ਮੌਤ ਤੋਂ ਬਾਅਦ ਵੀ ਧੀ ਦੇ ਵਿਆਹ 'ਚ ਸ਼ਾਮਿਲ ਹੋਇਆ ਪਿਤਾ, ਲਾੜੀ ਬਣੀ ਧੀ ਹੋਈ ਭਾਵੁਕ, ਵੇਖੋ ਵੀਡੀਓ
ਇੱਕ ਧੀ ਲਈ, ਉਸਦਾ ਪਿਤਾ ਉਸਦਾ ਹੀਰੋ ਹੁੰਦਾ ਹੈ। ਉਹ ਜ਼ਿੰਦਗੀ ਦੇ ਹਰ ਪੜਾਅ 'ਤੇ ਉਸ ਦੀ ਅਗਵਾਈ ਭਾਲਦੀ ਹੈ। ਵਿਆਹ ਵੀ ਇੱਕ ਅਜਿਹਾ ਪੜਾਅ ਹੈ ਜਿਸ ਵਿੱਚ ਹਰ ਧੀ ਆਪਣੇ ਪਿਤਾ ਦੀ ਮੌਜੂਦਗੀ ਚਾਹੁੰਦੀ ਹੈ। ਪਰ ਬਦਕਿਸਮਤੀ ਨਾਲ ਕੁਝ ਧੀਆਂ ਨੂੰ ਲੰਬੇ ਸਮੇਂ ਤੱਕ ਪਿਤਾ ਦਾ ਸਹਾਰਾ ਨਹੀਂ ਮਿਲਦਾ। ਉਨ੍ਹਾਂ ਦੇ ਵਿਆਹ ਤੋਂ ਪਹਿਲਾਂ ਪਿਤਾ ਦੀ ਮੌਤ ਹੋ ਜਾਂਦੀ ਹੈ। ਮੌਤ ਤੋਂ ਬਾਅਦ ਵੀ ਪਿਤਾ ਨੂੰ ਵਿਆਹ 'ਚ ਸ਼ਾਮਿਲ ਹੁੰਦੇ ਵੇਖ ਲਾੜੀ ਬਣੀ ਧੀ ਭਾਵੁਕ ਬਹੁਤ ਭਾਵੁਕ ਹੋ ਗਈ।
Image Source: Google
ਤਾਮਿਲਨਾਡੂ ਵਿੱਚ ਵੀ ਇੱਕ ਧੀ ਨੂੰ ਵਿਆਹ ਤੋਂ ਪਹਿਲਾਂ ਹੀ ਪਿਤਾ ਦੀ ਮੌਤ ਦਾ ਬਹੁਤ ਦੁੱਖ ਹੈ। ਪਰ ਫਿਰ ਉਸ ਦੇ ਭਰਾ ਨੇ ਅਜਿਹਾ ਕੁਝ ਕੀਤਾ ਕਿ ਉਹ ਦੰਗ ਰਹਿ ਗਈ। ਮੌਤ ਤੋਂ ਬਾਅਦ ਵੀ ਉਸ ਦੇ ਪਿਤਾ ਆਪਣੀ ਪਿਆਰੀ ਧੀ ਦੇ ਵਿਆਹ ਵਿੱਚ ਸ਼ਾਮਲ ਰਹੇ। ਆਪਣੇ ਪਿਤਾ ਨੂੰ ਵਿਆਹ 'ਚ ਦੇਖ ਕੇ ਲਾੜੀ ਬਣੀ ਧੀ ਤੇ ਉਸ ਦੀ ਮਾਂ ਬਹੁਤ ਭਾਵੁਕ ਹੋ ਗਏ। ਕਦੇ ਉਸ ਦੀਆਂ ਅੱਖਾਂ ਵਿਚੋਂ ਹੰਝੂ ਨਿਕਲਦੇ ਸਨ ਅਤੇ ਕਦੇ ਉਹ ਪਿਆਰ ਨਾਲ ਪਿਤਾ ਨੂੰ ਚੁੰਮਦੇ ਨਜ਼ਰ ਆਉਂਦੇ ਸਨ। ਤਾਂ ਆਓ ਜਾਣਦੇ ਹਾਂ ਇਸ ਅਨੋਖੇ ਵਿਆਹ ਬਾਰੇ।
ਮੌਤ ਤੋਂ ਬਾਅਦ ਵੀ ਧੀ ਦੇ ਵਿਆਹ ਵਿੱਚ ਸ਼ਾਮਲ ਹੋਏ ਪਿਤਾ
ਇਹ ਅਨੋਖਾ ਵਿਆਹ ਤਾਮਿਲਨਾਡੂ ਦੇ ਕਾਲਾਕੁਰਿਚੀ ਜ਼ਿਲੇ ਦੇ ਤਿਰੂਕੋਵਿਲੁਰ ਇਲਾਕੇ 'ਚ ਸਥਿਤ ਥਾਨਾਕਨੰਦਲ ਪਿੰਡ 'ਚ ਹੋਇਆ। ਇੱਥੇ ਰਹਿਣ ਵਾਲੇ ਸੇਲਵਰਾਜ ਦੀ 56 ਸਾਲ ਦੀ ਉਮਰ ਵਿੱਚ ਪਿਛਲੇ ਸਾਲ ਮਾਰਚ ਵਿੱਚ ਮੌਤ ਹੋ ਗਈ ਸੀ। ਉਸ ਦੀ ਸਿਹਤ ਕੁਝ ਖਰਾਬ ਸੀ। ਹਾਲਾਂਕਿ, ਮਰਨ ਤੋਂ ਪਹਿਲਾਂ, ਸੇਲਵਰਾਜ ਨੇ ਆਪਣੀ ਧੀ ਮਹੇਸ਼ਵਰੀ ਦਾ ਵਿਆਹ ਜੈਰਾਜ ਨਾਮ ਦੇ ਲੜਕੇ ਨਾਲ ਤੈਅ ਕਰ ਦਿੱਤਾ ਸੀ।
Image Source: Google
ਜਦੋਂ ਸੇਲਵਰਾਜ ਜ਼ਿੰਦਾ ਸੀ ਤਾਂ ਉਦੋਂ ਤੋਂ ਹੀ ਧੀ ਦੇ ਵਿਆਹ ਦੀਆਂ ਤਿਆਰੀਆਂ ਚੱਲ ਰਹੀਆਂ ਸਨ, ਪਰ ਅਚਾਨਕ ਸਿਹਤ ਖਰਾਬ ਹੋਣ ਕਾਰਨ ਉਸ ਦੀ ਮੌਤ ਹੋ ਗਈ। ਹਾਲ ਹੀ 'ਚ ਸੇਲਵਰਾਜ ਦੀ ਧੀ ਮਹੇਸ਼ਵਰੀ ਦਾ ਵਿਆਹ ਬਹੁਤ ਧੂਮ-ਧਾਮ ਨਾਲ ਹੋਇਆ ਹੈ। ਵਿਆਹ ਤੋਂ ਪਹਿਲਾਂ ਧੀ ਬਹੁਤ ਦੁਖੀ ਸੀ ਕਿ ਉਸ ਦਾ ਪਿਤਾ ਉਸ ਦੇ ਵਿਆਹ ਵਿੱਚ ਸ਼ਾਮਲ ਨਹੀਂ ਹੋ ਸਕੇਗਾ। ਅਜਿਹੇ 'ਚ ਸੇਲਵਰਾਜ ਦੀ ਪਤਨੀ ਪਦਮਾਵਤੀ ਤੇ ਬੇਟੇ ਨੇ ਧੀ ਨੂੰ ਖੁਸ਼ ਕਰਨ ਲਈ ਇੱਕ ਅਨੋਖਾ ਸਰਪ੍ਰਾਈਜ਼ ਪਲਾਨ ਬਣਾਇਆ।
ਵਿਆਹ 'ਚ ਮ੍ਰਿਤਕ ਪਿਤਾ ਦੀ ਮੂਰਤੀ ਨੂੰ ਦੇਖ ਕੇ ਭਾਵੁਕ ਹੋਈ ਧੀ
ਪਦਮਾਵਤੀ ਨੇ ਆਪਣੇ ਪਤੀ ਦੀ ਮੋਮ ਦੀ ਮੂਰਤੀ ਬਣਾਈ ਸੀ। ਉਸ ਨੇ ਇਸ ਨੂੰ ਬਣਾਉਣ ਲਈ 5 ਲੱਖ ਰੁਪਏ ਖਰਚ ਕੀਤੇ। ਹਾਲਾਂਕਿ ਧੀ ਨੇ ਜਦੋਂ ਆਪਣੇ ਪਿਤਾ ਨੂੰ ਆਪਣੇ ਵਿਆਹ ਵਿੱਚ ਮੋਮ ਦਾ ਬਣਿਆ ਦੇਖਿਆ ਤਾਂ ਉਸਦੀ ਖੁਸ਼ੀ ਦੀ ਕੋਈ ਹੱਦ ਨਾ ਰਹੀ। ਉਹ ਭਾਵੁਕ ਹੋ ਕੇ ਰੋ ਪਈ। ਉਸ ਨੇ ਆਪਣੇ ਪਿਤਾ ਨੂੰ ਜੱਫੀ ਪਾ ਲਈ। ਉਸ ਦੀਆਂ ਗੱਲ੍ਹਾਂ 'ਤੇ ਪਿਆਰ ਨਾਲ ਚੁੰਮਿਆ। ਇਸ ਦੇ ਨਾਲ ਹੀ ਬਾਕੀ ਰਿਸ਼ਤੇਦਾਰ ਵੀ ਇਸ ਪਲ ਨੂੰ ਦੇਖ ਕੇ ਕਾਫੀ ਭਾਵੁਕ ਨਜ਼ਰ ਆਏ।
Image Source: Google
ਹੋਰ ਪੜ੍ਹੋ: ਮਾਧੁਰੀ ਦੀਕਸ਼ਿਤ ਨੇ ਖ਼ਾਸ ਅੰਦਾਜ਼ 'ਚ ਮਨਾਇਆ ਆਪਣੀ ਮਾਂ ਦਾ 90ਵਾਂ ਜਨਮਦਿਨ, ਵੇਖੋ ਤਸਵੀਰਾਂ
ਪਦਮਾਵਤੀ ਨੇ ਵਿਆਹ ਵਾਲੇ ਦਿਨ ਪੁਜਾਰੀਆਂ ਦੀ ਮੌਜੂਦਗੀ ਵਿੱਚ ਆਪਣੇ ਮ੍ਰਿਤਕ ਪਤੀ ਦੀ ਮੋਮ ਦੀ ਮੂਰਤੀ ਵਿਆਹ ਦੇ ਮੰਡਪ ਦੇ ਕੋਲ ਰੱਖੀ। ਫਿਰ ਉਸ ਦੀ ਹਾਜ਼ਰੀ ਵਿਚ ਧੀ ਦਾ ਵਿਆਹ ਹੋ ਗਿਆ। ਵਿਆਹ ਵਾਲੇ ਦਿਨ ਧੀ ਭਾਵੁਕ ਹੋ ਗਈ ਅਤੇ ਕਾਫੀ ਦੇਰ ਤੱਕ ਆਪਣੇ ਪਿਤਾ ਵੱਲ ਪਿਆਰ ਨਾਲ ਦੇਖਦੀ ਰਹੀ। ਉਸ ਨੇ ਆਪਣੇ ਪਿਤਾ ਦੇ ਪੈਰ ਵੀ ਛੂਹੇ। ਹੁਣ ਇਸ ਅਨੋਖੇ ਵਿਆਹ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।