‘ਸਟ੍ਰੀਟ ਡਾਂਸਰ ਥ੍ਰੀਡੀ’ ਦੇ ‘ਦੁਆ ਕਰੋ’ ਗੀਤ ਨੂੰ ਬੋਹੇਮੀਆ ਨੇ ਲਗਾਇਆ ਆਪਣੀ ਆਵਾਜ਼ ਦਾ ਤੜਕਾ, ਗਾਣਾ ਛਾਇਆ ਟਰੈਂਡਿੰਗ ‘ਚ, ਦੇਖੋ ਵੀਡੀਓ
Lajwinder kaur
January 10th 2020 03:45 PM --
Updated:
January 10th 2020 03:46 PM
ਬਾਲੀਵੁੱਡ ਦੀ ਆਉਣ ਵਾਲੀ ਫ਼ਿਲਮ ਸਟ੍ਰੀਟ ਡਾਂਸਰ ਥ੍ਰੀਡੀ ਜਿਸਦੇ ਇੱਕ ਤੋਂ ਬਾਅਦ ਇੱਕ ਗੀਤ ਬਾਕਮਾਲ ਗੀਤ ਰਿਲੀਜ਼ ਹੋ ਰਹੇ ਨੇ। ਹਾਲ ਹੀ ‘ਚ ਗੈਰੀ ਸੰਧੂ ਤੇ ਜੈਸਮੀਨ ਸੈਂਡਲਾਸ ਦੀ ਆਵਾਜ਼ ‘ਇਲੀਗਲ ਵੈਪਨ’ ਰਿਲੀਜ਼ ਹੋਇਆ ਸੀ। ਇਸ ਗੀਤ ਨੂੰ ਦਰਸ਼ਕਾਂ ਵੱਲੋਂ ਏਨਾ ਪਿਆਰ ਮਿਲ ਰਿਹਾ ਹੈ, ਜਿਸਦੇ ਚੱਲਦੇ ਗੀਤ ਨੇ ਕੁਝ ਹੀ ਦਿਨਾਂ ‘ਚ 41 ਮਿਲੀਅਨ ਦੇ ਅੰਕੜੇ ਨੂੰ ਪਾਰ ਕਰ ਲਿਆ ਹੈ। ਇਸ ਗੀਤ ਦੀ ਸਫਲਤਾ ਤੋਂ ਬਾਅਦ ਇੱਕ ਹੋਰ ਨਵਾਂ ਗੀਤ ਦਰਸ਼ਕਾਂ ਦੀ ਝੋਲੀ ਪੈ ਚੁੱਕਿਆ ਹੈ। ਜੀ ਹਾਂ ਸਟ੍ਰੀਟ ਡਾਂਸਰ 3D ਦਾ ਸੈਡ ਸੌਂਗ ਰਿਲੀਜ਼ ਹੋਇਆ ਹੈ। ਦੁਆ ਕਰੋ ਗਾਣੇ ਨੂੰ ਅਰਿਜੀਤ ਨੇ ਆਪਣੀ ਦਰਦ ਭਰੀ ਆਵਾਜ਼ ਦੇ ਨਾਲ ਗਾਇਆ ਹੈ। ਇਸ ਤੋਂ ਇਲਾਵਾ ਗਾਣੇ 'ਚ ਫੇਮਸ ਪੰਜਾਬੀ ਰੈਪਰ ਬੋਹੇਮੀਆ ਆਪਣੇ ਰੈਪ ਦਾ ਤੜਕਾ ਲਗਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ। ਗੀਤ ‘ਚ ਹਿੰਦੀ ਗਾਇਕ ਸਚਿਨ ਤੇ ਜਿਗਰ ਨੇ ਆਪਣੀ ਆਵਾਜ਼ ਦਿੱਤੀ ਹੈ।