ਜੱਸੀ ਗਿੱਲ ਜੋ ਕਿ ਇੱਕ ਗਾਇਕ ਹੋਣ ਦੇ ਨਾਲ-ਨਾਲ ਅਦਾਕਾਰੀ ਦੇ ਖੇਤਰ 'ਚ ਵੀ ਲਗਾਤਾਰ ਮੱਲਾਂ ਮਾਰ ਰਹੇ ਨੇ ਅਤੇ ਹੁਣ ਉਹ ਬਾਲੀਵੁੱਡ 'ਚ ਕਦਮ ਰੱਖਣ ਜਾ ਰਹੇ ਨੇ ।ਜੀ ਹਾਂ ਜੱਸੀ ਗਿੱਲ jassi gill ਦਾ ਪੰਗਾ ਪੈਣ ਵਾਲਾ ਹੈ ਅਤੇ ਉਹ ਇਸ ਪੰਗੇ ਤੋਂ ਬੇਹੱਦ ਖੁਸ਼ ਵੀ ਨੇ । ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਜੱਸੀ ਗਿੱਲ ਦਾ ਕਿਸੇ ਨਾਲ ਪੰਗਾ ਪਿਆ ਹੈ ਤਾਂ ਤੁਸੀਂ ਗਲਤ ਸੋਚ ਰਹੇ ਹੋ ।ਜੱਸੀ ਗਿੱਲ ਦਾ ਕਿਸੇ ਨਾਲ ਪੰਗਾ ਨਹੀਂ ਪਿਆ ,ਬਲਕਿ ਉਨਾਂ ਦੀ ਇੱਕ ਨਵੀਂ ਫਿਲਮ ਆ ਰਹੀ ਹੈ ਜਿਸਦਾ ਨਾਂਅ ਹੈ 'ਪੰਗਾ' bollywood film।ਇਸ ਫਿਲਮ ਦੀ ਸਕਰਿਪਟ ਮਿਲਣ ਤੋਂ ਬਾਅਦ ਜੱਸੀ ਗਿੱਲ ਖੁਸ਼ ਨਜ਼ਰ ਆਏ 'ਤੇ ਇਸ ਦੀਆਂ ਫੋਟੋਆ ਅਤੇ ਕੁਝ ਵੀਡਿਓ ਵੀ ਸ਼ੇਅਰ ਕੀਤੇ ਨੇ ।ਜਿਸ 'ਚ ਜੱਸੀ ਗਿੱਲ ਸਕਰਿਪਟ ਮਿਲਣ 'ਤੇ ਖੁਸ਼ੀ ਜ਼ਾਹਿਰ ਕਰ ਰਹੇ ਨੇ ।
ਉਨ੍ਹਾਂ ਨੇ ਲਿਖਿਆ ਹੈ ਕਿ 'ਫੈਮਿਲੀ ਏਕ ਐਸਾ ਇਮੋਸ਼ਨ ਹੈ ਜੋ ਰੁਲਾ ਕੇ ਹਸਾਤਾ ਹੈ ਔਰ ਹਸਾ ਕੇ ਰੁਲਾਤਾ ਹੈ,ਲੁਕਿੰਗ ਫਾਰਵਰਡ ਟੂ ਬੀ ਪਾਰਟ ਆਫ ਪੰਗਾ।
ਇਸ ਫਿਲਮ 'ਚ ਉਨਾਂ ਦੇ ਨਾਲ ਬਾਲੀਵੁੱਡ ਕੁਈਨ ਕੰਗਨਾ ਰਣੌਤ ਅਤੇ ਨੀਨਾ ਗੁਪਤਾ ਵੀ ਨਜ਼ਰ ਆਉਣਗੇ।ਫਿਲਮ ਨੂੰ ਅਸ਼ਵਨੀ ਅਈਅਰ ਤਿਵਾਰੀ ਡਾਇਰੈਕਟ ਕਰ ਰਹੇ ਨੇ ।ਜੱਸੀ ਗਿੱਲ ਨੂੰ ਜਦੋਂ ਇਸ ਫਿਲਮ ਦੀ ਸਕਰਿਪਟ ਮਿਲੀ ਤਾਂ ਉਹ ਬਹੁਤ ਖੁਸ਼ ਨਜ਼ਰ ਆਏ । ਜੱਸੀ ਗਿੱਲ ਇਸ ਫਿਲਮ ਨੂੰ ਲੈ ਕੇ ਉਤਸ਼ਾਹਿਤ ਨੇ ਅਤੇ ਇਸ ਫਿਲਮ ਤੋਂ ਉਨਾਂ ਨੂੰ ਕਾਫੀ ਉਮੀਦਾਂ ਨੇ।