KWK7: ਕੀ ਵਿੱਕੀ ਨੂੰ ਕੈਟਰੀਨਾ ਨਾਲ ਵਿਆਹ ਕਰਨ ਦੀ ਸੀ ਇੰਨੀ ਕਾਹਲੀ? ਪੰਡਿਤ ਨੂੰ ਕੀਤੀ ਸੀ ਇਹ ਬੇਨਤੀ
Vicky Kaushal reveals on Koffee With Karan what he told pandit during wedding: ਕਰਨ ਜੌਹਰ ਦੇ ਚੈਟ ਸ਼ੋਅ ਕੌਫੀ ਵਿਦ ਕਰਨ ਸੀਜ਼ਨ 7 ਦੇ ਹਾਲ ਹੀ ਦੇ ਐਪੀਸੋਡ ਵਿੱਚ ਵਿੱਕੀ ਕੌਸ਼ਲ ਅਤੇ ਸਿਧਾਰਥ ਮਲਹੋਤਰਾ ਇਕੱਠੇ ਸ਼ੋਅ ਵਿੱਚ ਨਜ਼ਰ ਆਉਣਗੇ। ਇਸ ਐਪੀਸੋਡ ਨੂੰ ਦੇਖਣ ਲਈ ਦਰਸ਼ਕ ਕਾਫੀ ਜ਼ਿਆਦਾ ਉਤਸੁਕ ਹਨ। ਦੋਵਾਂ ਨੇ ਵਰਕ ਫਰੰਟ ਤੋਂ ਲੈ ਕੇ ਪਰਸਨਲ ਲਾਈਫ ਤੱਕ ਹਰ ਗੱਲ 'ਤੇ ਬੇਖੌਫ ਗੱਲਾਂ ਦਾ ਖੁਲਾਸਾ ਇਸ ਸ਼ੋਅ ਚ ਹੋਵੇਗਾ। ਸ਼ੋਅ ਦੇ ਪ੍ਰੋਮੋ ਦਰਸ਼ਕਾਂ ਨੂੰ ਖੂਬ ਪਸੰਦ ਆ ਰਹੇ ਹਨ। ਪ੍ਰੋਮੋ ਚ ਵਿੱਕੀ ਕੌਸ਼ਲ ਕਹਿੰਦੇ ਹੋਏ ਨਜ਼ਰ ਆ ਰਹੇ ਨੇ ਕਿ ਇਸ ਵਾਰ ਵਾਲਾ ਐਪੀਸੋਡ ਪੰਜਾਬੀ ਹੋਵੇਗਾ।
ਹੋਰ ਪੜ੍ਹੋ : ਦੇਬੀਨਾ ਬੈਨਰਜੀ ਤੇ ਗੁਰਮੀਤ ਚੌਧਰੀ ਦੂਜੀ ਵਾਰ ਬਣਨ ਜਾ ਰਹੇ ਨੇ ਮਾਪੇ, ਅਪ੍ਰੈਲ 'ਚ ਹੀ ਅਦਾਕਾਰਾ ਨੇ ਦਿੱਤਾ ਸੀ ਬੇਟੀ ਨੂੰ ਜਨਮ
image source Instagram
ਇਸੇ ਸ਼ੋਅ 'ਚ ਵਿੱਕੀ ਕੌਸ਼ਲ ਨੇ ਵਿਆਹ ਦੌਰਾਨ ਪੰਡਿਤ ਜੀ ਨੂੰ ਜੋ ਕਿਹਾ ਸੀ, ਉਸ ਬਾਰੇ ਦੱਸਣਗੇ। ਵਿੱਕੀ ਕੌਸ਼ਲ ਨੇ ਸ਼ੋਅ 'ਚ ਆਪਣੇ ਵਿਆਹ ਬਾਰੇ ਹਰ ਤਰ੍ਹਾਂ ਦੀਆਂ ਗੱਲਾਂ ਦਾ ਖੁਲਾਸਾ ਕੀਤਾ।
ਦੱਸਣਯੋਗ ਹੈ ਕਿ ਵਿੱਕੀ ਕੌਸ਼ਲ ਅਤੇ ਕੈਟਰੀਨਾ ਕੈਫ ਦਸੰਬਰ 2021 'ਚ ਵਿਆਹ ਦੇ ਬੰਧਨ 'ਚ ਬੱਝ ਗਏ ਸਨ। ਦੋਵਾਂ ਦੀ ਲਵ ਸਟੋਰੀ 'ਚ ਕਰਨ ਜੌਹਰ ਦਾ ਸ਼ੋਅ ਕਾਫੀ ਮਹੱਤਵ ਰੱਖਦਾ ਹੈ ਕਿਉਂਕਿ ਵਿੱਕੀ ਕੌਸ਼ਲ ਨੂੰ ਇਸ ਸ਼ੋਅ 'ਚ ਦੱਸਿਆ ਗਿਆ ਸੀ ਕਿ ਕੈਟਰੀਨਾ ਕੈਫ ਉਨ੍ਹਾਂ ਬਾਰੇ ਕੀ ਸੋਚਦੀ ਹੈ। ਕੌਫੀ ਵਿਦ ਕਰਨ 'ਚ ਵਿੱਕੀ ਨੇ ਵਿਆਹ ਦੌਰਾਨ ਕਈ ਗੱਲਾਂ ਦੱਸੀਆਂ।
image source Instagram
ਵਿੱਕੀ ਕੌਸ਼ਲ ਨੇ ਕੌਫੀ ਵਿਦ ਕਰਨ 'ਚ ਦੱਸਿਆ, 'ਜਦੋਂ ਮੇਰੇ ਵਿਆਹ ਦੀਆਂ ਹਰ ਤਰ੍ਹਾਂ ਦੀਆਂ ਬੇਤਰਤੀਬ ਖਬਰਾਂ ਵਾਇਰਲ ਹੋ ਰਹੀਆਂ ਸਨ, ਉਦੋਂ ਮੈਂ ਵਿਆਹ ਦੇ ਮੰਡਪ 'ਚ ਬੈਠਾ ਸੀ ਅਤੇ ਪੰਡਿਤ ਜੀ ਨੂੰ ਕਹਿ ਰਿਹਾ ਸੀ ਕਿ ਕਿਰਪਾ ਕਰਕੇ ਜਲਦੀ ਨਿਪਟ ਲਓ। ਇੱਕ ਘੰਟੇ ਤੋਂ ਵੱਧ ਨਹੀਂ।' ਵਿੱਕੀ ਕੌਸ਼ਲ ਨੇ ਵਿਆਹ ਦੌਰਾਨ ਵਾਇਰਲ ਹੋਏ ਮੀਮਜ਼ ਬਾਰੇ ਵੀ ਦੱਸਿਆ ਅਤੇ ਕਿਹਾ ਕਿ ਉਹ ਇਨ੍ਹਾਂ ਸਾਰੇ ਚੁਟਕਲਿਆਂ ਅਤੇ ਮੀਮਜ਼ ਤੋਂ ਜਾਣੂ ਹੈ।
image source Instagram
ਵਿੱਕੀ ਕੌਸ਼ਲ ਨੇ ਕਿਹਾ, "ਵਿਆਹ ਦੇ ਦੌਰਾਨ, ਰੋਜ਼ਾਨਾ ਇਹ ਮਜ਼ਾਕੀਆ ਮੀਮਜ਼, ਟਵੀਟ ਅਤੇ ਸੰਦੇਸ਼ ਇੰਟਰਨੈਟ 'ਤੇ ਸ਼ੇਅਰ ਕੀਤੇ ਜਾ ਰਹੇ ਸਨ ਅਤੇ ਅਸੀਂ ਇਸ ਤੋਂ ਜਾਣੂ ਸੀ। ਮੇਰੇ ਦੋਸਤ ਸਨ ਜੋ ਸਾਡੇ ਲਈ ਇਹ ਪੜ੍ਹਦੇ ਸਨ ਅਤੇ ਅਸੀਂ ਉਨ੍ਹਾਂ 'ਤੇ ਖੁੱਲ੍ਹ ਕੇ ਹੱਸਦੇ ਸੀ। ਸਾਨੂੰ ਉਨ੍ਹਾਂ ਨੂੰ ਪੜ੍ਹ ਕੇ ਬਹੁਤ ਮਜ਼ਾ ਆਇਆ। ਤੁਹਾਨੂੰ ਦੱਸ ਦੇਈਏ ਕਿ ਵਿੱਕੀ-ਕੈਟਰੀਨਾ ਦੇ ਵਿਆਹ ਦੌਰਾਨ ਸਭ ਤੋਂ ਜ਼ਿਆਦਾ ਮੀਮ ਸਲਮਾਨ ਖਾਨ ਨੂੰ ਲੈ ਕੇ ਬਣੇ ਸਨ।