ਦਿਵਯਾਂਸ਼ ਅਤੇ ਮਨੂਰਾਜ ਨੇ ਛੋਟੇ ਪਰਦੇ ਦੇ ਮਸ਼ਹੂਰ ਰਿਐਲਿਟੀ ਸ਼ੋਅ ਇੰਡੀਆਜ਼ ਗੌਟ ਟੇਲੇਂਟ ਸੀਜ਼ਨ 9 ਨੂੰ ਜਿੱਤਿਆ ਹੈ। ਐਤਵਾਰ ਨੂੰ ਸੋਨੀ 'ਤੇ ਪ੍ਰਸਾਰਿਤ ਹੋਣ ਵਾਲੇ ਇਸ ਸੀਜ਼ਨ ਦੇ ਫਿਨਾਲੇ 'ਚ ਰੈਪਰ ਬਾਦਸ਼ਾਹ, ਮਨੋਜ ਮੁੰਤਸ਼ੀਰ ਅਤੇ ਸ਼ਿਲਪਾ ਸ਼ੈੱਟੀ ਤੋਂ ਇਲਾਵਾ ਬਾਲੀਵੁੱਡ ਦੇ ਕਈ ਵੱਡੇ ਸਿਤਾਰੇ ਮੌਜੂਦ ਸਨ।
ਦੱਸ ਦਈਏ ਕਿ ਇਸ ਸੀਜ਼ਨ 'ਚ 7 ਪ੍ਰਤੀਭਾਗੀਆਂ ਵਿਚਾਲੇ ਸਖ਼ਤ ਮੁਕਾਬਲਾ ਰਿਹਾ। ਸਾਰਿਆਂ ਨੂੰ ਪਿੱਛੇ ਛੱਡਦੇ ਹੋਏ ਇਹ ਦੋਵੇਂ ਮੁਕਾਬਲੇਬਾਜ਼ ਜਿੱਤ ਗਏ। ਪੱਛਮੀ ਸੰਗੀਤ ਅਤੇ ਹਿੰਦੁਸਤਾਨੀ ਸ਼ਾਸਤਰੀ ਸੰਗੀਤ ਦੇ ਰੌਚਕ ਫਿਊਜ਼ਨ ਨੇ ਦੋਵਾਂ ਨੂੰ ਸ਼ੋਅ ਜਿੱਤਣ ਵਿਚ ਮਦਦ ਕੀਤੀ।
ਫਿਨਾਲੇ ਤੋਂ ਬਾਅਦ ਸ਼ੋਅ ਦੀ ਜੱਜ ਕਿਰਨ ਖੇਰ ਅਤੇ ਸ਼ਿਲਪਾ ਸ਼ੈੱਟੀ ਦੀ ਪ੍ਰਤੀਕਿਰਿਆ ਵੀ ਸਾਹਮਣੇ ਆਈ ਹੈ। ਕਿਰਨ ਖੇਰ ਨੇ ਕਿਹਾ ਕਿ ਇਹ ਜੋੜੀ ਪਹਿਲੇ ਦਿਨ ਤੋਂ ਹੀ ਸ਼ਾਨਦਾਰ ਸੀ। ਉਸ ਨੇ ਕਿਹਾ, 'ਮੈਂ ਦਿਵਿਆਂਸ਼ ਅਤੇ ਮਨੂਰਾਜ ਲਈ ਬਹੁਤ ਖੁਸ਼ ਹਾਂ। ਉਸ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਸਫਲ ਰਹੀਆਂ ਅਤੇ ਅੱਜ ਉਸ ਨੂੰ ਇੰਡੀਆਜ਼ ਗੌਟ ਟੈਲੇਂਟ ਦੇ ਇਸ ਸੀਜ਼ਨ ਦਾ ਜੇਤੂ ਐਲਾਨਿਆ ਗਿਆ। ਮੇਰਾ ਆਸ਼ੀਰਵਾਦ ਹਮੇਸ਼ਾ ਉਸਦੇ ਨਾਲ ਹੈ ਅਤੇ ਮੈਂ ਉਨ੍ਹਾਂ ਦੇ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੰਦੀ ਹਾਂ।
ਹੋਰ ਪੜ੍ਹੋ : ਮਿਲਿੰਦ ਗਾਬਾ ਅਤੇ ਪ੍ਰਿਆ ਬੈਨੀਵਾਲ ਦੀ ਸੰਗੀਤ ਸੈਰੇਮਨੀ ਦੀਆਂ ਤਸਵੀਰਾਂ ਆਇਆ ਸਾਹਮਣੇ ਦਰਸ਼ਕਾਂ ਨੂੰ ਆ ਰਹੀ ਪਸੰਦ
ਸ਼ਿਲਪਾ ਸ਼ੈੱਟੀ ਨੇ ਕਿਹਾ, "ਇੰਡੀਆਜ਼ ਗੌਟ ਟੇਲੈਂਟ ਸੀਜ਼ਨ 9 ਵਿੱਚ, ਅਸੀਂ ਦੇਸ਼ ਵਿੱਚੋਂ ਸਭ ਤੋਂ ਵੱਡੀ ਪ੍ਰਤਿਭਾ ਨੂੰ ਚੁਣਿਆ ਹੈ, ਪਰ ਵਿਜੇਤਾ ਨੂੰ ਚੁਣਨ ਦਾ ਸਹੀ ਫੈਸਲਾ ਦਰਸ਼ਕਾਂ ਵੱਲੋਂ ਲਿਆ ਗਿਆ ਹੈ, ਜੋ ਦਿਵਿਆਂਸ਼ ਅਤੇ ਮਨੂਰਾਜ ਦੀ ਜਿੱਤ ਤੋਂ ਸਾਬਿਤ ਹੁੰਦਾ ਹੈ। ਉਸ ਨੇ ਅੱਗੇ ਕਿਹਾ ਕਿ ਮੈਂ ਨਿੱਜੀ ਤੌਰ 'ਤੇ ਮਹਿਸੂਸ ਕਰਦੀ ਹਾਂ ਕਿ ਉਨ੍ਹਾਂ ਦੀ ਪ੍ਰਤਿਭਾ ਅੰਤਰਰਾਸ਼ਟਰੀ ਪੱਧਰ ਦੀ ਹੈ। ਉਨ੍ਹਾਂ ਨੇ ਇਤਿਹਾਸ ਰਚਿਆ ਹੈ।