ਸੁਨੀਲ ਗਾਵਸਕਰ ਦੀ ਫਾਊਂਡੇਸ਼ਨ ਨੇ ਹਾਕੀ ਓਲੰਪੀਅਨ ਮਹਿੰਦਰ ਪਾਲ ਸਿੰਘ ਦੀ ਕੀਤੀ ਮਦਦ, ਕਈ ਦਿਨਾਂ ਤੋਂ ਹਨ ਹਸਪਤਾਲ ’ਚ ਦਾਖਲ

ਸੁਨੀਲ ਗਾਵਸਕਰ ਦੀ ਚੈਂਪਸ ਫਾਊਂਡੇਸ਼ਨ ਨੇ ਹਾਕੀ ਓਲੰਪੀਅਨ ਮਹਿੰਦਰ ਪਾਲ ਸਿੰਘ ਦੀ ਆਰਥਿਕ ਮਦਦ ਕੀਤੀ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਮਹਿੰਦਰ ਪਾਲ ਸਿੰਘ ਕੁਝ ਸਮੇਂ ਤੋਂ ਬਿਮਾਰ ਚੱਲ ਰਹੇ ਹਨ। ਐੱਮਪੀ ਸਿੰਘ ਦੇ ਨਾਂ ਨਾਲ ਮਸ਼ਹੂਰ 58 ਸਾਲਾ ਮਹਿੰਦਰ ਪਾਲ ਸਿੰਘ ਕਿਡਨੀ ਦੀ ਬਿਮਾਰੀ ਨਾਲ ਪੀੜਤ ਹਨ ਤੇ ਉਹ ਡਾਈਲਿਸਿਸ 'ਤੇ ਹਨ ਤੇ ਟ੍ਰਾਂਸਪਲਾਂਟ ਲਈ ਡੋਨਰ ਦੀ ਉਡੀਕ ਕਰ ਰਹੇ ਹਨ।

ਹੋਰ ਪੜ੍ਹੋ:

ਵਰਲਡ ਟੈਲੀਵਿਜ਼ਨ ਡੇਅ ’ਤੇ ਜਾਣੋਂ ਟੈਲੀਵਿਜ਼ਨ ਦਾ ਇਤਿਹਾਸ ਤੇ ਹੋਰ ਦਿਲਚਸਪ ਗੱਲਾਂ

ਅੱਜ ਹੈ ਹੇਲੇਨ ਦਾ ਜਨਮ ਦਿਨ, ਇਸ ਤਰ੍ਹਾਂ ਸ਼ੁਰੂ ਹੋਈ ਸੀ ਸਲੀਮ ਖ਼ਾਨ ਤੇ ਹੇਲੇਨ ਦੀ ਪ੍ਰੇਮ ਕਹਾਣੀ

ਜਦ ਗਾਵਸਕਰ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਚੈਂਪਸ ਫਾਊਂਡੇਸ਼ਨ ਬਾਰੇ ਕਿਹਾ ਕਿ ਮੈਂ ਮੀਡੀਆ ਵਿਚ ਪੜ੍ਹਦਾ ਰਹਿੰਦਾ ਹਾਂ ਕਿ ਸਾਬਕਾ ਓਲੰਪੀਅਨ ਅਤੇ ਅੰਤਰਰਾਸ਼ਟਰੀ ਮੈਡਲ ਹਾਸਿਲ ਖਿਡਾਰੀ ਬਾਅਦ ਵਿਚ ਕਿੰਨੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਦੇ ਹਨ। ਐੱਮਪੀ ਸਿੰਘ ਦੀ ਸਿਹਤ ਦੀ ਸੂਚਨਾ ਵੀ ਮੈਨੂੰ ਪ੍ਰਿੰਟ ਮੀਡੀਆ ਤੋਂ ਮਿਲੀ। ਐੱਮਪੀ ਸਿੰਘ ਉਸ ਭਾਰਤੀ ਹਾਕੀ ਟੀਮ ਦਾ ਹਿੱਸਾ ਸਨ ਜਿਸ ਨੇ 1988 ਓਲੰਪਿਕ ਵਿਚ ਹਿੱਸਾ ਲਿਆ ਸੀ।

ਉਹ ਮੁਹੰਮਦ ਸ਼ਾਹਿਦ, ਐੱਮਐੱਮ ਸੋਮਾਇਆ, ਜੂਡ ਫੈਲਿਕਸ, ਪਰਗਟ ਸਿੰਘ ਦੇ ਨਾਲ ਖੇਡ ਚੁੱਕੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਹੁਣ ਤਕ ਇਸ ਫਾਊਂਡੇਸ਼ਨ ਨੇ 21 ਸਾਬਕਾ ਖਿਡਾਰੀਆਂ ਦੀ ਮਦਦ ਕੀਤੀ ਹੈ ਜਿਸ ਵਿਚ ਮਹੀਨਾਵਾਰ ਸਹਾਇਤਾ ਤੋਂ ਇਲਾਵਾ ਉਨ੍ਹਾਂ ਦੇ ਡਾਕਟਰੀ ਖ਼ਰਚਿਆਂ ਸਬੰਧੀ ਮਦਦ ਕਰਨਾ ਸ਼ਾਮਲ ਹੈ। ਜਿਕਰਯੋਗ ਹੈ ਕਿ ਸੁਨੀਲ ਦੀ ਇਹ ਸੰਸਥਾ ਦੋ ਦਹਾਕੇ ਤੋਂ ਜ਼ਿਆਦਾ ਸਮੇਂ ਤੋਂ ਉਨ੍ਹਾਂ ਖਿਡਾਰੀਆਂ ਦੀ ਮਦਦ ਕਰ ਰਹੀ ਹੈ ਜੋ ਵਿੱਤੀ ਸਮੱਸਿਆਵਾਂ ਨਾਲ ਜੂਝ ਰਹੇ ਹੁੰਦੇ ਹਨ।