ਸਲਮਾਨ ਖ਼ਾਨ ਦੇ ਨਾਲ ਕਈ ਫ਼ਿਲਮਾਂ ‘ਚ ਕੰਮ ਕਰ ਚੁੱਕੇ ਇਸ ਅਦਾਕਾਰ ਦੀ ਹੋਈ ਮੌਤ, ਕੈਂਸਰ ਨੇ ਲਈ ਇੱਕ ਹੋਰ ਅਦਾਕਾਰ ਦੀ ਜਾਨ

ਕੁਝ ਲੋਕ ਅਜਿਹੇ ਹੁੰਦੇ ਨੇ ਜੋ ਛੋਟੀ ਉਮਰ ‘ਚ ਕਾਮਯਾਬੀ ਦੀਆਂ ਬੁਲੰਦੀਆਂ ਨੂੰ ਛੂਹ ਲੈਂਦੇ ਨੇ । ਅਜਿਹਾ ਹੀ ਸੀ ਬਾਲੀਵੁੱਡ ਦਾ ਇਹ ਅਦਾਕਾਰਾ ਜੋ ਸਭ ਦੇ ਚਿਹਰਿਆਂ ਦੇ ਮੁਸਕਰਾਹਟ ਬਿਖੇਰ ਦਿੰਦਾ ਸੀ । ਜੀ ਹਾਂ 26 ਸਾਲਾਂ ਦੇ ਮੋਹਿਤ ਬਘੇਲ ਕੈਂਸਰ ਦੇ ਨਾਲ ਚੱਲ ਰਹੀ ਜੰਗ ‘ਚ ਹਾਰ ਗਏ ਤੇ ਸ਼ਨੀਵਾਰ ਨੂੰ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ । ਮੋਹਿਤ ਨੇ ਆਪਣੇ ਕੁਝ ਕਿਰਦਾਰਾਂ ਦੇ ਨਾਲ ਹੀ ਲੋਕਾਂ ਦੇ ਦਿਲ ‘ਚ ਖ਼ਾਸ ਜਗ੍ਹਾ ਬਣਾ ਲਈ ਸੀ । ਸਲਮਾਨ ਖ਼ਾਨ ਦੀ ਫ਼ਿਲਮ ‘ਰੈੱਡੀ’ ‘ਚ ਉਹ ਛੋਟੇ ਅਮਰ ਚੌਧਰੀ ਦੇ ਕਿਰਦਾਰ ‘ਚ ਨਜ਼ਰ ਆਏ ਸੀ ਤੇ ਲੋਕਾਂ ਦਿਲਾਂ ਨੂੰ ਜਿੱਤ ਲਿਆ ਸੀ ।  ਮੋਹਿਤ ਦੇ ਦਿਹਾਂਤ ਦੀ ਖ਼ਬਰ ਨੇ ਬਾਲੀਵੁੱਡ ‘ਚ ਸੋਗ ਦੀ ਲਹਿਰ ਫੈਲ ਗਈ ਹੈ । ਕਿਸੇ ਨੂੰ ਭਰੋਸਾ ਨਹੀਂ ਹੋ ਰਿਹਾ ਹੈ ਕਿ 26 ਸਾਲ ਦੇ ਮੋਹਿਤ ਇਸ ਦੁਨੀਆ ਤੋਂ ਰੁਖ਼ਸਤ ਹੋ ਗਏ ਨੇ ।

ਪਰੀਨਿਤੀ ਚੋਪੜਾ ਨੇ ਵੀ ਟਵਿਟ ਕਰਦੇ ਹੋਏ ਲਿਖਿਆ ਹੈ ਕਿ, ‘ਜਿਨ੍ਹਾਂ ਲੋਕਾਂ ਦੇ ਨਾਲ ਕੰਮ ਕੀਤਾ ਹੈ ਉਨ੍ਹਾਂ ਵਧੀਆ ਇਨਸਾਨਾਂ ‘ਚੋਂ ਸਨ । ਖੁਸ਼, ਪਾਜ਼ੀਟਿਵ ਤੇ ਹਮੇਸ਼ਾ ਮੋਟੀਵੇਟੇਡ, ਲਵ ਯੂ ਮੋਹਿਤ । RIP’

 

One of the nicesttt people to work with! Happy, positive and motivated always. Love you Mohit. RIP? #JabariyaJodi https://t.co/b0Gr6GpCxg

— Parineeti Chopra (@ParineetiChopra) May 23, 2020

 

This was the day when we all enjoyed, You dint know you had cancer but made us laugh every minute there even though you were vomiting. झूठा कह रहा था मैं जल्दी ठीक होके आता हूँ दीदी । Miss you bro #RIPMohitBaghel @baghelmohit pic.twitter.com/239MkJ8pvb

— Gurpreet Kaur Chadha (@GurpreetKChadha) May 23, 2020

ਇਸ ਤੋਂ ਇਲਾਵਾ ਸਿਧਾਰਥ ਮਲਹੋਤਰਾ, ਗੁਰਪ੍ਰੀਤ ਕੌਰ ਚੱਢਾ, ਰੋਹਨ ਮਹਿਰਾ, Raaj Shaandilyaa ਨੇ ਵੀ ਇਮੋਸ਼ਨਲ ਪੋਸਟ ਪਾ ਕੇ ਅਦਾਕਾਰਾ ਮੋਹਿਤ ਬਘੇਲ ਦੀ ਮੌਤ ‘ਤੇ ਦੁੱਖ ਜਤਾਇਆ ਹੈ । ਮੋਹਿਤ ਬਘੇਲ ਬਾਲੀਵੁੱਡ ਫ਼ਿਲਮਾਂ ਤੋਂ ਇਲਾਵਾ ਟੀਵੀ ਦੇ ਕਈ ਸੀਰੀਅਲ ‘ਚ ਵੀ ਕੰਮ ਕਰ ਚੁੱਕੇ ਸਨ । ਜੇ ਗੱਲ ਕਰੀਏ ਹਾਲ ਹੀ ‘ਚ ਬਾਲੀਵੁੱਡ ਦੇ ਦੋ ਦਿੱਗਜ ਅਦਾਕਾਰ ਰਿਸ਼ੀ ਕਪੂਰ ਤੇ ਇਰਫ਼ਾਨ ਖ਼ਾਨ ਦੀ ਮੌਤ ਵੀ ਕੈਂਸਰ ਦੀ ਬਿਮਾਰੀ ਦੇ ਨਾਲ ਹੋਈ ਹੈ ।