2 ਸਾਲ ਬਾਅਦ ਕੰਮ 'ਤੇ ਪਰਤੀ ਰੀਆ ਚੱਕਰਵਰਤੀ, ਵੀਡੀਓ ਪੋਸਟ ਕਰਕੇ ਲਿਖਿਆ- 'ਕਦੇ ਦਿਲ ਨਾ ਹਾਰੋ'
ਅਦਾਕਾਰਾ ਰੀਆ ਚੱਕਰਵਰਤੀ Rhea Chakraborty ਲਈ ਪਿਛਲੇ ਕੁਝ ਸਾਲ ਔਖੇ ਰਹੇ ਹਨ। ਸੁਸ਼ਾਂਤ ਸਿੰਘ ਰਾਜਪੂਤ ਮਾਮਲੇ ਨੂੰ ਲੈ ਕੇ ਉਹ ਸੋਸ਼ਲ ਮੀਡੀਆ 'ਤੇ ਯੂਜ਼ਰਸ ਦੇ ਨਿਸ਼ਾਨੇ 'ਤੇ ਸੀ ਪਰ ਹੁਣ ਰੀਆ ਫਿਰ ਤੋਂ ਆਮ ਜ਼ਿੰਦਗੀ 'ਚ ਵਾਪਸੀ ਕਰ ਰਹੀ ਹੈ। ਉਹ ਲਗਭਗ 2 ਸਾਲਾਂ ਬਾਅਦ ਕੰਮ 'ਤੇ ਵਾਪਸ ਆਈ ਹੈ। ਅਦਾਕਾਰਾ ਰੀਆ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਉਹ ਇੱਕ ਰੇਡੀਓ ਚੈਨਲ ਦੇ ਸਟੂਡੀਓ 'ਚ ਨਜ਼ਰ ਆ ਰਹੀ ਹੈ। ਉਸ ਦੇ ਹੱਥ ਵਿੱਚ ਸਕ੍ਰਿਪਟ ਹੈ ਅਤੇ ਉਹ ਆਪਣੀ ਆਵਾਜ਼ ਰਿਕਾਰਡ ਕਰ ਰਹੀ ਹੈ।
Image Source: Instagram
ਰੀਆ ਨੇ ਨਵਿਆ ਨਾਇਡੂ ਦੇ ਗੀਤ ਨੂੰ ਵੀਡੀਓ ਨਾਲ ਜੋੜਿਆ ਹੈ। ਉਸ ਨੇ ਕੈਪਸ਼ਨ 'ਚ ਲਿਖਿਆ- 'ਕੱਲ੍ਹ, ਮੈਂ 2 ਸਾਲ ਬਾਅਦ ਕੰਮ 'ਤੇ ਗਈ। ਉਹਨਾਂ ਸਾਰਿਆਂ ਦਾ ਬਹੁਤ ਬਹੁਤ ਧੰਨਵਾਦ ਜੋ ਮੇਰੇ ਔਖੇ ਸਮੇਂ ਵਿੱਚ ਮੇਰੇ ਨਾਲ ਖੜੇ ਰਹੇ। ਜੋ ਮਰਜ਼ੀ ਹੋਵੇ, ਸੂਰਜ ਹਮੇਸ਼ਾ ਚਮਕਦਾ ਹੈ। ਕਦੇ ਹਾਰ ਨਹੀਂ ਮੰਣਨੀ.'
ਰੀਆ ਦੀ ਪੋਸਟ 'ਤੇ ਉਸ ਦੀ ਕਰੀਬੀ ਦੋਸਤ ਸ਼ਿਬਾਨੀ ਦਾਂਡੇਕਰ ਨੇ ਲਿਖਿਆ- 'ਯੈੱਸ ਗਰਲ ਗੋ।' ਮੱਲਿਕਾ ਦੁਆ ਨੇ ਉਸ ਨੂੰ ਮਜ਼ਬੂਤ ਰਹਿਣ ਲਈ ਕਿਹਾ। ਪੱਤਰਲੇਖਾ ਨੇ ਦਿਲ ਦਾ ਇਮੋਸ਼ਨ ਬਣਾਇਆ ਹੈ। ਇੱਕ ਯੂਜ਼ਰ ਨੇ ਲਿਖਿਆ, ‘ਇਸ ਤਰ੍ਹਾਂ ਮਜ਼ਬੂਤ ਰਹੋ।’ ਇਸ ਤਰ੍ਹਾਂ ਕਈ ਪ੍ਰਸ਼ੰਸਕਾਂ ਨੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਦੱਸ ਦਈਏ ਰੀਆ ਚੱਕਵਰਤੀ ਆਖਰੀ ਵਾਰ ਨਿਰਦੇਸ਼ਕ ਰੂਮੀ ਜਾਫਰੀ ਦੀ ਫਿਲਮ 'ਚਿਹਰੇ' 'ਚ ਨਜ਼ਰ ਆਈ ਸੀ। ਇਸ ਦੀ ਸ਼ੂਟਿੰਗ 2019 ਵਿੱਚ ਹੋਈ ਸੀ। ਫ਼ਿਲਮ ਵਿੱਚ ਅਮਿਤਾਭ ਬੱਚਨ, ਇਮਰਾਨ ਹਾਸ਼ਮੀ, ਰਘੁਬੀਰ ਯਾਦਵ ਅਤੇ ਅਨੂੰ ਕਪੂਰ ਨੇ ਅਭਿਨੈ ਕੀਤਾ ਸੀ।
View this post on Instagram