ਸੁਸ਼ਮਿਤਾ ਸੇਨ ਦੇ ਭਰਾ ਰਾਜੀਵ ਸੇਨ ਨੇ ਆਪਣੀ ਧੀ ਦੇ ਨਾਲ ਸਾਂਝੀਆਂ ਖ਼ਾਸ ਤਸਵੀਰਾਂ, ਕੁਝ ਦਿਨਾਂ ਤੋਂ ਬੱਚੀ ਚੱਲ ਰਹੀ ਸੀ ਬਿਮਾਰ
Rajeev Sen Shares cute Pictures With Daughter Ziana: ਸੁਸ਼ਮਿਤਾ ਸੇਨ ਦੇ ਭਰਾ ਰਾਜੀਵ ਸੇਨ ਅਤੇ ਭਾਬੀ ਚਾਰੂ ਅਸੋਪਾ ਆਪਣੇ ਤਲਾਕ ਨੂੰ ਲੈ ਕੇ ਲਗਾਤਾਰ ਸੁਰਖੀਆਂ 'ਚ ਹਨ। ਕਈ ਵਾਰ ਦੋਵੇਂ ਇਕ-ਦੂਜੇ 'ਤੇ ਖੁੱਲ੍ਹ ਕੇ ਬਿਆਨਬਾਜ਼ੀ ਕਰਦੇ ਹਨ। ਦੱਸ ਦਈਏ ਕੁਝ ਦਿਨ ਪਹਿਲਾਂ ਹੀ ਚਾਰੂ ਨੇ ਪੋਸਟ ਪਾ ਕੇ ਦੱਸਿਆ ਸੀ ਕਿ ਉਨ੍ਹਾਂ ਦੀ ਧੀ ਕਾਫੀ ਜ਼ਿਆਦਾ ਬਿਮਾਰ ਹੋ ਗਈ ਸੀ। ਉਹ ਉਸ ਸਮੇਂ ਇਕੱਲੀ ਸੀ ਤੇ ਉਹ ਰਾਤ ਦੇ ਢਾਈ ਵੱਜੇ ਹੀ ਹਸਪਤਾਲ ਆਪਣੀ ਧੀ ਨੂੰ ਲੈ ਕੇ ਪਹੁੰਚੀ ਸੀ।
Image Source: Instagram
ਚਾਰੂ ਅਸੋਪਾ ਨੇ ਬੇਟੀ ਜ਼ਿਆਨਾ ਬਾਰੇ ਦੱਸਦਿਆਂ ਕਿ ਧੀ Ziana ਨੂੰ ਹੱਥਾਂ, ਪੈਰਾਂ ਅਤੇ ਮੂੰਹ ਦੀ ਬਿਮਾਰੀ (HFMD) ਹੈ। ਉਸ ਨੇ ਆਪਣੀ ਵੀਡੀਓ ਵਿੱਚ ਇਹ ਵੀ ਦੱਸਿਆ ਕਿ ਜ਼ਿਆਨਾ ਨੂੰ ਲੱਗੀ ਬਿਮਾਰੀ ਕਾਰਨ ਲੜਕੀ ਦੇ ਹੱਥਾਂ, ਪੈਰਾਂ, ਚਿਹਰੇ ਅਤੇ ਮੂੰਹ ਵਿੱਚ ਛਾਲੇ ਹੋ ਜਾਂਦੇ ਹਨ, ਜਿਸ ਕਾਰਨ ਉਹ ਕੁਝ ਵੀ ਖਾਣ ਤੋਂ ਅਸਮਰੱਥ ਹੈ।
ਇਸ ਸਭ ਦੇ ਵਿਚਕਾਰ, ਚਾਰੂ ਅਸੋਪਾ ਲਗਾਤਾਰ ਆਪਣਾ ਅਤੇ ਆਪਣੀ ਬੇਟੀ ਦਾ ਖਿਆਲ ਰੱਖਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਦੱਸ ਦਈਏ ਰਾਜੀਵ ਸੇਨ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਆਪਣੀ ਬੇਟੀ ਦੇ ਨਾਲ ਤਸਵੀਰਾਂ ਸ਼ੇਅਰ ਕੀਤੀਆਂ ਨੇ ਤੇ ਇੱਕ ਨਾਲ ਹੀ ਪਿਆਰਾ ਜਿਹਾ ਮੈਸੇਜ ਲਿਖਿਆ ਹੈ।
ਰਾਜੀਵ ਸੇਨ ਨੇ ਆਪਣੀ ਬੱਚੀ ਦੇ ਨਾਲ ਕੁਝ ਖ਼ਾਸ ਤਸਵੀਰਾਂ ਸ਼ੇਅਰ ਕੀਤੀਆਂ ਨੇ। ਜਿਸ ‘ਚ ਉਹ ਆਪਣੀ ਬੱਚੀ ਉੱਤੇ ਲਾਡ ਲੁਟਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਨਾਲ ਹੀ ਲਿਖਿਆ ਹੈ- ‘Daddy loves you the most’ ਨਾਲ ਹੀ ਹਾਰਟ ਵਾਲਾ ਇਮੋਜ਼ੀ ਵੀ ਪੋਸਟ ਕੀਤਾ ਹੈ। ਇਨ੍ਹਾਂ ਤਸਵੀਰਾਂ ‘ਚ ਚਾਰੂ ਕੀਤੇ ਵੀ ਨਜ਼ਰ ਨਹੀਂ ਆਈ।
ਤੁਹਾਨੂੰ ਦੱਸ ਦੇਈਏ ਕਿ ਚਾਰੂ ਆਸਪਾ ਅਤੇ ਰਾਜੀਵ ਸੇਨ ਵਿਚਕਾਰ ਵਿਵਾਦ ਵਿਆਹ ਦੇ ਕੁਝ ਦਿਨਾਂ ਬਾਅਦ ਤੋਂ ਹੀ ਚਰਚਾ ਵਿੱਚ ਆ ਗਏ ਸਨ। ਪਰ ਦੋਹਾਂ ਦੀ ਸੁਲਾਹ ਹੋ ਗਈ ਸੀ। ਪਰ ਇਸ ਵਾਰ ਮਾਮਲਾ ਤਲਾਕ ਤੱਕ ਪਹੁੰਚ ਗਿਆ ਹੈ।
View this post on Instagram