ਟੋਕੀਓ ਓਲੰਪਿਕਸ: ਬਦਲ ਸਕਦਾ ਹੈ ਮੀਰਾਬਾਈ ਚਾਨੂ ਦਾ ਚਾਂਦੀ ਦਾ ਮੈਡਲ ਸੋਨੇ ਦੇ ਤਮਗੇ ‘ਚ !
ਟੋਕੀਓ ਓਲੰਪਿਕਸ ਵਿੱਚ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਭਾਰਤ ਲਈ ਜੇਤੂ ਸ਼ੁਰੂਆਤ ਕੀਤੀ ਅਤੇ ਪਹਿਲਾ ਤਮਗਾ ਦੇਸ਼ ਦੀ ਝੋਲੀ ਪਾਇਆ। ਵੇਟਲਿਫਟਿੰਗ ‘ਚ ਚਾਨੂ ਨੇ ਸਿਲਵਰ ਮੈਡਲ ਹਾਸਿਲ ਕੀਤਾ। ਭਾਰਤ ਦਾ ਨਾਂਅ ਰੌਸ਼ਨ ਕਰਨ ਵਾਲੀ ਵੇਟਲਿਫਟਰ ਮੀਰਾਬਾਈ ਚਾਨੂ ਨੂੰ ਪੂਰੇ ਦੇਸ਼ ਨੇ ਵਧਾਈਆਂ ਦਿੱਤੀਆਂ। ਪਰ ਵਧਾਈਆਂ ਦਾ ਸਿਲਸਿਲਾ ਇੱਕ ਵਾਰ ਫਿਰ ਤੋਂ ਸ਼ੁਰੂ ਹੋ ਸਕਦਾ ਹੈ ਜੇ ਮੀਰਾਬਾਈ ਚਾਨੂ ਹੀ ਗੋਲਡ ਮੈਡਲ ਲੈ ਆਵੇ।
image source- instagram
image source- instagram
ਦੱਸ ਦਈਏ ਕਿ ਓਲੰਪਿਕ ਦੇ ਵੇਟਲਿਫਟਿੰਗ ਈਵੈਂਟ ਦੇ 49 ਕਿਲੋਗ੍ਰਾਮ ਭਾਰ ਵਰਗ ‘ਚ ਭਾਰਤ ਦੀ ਮੀਰਾਬਾਈ ਚਾਨੂ ਨੇ ਸਿਲਵਰ ਮੈਡਲ ਜਿੱਤ ਕੇ ਇਤਿਹਾਸ ਰਚਿਆ ਪਰ ਉਨ੍ਹਾਂ ਦਾ ਇਹ ਚਾਂਦੀ ਦਾ ਤਮਗਾ ਹੁਣ ਗੋਲਡ ਮੈਡਲ ਭਾਵ ਸੋਨ ਤਮਗੇ ਵਿੱਚ ਵੀ ਬਦਲ ਸਕਦਾ ਹੈ।
image source- instagram
ਓਲੰਪਿਕ ਪ੍ਰਬੰਧਕਾਂ ਵਲੋਂ ਚੀਨ ਦੀ ਹੋਊ ਜਿਹੁਈ ਨੂੰ ਹਿਦਾਇਤ ਕੀਤੀ ਗਈ ਹੈ ਕਿ ਉਹ ਡੋਪ ਟੈਸਟ ਦੁਬਾਰਾ ਕਰਵਾਏ। ਜੇ ਚੀਨ ਦੀ ਖਿਡਾਰੀ ਡੋਪ ਟੈਸਟ ‘ਚ ਅਸਫਲ ਰਹਿੰਦੀ ਹੈ ਤਾਂ ਭਾਰਤ ਦੀ ਮੀਰਾਬਾਈ ਚਾਨੂ ਨੂੰ ਸੋਨੇ ਦੇ ਤਮਗੇ ਦੇ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।