ਤਾਪਸੀ ਪੰਨੂ ਦੀ ਫ਼ਿਲਮ ਮਿਸ਼ਨ ਇਮਪੌਸੀਬਲ ਦਾ ਟ੍ਰੇਲਰ ਹੋਇਆ ਰਿਲੀਜ਼, ਦਰਸ਼ਕਾਂ ਨੂੰ ਆ ਰਿਹਾ ਹੈ ਪਸੰਦ
ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰ ਤਾਪਸੀ ਪੰਨੂ (Taapsee Pannu) ਆਪਣੀ ਦਮਦਾਰ ਐਕਟਿੰਗ ਦੇ ਲਈ ਜਾਣੀ ਜਾਂਦੀ ਹੈ। ਹੁਣ ਤਾਪਸੀ ਆਪਣੀ ਨਵੀਂ ਫ਼ਿਲਮ ਮਿਸ਼ਨ ਇਮਪੌਸੀਬਲ ਨੂੰ ਲੈ ਕੇ ਕੰਮ ਕਰ ਰਹੀ ਹੈ। ਇਸ ਫ਼ਿਲਮ ਵਿੱਚ ਤਾਪਸੀ ਪਹਿਲੀ ਵਾਰ ਬੱਚਿਆਂ ਨਾਲ ਕੰਮ ਕਰਦੀ ਹੋਈ ਨਜ਼ਰ ਆਵੇਗੀ। ਇਸ ਫ਼ਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਚੁੱਕਾ ਹੈ ਤੇ ਦਰਸ਼ਕ ਇਸ ਨੂੰ ਬਹੁਤ ਪਸੰਦ ਕਰ ਰਹੇ ਹਨ।
ਤਾਪਸੀ ਪੰਨੂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਵੀ ਇਸ ਫ਼ਿਲਮ ਦੇ ਟ੍ਰੇਲਰ ਨੂੰ ਪੋਸਟ ਕੀਤਾ ਹੈ। ਇਸ ਫ਼ਿਲਮ ਦੇ ਟ੍ਰੇਲਰ ਨੂੰ ਤਾਪਸੀ ਤੋਂ ਇਲਾਵਾ ਸਾਊਥ ਸੁਪਰ ਸਟਾਰ ਮਹੇਸ਼ ਬਾਬੂ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕੀਤਾ ਹੈ, ਉਨ੍ਹਾਂ ਨੇ ਦਰਸ਼ਕਾਂ ਨੂੰ ਬੱਚਿਆਂ ਨੂੰ ਇਹ ਫ਼ਿਲਮ ਵਿਖਾਏ ਜਾਣ ਦੀ ਅਪੀਲ ਕੀਤੀ ਹੈ।
ਇਸ ਫ਼ਿਲਮ ਦੀ ਕਹਾਣੀ ਤਿੰਨ ਨਿਡਰ ਤੇ ਹਿੰਮਤੀ ਬੱਚਿਆਂ ਉੱਤੇ ਅਧਾਰਿਤ ਹੈ। ਇਸ ਟ੍ਰੇਲਰ ਵਿੱਚ ਫ਼ਿਲਮ ਦੇ ਦਿਲਚਸਪ ਪਹਿਲੂਆਂ ਨੂੰ ਦਰਸਾਇਆ ਗਿਆ ਹੈ। ਤਿੰਨ ਦਲੇਰ ਬੱਚੇ ਅੰਡਰਵਰਲਡ ਡਾਨ ਦਾਊਦ ਇਬਰਾਹਿਮ ਨੂੰ ਫੜਨ ਲਈ ਆਪਣੀ ਯਾਤਰਾ ਸ਼ੁਰੂ ਕਰਦੇ ਹਨ। ਇਨ੍ਹਾਂ ਹਾਲਾਤਾਂ ਵਿੱਚ ਉਨ੍ਹਾਂ ਨੂੰ ਕਈ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
'ਮਿਸ਼ਾਨ ਇੰਪੌਸੀਬਲ' ਦੇ ਟ੍ਰੇਲਰ 'ਚ ਕਾਮੇਡੀ ਅਹਿਮ ਹਿੱਸਾ ਹੈ। ਤਿੰਨੇ ਬੱਚੇ ਆਪਣੇ ਆਪ ਨੂੰ 'ਰਘੁਪਤੀ, ਰਾਘਵ ਅਤੇ ਰਾਜਾ ਰਾਮ' ਵਜੋਂ ਪੇਸ਼ ਕਰਦੇ ਹਨ। ਤਾਪਸੀ, ਜਿਸ ਨੂੰ ਬੱਚਿਆਂ ਦੀ ਸਲਾਹਕਾਰ ਮੰਨਿਆ ਜਾ ਸਕਦਾ ਹੈ, ਇੱਕ ਮੁੱਖ ਭੂਮਿਕਾ ਵਿੱਚ ਦਿਖਾਈ ਦੇ ਰਹੀ ਹੈ।
ਹੋਰ ਪੜ੍ਹੋ : ਤਾਪਸੀ ਪੰਨੂ ਸਰਵੋਤਮ ਅਦਾਕਾਰਾ ਦੀ ਸੂਚੀ ‘ਚ ਸ਼ਾਮਿਲ, ਅਦਾਕਾਰਾ ਨੇ ਸਾਂਝੀ ਕੀਤੀ ਜਾਣਕਾਰੀ
ਕੁਝ ਦ੍ਰਿਸ਼ਾਂ ਵਿੱਚ, ਤਾਪਸੀ ਨੂੰ ਟੁੱਟੀ ਹੋਈ ਬਾਂਹ ਨਾਲ ਦੇਖਿਆ ਜਾ ਸਕਦਾ ਹੈ। ਕਿਉਂਕਿ ਉਹ ਇਸ ਮਾਮਲੇ ਵਿਚ ਡੂੰਘਾਈ ਨਾਲ ਉਲਝ ਜਾਂਦੀ ਹੈ। ਸ਼ਾਨਦਾਰ ਮੋੜਾਂ ਦੇ ਨਾਲ, ਟ੍ਰੇਲਰ ਦਿਲਚਸਪ ਹੋਣ ਦੇ ਨਾਲ-ਨਾਲ ਮਨੋਰੰਜਕ ਵੀ ਹੈ। ਇਹ ਇੱਕ ਕਾਮੇਡੀ ਡਰਾਮਾ ਵਾਂਗ ਸਟੋਰੀ ਹੈ।
ਮੈਟੀਨੀ ਐਂਟਰਟੇਨਮੈਂਟ ਵੱਲੋਂ ਨਿਰਮਿਤ, ਫ਼ਿਲਮ ਵਿੱਚ ਤਾਪਸੀ ਪੰਨੂ ਤੋਂ ਇਲਾਵਾ ਹਰਸ਼ ਰੋਸ਼ਨ, ਭਾਨੂ ਪ੍ਰਕਾਸ਼ਨ, ਜੈਤੀਰਥ ਮੋਲੁਗੂ, ਸੁਹਾਸ, ਸੰਦੀਪ ਰਾਜ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਹ ਫ਼ਿਲਮ 1 ਅਪ੍ਰੈਲ ਨੂੰ ਸਿਨੇਮਾ ਘਰਾਂ ਵਿੱਚ ਰਿਲੀਜ਼ ਹੋਵੇਗੀ।