ਗੱਬਰ ਦੇ ਭਰਾ ਤੇ ਬਾਲੀਵੁੱਡ ਅਦਾਕਾਰ ਇਮਤਿਆਜ਼ ਖ਼ਾਨ ਦਾ ਹੋਇਆ ਦਿਹਾਂਤ, ਅਦਾਕਾਰਾਂ ਨੇ ਕੁਝ ਇਸ ਤਰ੍ਹਾਂ ਪ੍ਰਗਟਾਇਆ ਦੁੱਖ
ਗੱਬਰ ਯਾਨੀ ਕਿ ਬਾਲੀਵੁੱਡ ਐਕਟਰ ਅਮਜਦ ਖ਼ਾਨ ਦੇ ਭਰਾ ਤੇ ਮਸ਼ਹੂਰ ਐਕਟਰ ਇਮਤਿਆਜ਼ ਖ਼ਾਨ (Imtiaz Khan) ਦਾ ਦਿਹਾਂਤ ਹੋ ਗਿਆ ਹੈ । ਇਮਤਿਆਜ਼ ਖ਼ਾਨ ਜੋ ਕਿ 15 ਮਾਰਚ ਨੂੰ ਪੰਜ ਤੱਤਾਂ ‘ਚ ਵਲੀਨ ਹੋ ਚੁੱਕੇ ਨੇ । ਦੱਸ ਦਈਏ ਉਹ ਟੀਵੀ ਅਦਾਕਾਰਾ ਕਰੁਤਿਕਾ ਦੇਸਾਈ (Krutika Desai) ਦੇ ਪਤੀ ਵੀ ਸਨ ।
ਬਾਲੀਵੁੱਡ ਸਿਤਾਰੇ ਇਮਤਿਆਜ਼ ਖ਼ਾਨ ਦੇ ਦਿਹਾਂਤ ‘ਤੇ ਸ਼ਰਧਾਂਜਲੀ ਦਿੰਦੇ ਹੋਏ ਆਪਣੇ ਦੁੱਖ ਦਾ ਪ੍ਰਗਟਾਵਾ ਸੋਸ਼ਲ ਮੀਡੀਆ ਦੇ ਰਾਹੀਂ ਕੀਤਾ ਹੈ ।
Veteran actor #ImtiazKhan passes on.
Worked with him in #Gang. Superb actor and wonderful human being.#RIP bhai pic.twitter.com/CPSGxD3IDH
— Jaaved Jaaferi (@jaavedjaaferi) March 16, 2020
ਬਾਲੀਵੁੱਡ ਐਕਟਰ ਜਾਵੇਦ ਜਾਫਰੀ ਨੇ ਇਮਤਿਆਜ਼ ਖ਼ਾਨ ਨੂੰ ਲੈ ਕੇ ਟਵੀਟ ਕੀਤਾ ਹੈ ਤੇ ਕੈਪਸ਼ਨ ‘ਚ ਲਿਖਿਆ ਹੈ -‘ਸੀਨੀਅਰ ਐਕਟਰ ਇਮਤਿਆਜ਼ ਖ਼ਾਨ ਦਾ ਦਿਹਾਂਤ.. ਉਨ੍ਹਾਂ ਦੇ ਨਾਲ ‘ਗੈਂਗ’ ਫ਼ਿਲਮ ‘ਚ ਕੰਮ ਕੀਤਾ ਸੀ । ਬਾਕਮਾਲ ਐਕਟਰ ਤੇ ਬਿਹਤਰੀਨ ਇਨਸਾਨ..ਪਰਮਾਤਮਾ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਣ ’
View this post on Instagram
Once upon a time!!! Rest in eternal peace my friend@Imtiaz Khan?
ਐਕਟਰੈੱਸ ਅੰਜੂ ਮਹੇਂਦਰੂ ਨੇ ਸੋਸ਼ਲ ਮੀਡੀਆ ਅਕਾਉਂਟ ਉੱਤੇ ਇਮਤਿਆਜ਼ ਖ਼ਾਨ ਨੂੰ ਯਾਦ ਕਰਦੇ ਹੋਏ ਤਸਵੀਰ ਸ਼ੇਅਰ ਕੀਤੀ ਹੈ ਤੇ ਨਾਲ ਹੀ ਕੈਪਸ਼ਨ ‘ਚ ਲਿਖਿਆ ਹੈ, ‘ਇੱਕ ਸਮੇਂ ਦੀ ਗੱਲ ਹੈ !!! ਮੇਰੇ ਦੋਸਤ ਇਮਤਿਆਜ਼ ਖ਼ਾਨ ਭਗਵਾਨ ਤੁਹਾਡੀ ਆਤਮਾ ਨੂੰ ਸ਼ਾਂਤੀ ਦੇਣ’
ਇਮਤਿਆਜ਼ ਖ਼ਾਨ ਐਕਟਰ ਦੇ ਨਾਲ ਵਧੀਆ ਡਾਇਰੈਕਟਰ ਵੀ ਸਨ । ਉਹ ਹਲਚਲ, ਪਿਆਰ ਦੋਸਤ, ਨੂਰ ਜਹਾਂ ਤੇ ਗੈਂਗ ਵਰਗੀ ਕਈ ਫ਼ਿਲਮਾਂ ‘ਚ ਨਜ਼ਰ ਆ ਚੁੱਕੇ ਨੇ ।