ਵੱਧ ਸਕਦੀਆਂ ਹਨ ਆਮਿਰ ਖ਼ਾਨ ਦੀਆਂ ਮੁਸ਼ਕਿਲਾਂ, ਭਾਜਪਾ ਵਿਧਾਇਕ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ

ਆਮਿਰ ਖ਼ਾਨ ਨੇ ਆਪਣੀ ਆਉਣ ਵਾਲੀ ਫਿਲਮ 'ਲਾਲ ਸਿੰਘ ਚੱਢਾ' ਦੀ ਸ਼ੂਟਿੰਗ ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ ਵਿੱਚ ਮੁਕੰਮਲ ਕਰ ਲਈ ਹੈ । ਆਮਿਰ ਖ਼ਾਨ ਇਥੋਂ ਆਪਣਾ ਕੰਮ ਸਮੇਟ ਕੇ ਚਲੇ ਗਏ ਹਨ, ਪਰ ਉਨ੍ਹਾਂ ਨੇ ਇੱਕ ਗਲਤੀ ਹੁਣ ਉਨ੍ਹਾਂ ਲਈ ਮੁਸੀਬਤ ਬਣ ਸਕਦੀ ਹੈ । ਦਰਅਸਲ ਆਮਿਰ ਖ਼ਾਨ ਬੁੱਧਵਾਰ ਨੂੰ ਲੋਨੀ ਵਿੱਚ ਸ਼ੂਟਿੰਗ ਲਈ ਆਪਣੀ ਟੀਮ ਦੇ ਨਾਲ ਆਏ ਸੀ।

ਹੋਰ ਪੜ੍ਹੋ :-

ਅਦਾਕਾਰ ਇਰਫਾਨ ਖ਼ਾਨ ਦੀ ਮੌਤ ਨੂੰ ਛੇ ਮਹੀਨੇ ਹੋਏ ਪੂਰੇ, ਤਸਵੀਰ ਸਾਂਝੀ ਕਰਦੇ ਹੋਏ ਪੁੱਤਰ ਹੋਇਆ ਭਾਵੁਕ

ਗੋਆ ਦੀ ਬੀਚ ‘ਤੇ ਹੱਥਾਂ ‘ਚ ਹੱਥ ਪਾਈ ਘੁੰਮਦੇ ਨਜ਼ਰ ਆਏ ਯੁਵਰਾਜ ਹੰਸ ਤੇ ਮਾਨਸੀ ਸ਼ਰਮਾ, ਦਰਸ਼ਕਾਂ ਨੂੰ ਖੂਬ ਪਸੰਦ ਆ ਰਹੀ ਹੈ ਦੋਵਾਂ ਦੀ ਇਹ ਪਿਆਰੀ ਜਿਹੀ ਵੀਡੀਓ

ਇਸ ਦੌਰਾਨ ਨਾ ਤਾਂ ਐਕਟਰ ਨੇ ਮਾਸਕ ਪਾਇਆ ਸੀ ਅਤੇ ਨਾ ਹੀ ਸਮਾਜਿਕ ਦੂਰੀਆਂ ਦਾ ਕੋਈ ਖਿਆਲ ਰੱਖਿਆ ਗਿਆ। ਇਸ 'ਤੇ ਸਿਆਸੀ ਆਗੂ ਨੰਦਕਿਸ਼ੋਰ ਗੁੱਜਰ ਨੇ ਆਮਿਰ ਖ਼ਾਨ ਖ਼ਿਲਾਫ਼ ਕੋਰੋਨਾ ਮਹਾਮਾਰੀ ਦੇ ਨਿਯਮਾਂ ਦੀ ਉਲੰਘਣਾ ਕਰਨ ਦੀ ਸ਼ਿਕਾਇਤ ਦਰਜ ਕਰਵਾਈ ਹੈ । ਇਸ ਨਾਲ ਜੁੜੀ ਇੱਕ ਫੋਟੋ ਵੀ ਵਾਇਰਲ ਹੋਈ ਹੈ, ਜਿਸ ਵਿਚ ਐਕਟਰ ਨੇ ਮਾਸਕ ਨਹੀਂ ਪਾਇਆ ਹੋਇਆ।

ਆਪਣੀ ਦਲੀਲ ਵਿੱਚ ਨੰਦ ਕਿਸ਼ੋਰ ਗੁੱਜਰ ਨੇ ਲਿਖਿਆ ਹੈ ਕਿ ਲੋਨੀ ਤੋਂ ਵਿਧਾਇਕ ਹੋਣ ਦੇ ਨਾਤੇ ਉਹ ਆਪਣੇ ਹਲਕੇ ਵਿਚ ਅਜਿਹੀ ਘਟਨਾ ‘ਤੇ ਕਾਰਵਾਈ ਦੀ ਮੰਗ ਕਰਦੇ ਹਨ। ਦੱਸ ਦੇਈਏ ਕਿ ਬੁੱਧਵਾਰ ਨੂੰ ਆਮਿਰ ਖ਼ਾਨ ਟ੍ਰੋਨਿਕਾ ਸਿਟੀ ਸਥਿਤ ਰੂਪਾ ਦੀ ਇੱਕ ਕੰਪਨੀ ਵਿੱਚ ਫਿਲਮ ਲਾਲ ਸਿੰਘ ਚੱਢਾ ਦੀ ਸ਼ੂਟਿੰਗ ਲਈ ਪਹੁੰਚੇ ਸੀ। ਉਹ ਕਰੀਬ ਅੱਧਾ ਘੰਟਾ ਇਥੇ ਰਹੇ ਅਤੇ ਸ਼ੂਟਿੰਗ ਕਰਕੇ ਰਵਾਨਾ ਹੋ ਗਏ।