ਫੈਨ ਨੇ ਆਪਣੇ ਵਿਆਹ ਦੇ ਕਾਰਡ 'ਤੇ ਮਜ਼ੇਦਾਰ ਤਰੀਕੇ ਨਾਲ ਛਪਵਾਇਆ ਫਿਲਮ KGF 2 ਦਾ ਡਾਇਲਾਗ, ਪੜ੍ਹੋ ਪੂਰੀ ਖ਼ਬਰ
ਸਾਊਥ ਸੁਪਰ ਸਟਾਰ ਯਸ਼ ਇੰਨ੍ਹੀਂ ਦਿਨੀਂ ਆਪਣੀ ਫ਼ਿਲਮ KGF Chapter 2 ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ। ਜਿਥੇ ਇੱਕ ਪਾਸੇ ਲੋਕ ਉਨ੍ਹਾਂ ਦੀ ਫਿਲਮ ਨੂੰ ਬਹੁਤ ਪਸੰਦ ਕਰ ਰਹੇ ਹਨ, ਉਥੇ ਹੀ ਦੂਜੇ ਪਾਸੇ ਇਸ ਫ਼ਿਲਮ ਦੇ ਡਾਇਲਾਗ ਵੀ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਅਜਿਹਾ ਹੀ ਇੱਕ ਵਿਆਹ ਵਿੱਚ ਵੀ ਵੇਖਣ ਨੂੰ ਮਿਲਿਆ, ਜਿਥੇ ਯਸ਼ ਦੇ ਇੱਕ ਫੈਨ ਨੇ ਬੇਹੱਦ ਮਜ਼ਾਕਿਆ ਅੰਦਾਜ਼ ਵਿੱਚ ਉਨ੍ਹਾਂ ਦੇ ਡਾਇਲਾਗ ਨੂੰ ਰੀਕ੍ਰੀਏਟ ਕਰਕੇ ਆਪਣੇ ਵਿਆਹ ਦੇ ਕਾਰਡ 'ਤੇ ਲਿਖਵਾ ਲਿਆ।
ਯਸ਼ ਉਰਫ ਰੌਕੀ ਭਾਈ ਦੀ ਫਿਲਮ ਦਾ ਡਾਇਲਾਗ "ਹਿੰਸਾ, ਹਿੰਸਾ, ਹਿੰਸਾ... ਮੈਨੂੰ ਇਹ ਪਸੰਦ ਨਹੀਂ। ਮੈਂ ਬਚਦਾ ਹਾਂ! ਪਰ... ਹਿੰਸਾ ਮੈਨੂੰ ਪਸੰਦ ਹੈ, ਮੈਂ ਬਚ ਨਹੀਂ ਸਕਦਾ!" ਯਸ਼-ਸਟਾਰਰ ਫਿਲਮ 'ਕੇਜੀਐਫ ਚੈਪਟਰ 2' ਦੇ 'ਰੌਕੀ ਭਾਈ' ਦਾ ਇਹ ਮਸ਼ਹੂਰ ਡਾਇਲਾਗ ਯਾਦ ਹੈ? ਜਿਨ੍ਹਾਂ ਨੇ ਫਿਲਮ ਦੇਖੀ ਹੈ ਉਹ ਇਸ ਡਾਇਲਾਗ ਨੂੰ ਬੁੜਬੁੜਾਉਂਦੇ ਰਹਿੰਦੇ ਹਨ ਪਰ ਜਿਨ੍ਹਾਂ ਨੇ ਟ੍ਰੇਲਰ ਨਹੀਂ ਦੇਖਿਆ ਹੈ, ਉਹ ਇਸ ਦੇ ਹਾਈਪ ਨੂੰ ਮਹਿਸੂਸ ਕਰ ਸਕਦੇ ਹਨ।
ਹਰ ਵਾਰ ਜਦੋਂ ਕੋਈ ਫਿਲਮ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੁੰਦੀ ਹੈ, ਫੈਨਜ਼ ਉਸ ਡਾਇਲਾਗ 'ਤੇ ਰੀਲਸ ਤੇ ਉਸ ਨੂੰ ਮੁੜ ਰੀਕ੍ਰੀਏਟ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਕੀ ਤੁਹਾਨੂੰ "ਪੁਸ਼ਪਾ, ਪੁਸ਼ਪਾ ਰਾਜ, ਮਾਈ ਝੁਕੇਗਾ ਨਹੀਂ ਸਾਲਾ"। ਅੱਲੂ ਅਰਜੁਨ ਸਟਾਰਰ ਫਿਲਮ 'ਪੁਸ਼ਪਾ: ਦ ਰਾਈਜ਼' ਦਾ ਇਹ ਡਾਇਲਾਗ ਯਾਦ ਹੈ?ਇਸ ਤੋਂ ਪ੍ਰਭਾਵਿਤ ਹੋ ਕੇ ਪੱਛਮੀ ਬੰਗਾਲ ਵਿੱਚ ਇੱਕ ਵਿਦਿਆਰਥੀ ਨੇ ਆਪਣੀ ਬੋਰਡ ਪ੍ਰੀਖਿਆ ਵਿੱਚ ਲਿਖਿਆ, "ਪੁਸ਼ਪਾ ਰਾਜ... ਅਪੁਨ ਲਿਖੇਗਾ ਨਹੀਂ..."।
ਇਸੇ ਤਰ੍ਹਾਂ ਰੌਕੀ ਭਾਈ ਦੇ ਇੱਕ ਫੈਨ ਨੇ ਆਪਣੇ ਵਿਆਹ ਦੇ ਕਾਰਡ 'ਤੇ 'ਹਿੰਸਾ' ਡਾਇਲਾਗ ਰੀਕ੍ਰਿਏਟ ਕੀਤਾ। ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ ਅਤੇ ਲੋਕਾਂ ਨੇ ਇਸ ਨੂੰ ਰੌਕੀ ਭਾਈ ਦਾ ਕ੍ਰੇਜ਼ ਕਿਹਾ ਹੈ। ਰੀਲ ਲਾਈਫ ਤੋਂ ਲੈ ਕੇ ਅਸਲ ਜ਼ਿੰਦਗੀ ਤੱਕ ਰੌਕੀ ਭਾਈ ਆਪਣਾ ਦੌਰ, ਆਪਣਾ ਸਾਮਰਾਜ ਬਣਾ ਰਿਹਾ ਹੈ।
ਚੰਦਰਸ਼ੇਕਰ ਨਾਂਅ ਦਾ ਇਹ ਵਿਅਕਤੀ 13 ਮਈ ਨੂੰ ਕਰਨਾਟਕ ਦੇ ਬੇਲੇਗਾਵੀ 'ਚ ਸ਼ਵੇਤਾ ਨਾਲ ਵਿਆਹ ਕਰਵਾਉਣ ਲਈ ਤਿਆਰ ਹੈ। ਉਸ ਨੇ ਆਪਣੇ ਵਿਆਹ ਦੇ ਕਾਰਡ 'ਤੇ ਲਿਖਿਆ, "ਵਿਆਹ, ਵਿਆਹ, ਵਿਆਹ, ਮੈਨੂੰ ਇਹ ਪਸੰਦ ਨਹੀਂ ਹੈ, ਮੈਂ ਬਚਦਾ ਹਾਂ, ਪਰ ਮੇਰੇ ਰਿਸ਼ਤੇਦਾਰ ਵਿਆਹ ਦੀ ਤਰ੍ਹਾਂ, ਮੈਂ ਬਚ ਨਹੀਂ ਸਕਦਾ।"
View this post on Instagram