6 ਸਾਲ ਤੋਂ ਨਹੀਂ ਮਿਲੀ ਕੋਈ ਫ਼ਿਲਮ, ਫਿਰ ਵੀ ਪਤੀ ਤੋਂ ਇੰਨੀ ਅਮੀਰ ਹੈ ਬਿਪਾਸ਼ਾ, ਇਸ ਤਰ੍ਹਾਂ ਕਰਦੀ ਹੈ ਕਮਾਈ
Lajwinder kaur
January 7th 2022 12:12 PM --
Updated:
January 7th 2022 03:15 PM
ਅੱਜ ਬਾਲੀਵੁੱਡ ਦੀ ਖ਼ੂਬਸੂਰਤ ਤੇ ਬਾਕਮਾਲ ਦੀ ਅਦਾਕਾਰਾ ਬਿਪਾਸ਼ਾ ਬਾਸੂ Happy Birthday Bipasha Basuਆਪਣਾ 43ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। 7 ਜਨਵਰੀ 1979 ਨੂੰ ਨਵੀਂ ਦਿੱਲੀ 'ਚ ਜਨਮੀ ਬਿਪਾਸ਼ਾ ਬਾਸੂ 6 ਸਾਲਾਂ ਤੋਂ ਫਿਲਮਾਂ 'ਚ ਨਜ਼ਰ ਨਹੀਂ ਆਈ ਹੈ। ਬਿਪਾਸ਼ਾ ਆਖਰੀ ਵਾਰ 2015 'ਚ ਹਿੰਦੀ ਫ਼ਿਲਮ ਅਲੋਨ 'ਚ ਨਜ਼ਰ ਆਈ ਸੀ। ਇਸ ਵਿੱਚ ਉਸ ਦੇ ਨਾਲ ਕਰਨ ਸਿੰਘ ਗਰੋਵਰ ਨੇ ਵੀ ਕੰਮ ਕੀਤਾ, ਜੋ ਕਿ ਬਾਅਦ ਵਿੱਚ ਉਸ ਦੇ ਪਤੀ ਬਣੇ। ਕਰਨ ਸਿੰਘ ਗਰੋਵਰ ਅਤੇ ਬਿਪਾਸ਼ਾ ਬਾਸੂ ਦਾ ਵਿਆਹ ਸਾਲ 2016 ਵਿੱਚ ਹੋਇਆ ਸੀ। ਦੋਹਾਂ ਦਾ ਵਿਆਹ ਬੰਗਾਲੀ ਰੀਤੀ-ਰਿਵਾਜਾਂ ਨਾਲ ਹੋਇਆ ਸੀ। ਬਿਪਾਸ਼ਾ ਕੋਲ ਭਾਵੇਂ ਕਈ ਸਾਲਾਂ ਤੋਂ ਕੰਮ ਨਾ ਹੋਵੇ ਪਰ ਖੂਬਸੂਰਤੀ ਦੇ ਮਾਮਲੇ 'ਚ ਉਹ ਕਿਸੇ ਤੋਂ ਘੱਟ ਨਹੀਂ ਹੈ। ਬਿਪਾਸ਼ਾ ਜਾਇਦਾਦ ਦੇ ਮਾਮਲੇ 'ਚ ਆਪਣੇ ਪਤੀ ਕਰਨ ਸਿੰਘ ਗਰੋਵਰ ਤੋਂ ਕਾਫੀ ਅੱਗੇ ਹੈ। ਖਬਰਾਂ ਮੁਤਾਬਕ ਬਿਪਾਸ਼ਾ ਪਤੀ ਕਰਨ ਗਰੋਵਰ ਨਾਲ 7 ਗੁਣਾ ਜ਼ਿਆਦਾ ਅਮੀਰ ਹੈ।