ਗਿੱਪੀ ਗਰੇਵਾਲ ਅੱਜ ਨੇ ਬਹੁਤ ਖੁਸ਼, ਸ਼ਿੰਦਾ ਗਰੇਵਾਲ ਦੇ ਜਨਮਦਿਨ ‘ਤੇ ਰਿਲੀਜ਼ ਹੋਇਆ ਸ਼ਿੰਦੇ ਦਾ ਪਹਿਲਾ ਗੀਤ ‘Ice Cap’
ਇੱਕ ਪਿਤਾ ਲਈ ਬਹੁਤ ਹੀ ਖ਼ਾਸ ਦਿਨ ਹੁੰਦਾ ਹੈ ਜਦੋਂ ਉਹ ਆਪਣੇ ਬੱਚੇ ਨੂੰ ਕਾਮਯਾਬ ਹੁੰਦੇ ਹੋਏ ਦੇਖਦਾ ਹੈ। ਅਜਿਹੇ ਹੀ ਅਹਿਸਾਸ 'ਚ ਲੰਘ ਰਹੇ ਨੇ ਗਾਇਕੀ ਗਿੱਪੀ ਗਰੇਵਾਲ । ਜੀ ਹਾਂ ਅੱਜ ਉਨ੍ਹਾਂ ਦੇ ਵਿਚਕਾਰਲੇ ਪੁੱਤਰ ਸ਼ਿੰਦਾ ਗਰੇਵਾਲ ਦਾ ਬਰਥਡੇਅ (Happy Birthday Shinda Grewal) ਵੀ ਹੈ ਤੇ ਅੱਜ ਹੀ ਸ਼ਿੰਦਾ ਦਾ ਪਹਿਲਾ ਟਰੈਕ ਰਿਲੀਜ਼ ਹੋਇਆ ਹੈ। ਜੀ ਹਾਂ ਸ਼ਿੰਦਾ ਦਾ ਪਹਿਲਾ ਗੀਤ ‘Ice Cap’ ਰਿਲੀਜ਼ ਹੋ ਗਿਆ ਹੈ।
ਜੀ ਹਾਂ ਗਿੱਪੀ ਗਰੇਵਾਲ ਨੇ ਆਪਣੇ ਪੁੱਤਰ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਪੋਸਟ ਪਾਈ ਹੈ। ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ ਹੈ- ‘ਇਸ ਦਿਨ ਮੈਂ ਇੱਕ ਪਿਤਾ ਦੇ ਰੂਪ ਵਿੱਚ ਬਹੁਤ ਮਾਣ ਮਹਿਸੂਸ ਕਰਦਾ ਹਾਂ, ਮੇਰਾ ਪੁੱਤਰ ਦਾ ਪਹਿਲਾ ਗੀਤ #IceCap ਆ ਗਿਆ ਹੈ...ਉਸਨੂੰ ਪਿਆਰ ਅਤੇ ਆਸ਼ੀਰਵਾਦ ਦੇਵੋ...ਸ਼ਿੰਦਾ ਜੱਟ ਫੱਟੇ ਚੱਕ’ ।
ਹੋਰ ਪੜ੍ਹੋ : ਰਿਤੇਸ਼ ਦੇਸ਼ਮੁਖ ਨੇ ਜਿੰਮ ‘ਚ ਬਣਾਇਆ ਅਜਿਹਾ ਵੀਡੀਓ, ਦਰਸ਼ਕ ਹੱਸ-ਹੱਸ ਹੋਏ ਲੋਟਪੋਟ, ਦੇਖੋ ਵੀਡੀਓ
ਜੇ ਗੱਲ ਕਰੀਏ ਇਸ ਗੀਤ ਦੇ ਬੋਲ ਖੁਦ ਸ਼ਿੰਦੇ ਨੇ ਹੀ ਲਿਖੇ ਨੇ ਤੇ ਮਿਊਜ਼ਿਕ ਭਿੰਦਾ ਔਜਲਾ ਨੇ ਦਿੱਤਾ ਹੈ। ਇਸ ਗੀਤ ‘ਚ ਸ਼ਿੰਦੇ ਤੋਂ ਇਲਾਵਾ ਏਕਮ ਤੇ ਗੁਰਬਾਜ਼ ਵੀ ਨਜ਼ਰ ਆ ਰਹੇ ਨੇ। ਇਸ ਗੀਤ ਨੂੰ ਹੰਬਲ ਮਿਊਜ਼ਿਕ ਦੇ ਲੇਬਲ ਹੇਠ ਰਿਲੀਜ਼ ਕੀਤਾ ਗਿਆ ਹੈ। ਗਾਣੇ ਦੇ ਵੀਡੀਓ ਨੂੰ ‘10+1 Creations’ ਨੇ ਤਿਆਰ ਕੀਤਾ ਹੈ। ਜੇ ਗੱਲ ਕਰੀਏ ਸ਼ਿੰਦਾ ਦੀ ਤਾਂ ਉਹ ਬਤੌਰ ਬਾਲਕਲਾਕਾਰ ਆਪਣੀ ਅਦਾਕਾਰੀ ਦੇ ਨਾਲ ਦਰਸ਼ਕਾਂ ਦਾ ਦਿਲ ਪਹਿਲਾਂ ਹੀ ਜਿੱਤ ਚੁੱਕਿਆ। ਉਹ ਅਰਦਾਸ ਕਰਾਂ ‘ਚ ਨਜ਼ਰ ਆਇਆ ਸੀ। ਆਪਣੀ ਕਿਰਦਾਰ ਦੇ ਨਾਲ ਉਹ ਹਰ ਇੱਕ ਦਿਲ ਉੱਤੇ ਆਪਣੀ ਅਦਾਕਾਰੀ ਦੀ ਛਾਪ ਛੱਡਣ ‘ਚ ਕਾਮਯਾਬ ਰਿਹਾ ਹੈ।