ਐਮੀ ਵਿਰਕ ਸਾਰੇ ਕੰਮ ਛੱਡ ਕੇ ਲੈ ਰਹੇ ਨੇ 'ਵੰਗ ਦਾ ਨਾਪ', ਦੇਖੋ ਵੀਡੀਓ : ਐਮੀ ਵਿਰਕ ਅਤੇ ਸੋਨਮ ਬਾਜਵਾ ਦੀ ਫ਼ਿਲਮ 'ਮੁਕਲਾਵਾ' ਦਾ ਇੱਕ ਹੋਰ ਗੀਤ ਰਿਲੀਜ਼ ਹੋ ਚੁੱਕਿਆ ਹੈ। ਇਸ ਗੀਤ ਦਾ ਨਾਮ ਹੈ 'ਵੰਗ ਦਾ ਨਾਮ' ਜਿਸ ਨੂੰ ਐਮੀ ਵਿਰਕ ਨੇ ਆਪਣੀ ਅਵਾਜ਼ ਦਿੱਤੀ ਹੈ। ਗੁਰਮੀਤ ਸਿੰਘ ਦੇ ਮਿਊਜ਼ਿਕ 'ਚ ਤਿਆਰ ਇਸ ਗੀਤ ਦੇ ਬੋਲਾਂ ਨੂੰ ਹਰਮਨਜੀਤ ਨੇ ਲਿਖਿਆ ਹੈ। ਗੀਤ 'ਚ ਐਮੀ ਵਿਰਕ ਅਤੇ ਸੋਨਮ ਫ਼ਿਲਮ ਨਾਲੋਂ ਹੱਟ ਕੇ ਅੱਜ ਦੀ ਮਾਡਰਨ ਦਿੱਖ 'ਚ ਦਿਖਾਈ ਦੇ ਰਹੇ ਹਨ। ਦੱਸ ਦਈਏ ਫ਼ਿਲਮ 1980 ਦੇ ਦਹਾਕੇ ਦੀ ਕਹਾਣੀ ਹੈ, ਜਿਸ 'ਚ ਪੰਜਾਬ ਦੇ ਵਿਆਹਾਂ ਦੇ ਪੁਰਾਣੇ ਰੀਤੀ ਰਿਵਾਜ ਦਿਖਾਏ ਜਾਣਗੇ। ਇਹ ਗੀਤ ਫ਼ਿਲਮ ਦਾ ਪ੍ਰਮੋਸ਼ਨਲ ਗੀਤ ਹੈ ਜਿਸ ਦਾ ਇੰਤਜ਼ਾਰ ਬੜੀ ਦੇਰ ਤੋਂ ਦਰਸ਼ਕਾਂ ਵੱਲੋਂ ਕੀਤਾ ਜਾ ਰਿਹਾ ਸੀ।