ਜੇਨੇਲੀਆ ਡਿਸੂਜਾ ਨੇ ਜਿੰਮ ‘ਚ ਗਾਇਆ ਅਜਿਹਾ ਗੀਤ ਕਿ ਗੁਆਂਢੀ ਵੀ ਸੀਟ ਤੋਂ ਡਿੱਗ ਗਿਆ, ਵੀਡੀਓ ਹੋਈ ਵਾਇਰਲ
ਬਾਲੀਵੁੱਡ ਇੰਡਸਟਰੀ ਦੀ ਕਿਊਟ ਜੋੜੀ ਰਿਤੇਸ਼ ਦੇਸ਼ਮੁਖ (Riteish Deshmukh) ਅਤੇ ਜੇਨੇਲੀਆ ਡਿਸੂਜਾ(Genelia D'Souza) ,ਜਿਸ ਨੂੰ ਸੋਸ਼ਲ ਮੀਡੀਆ ਉੱਤੇ ਖੂਬ ਪਸੰਦ ਕੀਤਾ ਜਾਂਦਾ ਹੈ । ਦੋਹਾਂ ਦੀ ਕਮਿਸਟਰੀ ਉਹਨਾਂ ਦੇ ਪ੍ਰਸ਼ੰਸਕਾਂ ਨੂੰ ਖੂਬ ਪਸੰਦ ਆਉਂਦੀ ਹੈ । ਦੋਵਾਂ ਕਲਾਕਾਰ ਅਕਸਰ ਹੀ ਆਪੋ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ‘ਤੇ ਆਪਣੀ ਮਜ਼ੇਦਾਰ ਵੀਡੀਓ ਸ਼ੇਅਰ ਕਰਦੇ ਰਹਿੰਦੇ ਹਨ। ਇਸ ਵਾਰ ਅਦਾਕਾਰਾ ਜੇਨੇਲੀਆ ਡਿਸੂਜਾ ਨੇ ਆਪਣੀ ਇੱਕ ਹਾਸੇ ਦੇ ਰੰਗਾਂ ਨਾਲ ਭਰੀ ਵੀਡੀਓ ਸ਼ੇਅਰ ਕੀਤੀ ਹੈ।
Image Source – instagram
ਜੇਨੇਲੀਆ ਡਿਸੂਜਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਫਨੀ ਵੀਡੀਓ ਸ਼ੇਅਰ ਕੀਤੀ ਹੈ। ਵੀਡੀਓ 'ਚ ਜੇਨੇਲੀਆ ਜਿੰਮ 'ਚ ਵਰਕਆਊਟ ਅਤੇ ਪਸੀਨਾ ਵਹਾਉਂਦੀ ਨਜ਼ਰ ਆ ਰਹੀ ਹੈ। ਵੇਟ ਪੁਲਿੰਗ ਐਕਸਰਸਾਈਜ਼ ਕਰਦੇ ਸਮੇਂ ਜੇਨੇਲੀਆ ਅਚਾਨਕ ਉੱਚੀ-ਉੱਚੀ ਗਾਉਣਾ ਸ਼ੁਰੂ ਕਰ ਦਿੰਦੀ ਹੈ। ਅਚਾਨਕ ਨੇੜੇ ਬੈਠਾ ਵਰਕਆਊਟ ਕਰ ਰਿਹਾ ਵਿਅਕਤੀ ਆਪਣੀ ਸੀਟ ਤੋਂ ਡਿੱਗ ਪਿਆ ਅਤੇ ਉੱਠ ਕੇ ਉਥੋਂ ਭੱਜਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਜੇਨੇਲੀਆ ਦੇ ਐਕਸਪ੍ਰੈਸ਼ਨ ਵੀ ਬਹੁਤ ਮਜ਼ਾਕੀਆ ਹਨ।
Image Source – instagram
ਵੀਡੀਓ ਪੋਸਟ ਕਰਦੇ ਹੋਏ ਜੇਨੇਲੀਆ ਨੇ ਕੈਪਸ਼ਨ 'ਚ ਲਿਖਿਆ, 'ਜਦੋਂ ਤੁਹਾਡੇ ਈਅਰਫੋਨ ਤੁਹਾਡੇ ਮਨਪਸੰਦ ਸੰਗੀਤ ਨੂੰ ਵਜਾਉਂਦੇ ਹਨ।' ਵੀਡੀਓ 'ਚ ਜੇਨੇਲੀਆ ਪੰਜਾਬੀ ਗਾਇਕਾ ਜੋਤੀ ਨੂਰਾਂ ਦਾ ਪੰਜਾਬੀ ਗੀਤ ਗਾਉਂਦੀ ਹੋਈ ਨਜ਼ਰ ਆ ਰਹੀ ਹੈ। ਜੇਨੇਲੀਆ ਦੇ ਪ੍ਰਸ਼ੰਸਕ ਵੀ ਇਸ ਵੀਡੀਓ 'ਤੇ ਕਾਫੀ ਕਮੈਂਟ ਕਰ ਰਹੇ ਹਨ। ਇਸ ਵੀਡੀਓ ਨੂੰ ਵੱਡੀ ਗਿਣਤੀ ‘ਚ ਲੋਕ ਦੇਖ ਚੁੱਕੇ ਹਨ। ਜੇ ਗੱਲ ਕਰੀਏ ਜੇਨੇਲੀਆ ਡਿਸੂਜਾ ਦੇ ਵਰਕ ਫਰੰਟ ਦੀ ਤਾਂ ਉਹ ਕਈ ਬਾਲੀਵੁੱਡ ਫ਼ਿਲਮਾਂ ਚ ਕੰਮ ਕਰ ਚੁੱਕੀ ਹੈ। ਪਰ ਵਿਆਹ ਤੋਂ ਬਾਅਦ ਉਹ ਆਪਣਾ ਪਰਿਵਾਰ ‘ਚ ਮਸ਼ਰੂਫ ਹੈ। ਉਹ ਦੋ ਬੱਚਿਆਂ ਦੀ ਮਾਂ ਹੈ, ਉਨ੍ਹਾਂ ਕੋਲ ਦੋ ਪੁੱਤ ਨੇ। ਉਹ ਅਕਸਰ ਹੀ ਆਪਣੇ ਬੱਚਿਆਂ ਅਤੇ ਪਤੀ ਰਿਤੇਸ਼ ਦੇ ਨਾਲ ਆਪਣੀ ਤਸਵੀਰਾਂ ਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ।
View this post on Instagram