹ ਘਟਨਾ 4 ਫਰਵਰੀ ਦੀ ਹੈ ਜਦੋਂ ਉਰਵਸ਼ੀ (Urvashi Dholakia ) ਮੀਰਾ ਰੋਡ 'ਤੇ ਇੱਕ ਫ਼ਿਲਮ ਸਟੂਡੀਓ 'ਚ ਸ਼ੂਟਿੰਗ ਲਈ ਜਾ ਰਹੀ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਬੱਚਿਆਂ ਨੂੰ ਲੈ ਕੇ ਜਾ ਰਹੀ ਸਕੂਲ ਬੱਸ ਨੇ ਉਨ੍ਹਾਂ ਦੀ ਕਾਰ ਨੂੰ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ ਉਰਵਸ਼ੀ ਖੁਦ ਕਾਰ ਚਲਾ ਰਹੀ ਸੀ ਅਤੇ ਹਾਦਸਾ ਬਹੁਤ ਗੰਭੀਰ ਸੀ ਪਰ ਸ਼ੁਕਰ ਹੈ ਪਰਮਾਤਮਾ ਦਾ ਕਿ ਅਭਿਨੇਤਰੀ ਜਾਂ ਉਸ ਦੇ ਸਟਾਫ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ।
ਕੌਣ ਹੈ ਉਰਵਸ਼ੀ ਢੋਲਕੀਆ
ਦੱਸ ਦੇਈਏ ਕਿ ਉਰਵਸ਼ੀ ਢੋਲਕੀਆ ਟੀਵੀ ਦੀ ਦੁਨੀਆ ਦੀ ਚਰਚਿਤ ਅਦਾਕਾਰਾ ਹੈ ਅਤੇ ਲੰਬੇ ਸਮੇਂ ਤੋਂ ਉਹ ਐਂਟਰਟੈਨਮੈਂਟ ਜਗਤ ਵਿੱਚ ਐਕਟਿਵ ਹੈ। ਉਰਵਸ਼ੀ ਨੂੰ ਅੱਜ ਵੀ ਲੋਕ ਉਸ ਨੂੰ ਕੋਮੋਲਿਕਾ ਵਜੋਂ ਜਾਣਦੇ ਹਨ। ਅਦਾਕਾਰਾ ਨੇ ਸ਼ੋਅ 'ਕਸੌਟੀ ਜ਼ਿੰਦਗੀ ਕੀ' 'ਚ 'ਕੋਮੋਲਿਕਾ' ਦੇ ਕਿਰਦਾਰ ਨਿਭਾਇਆ ਸੀ, ਜਿਸ ਨੇ ਦਰਸ਼ਕਾਂ ਦੇ ਜ਼ਹਿਨ ਆਪਣੀ ਛਾਪ ਛੱਡ ਦਿੱਤੀ ਸੀ।
ਇਸ ਦੇ ਨਾਲ ਉਹ ਬਿੱਗ ਬੌਸ ਦੇ ਸੀਜ਼ਨ 6 ਦੀ ਵਿਨਰ ਵੀ ਰਹਿ ਚੁੱਕੀ ਹੈ। ਉਰਵਸ਼ੀ ਨਾਗਿਨ 6 ਸਮੇਤ ਕਈ ਹਿੱਟ ਸ਼ੋਅਜ਼ ਦਾ ਹਿੱਸਾ ਰਹਿ ਚੁੱਕੀ ਹੈ। ਉਹ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਅਕਸਰ ਹੀ ਆਪਣੇ ਫੈਨਜ਼ ਦੇ ਨਾਲ ਆਪਣੀ ਮਜ਼ੇਦਾਰ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ।