ਵਿਆਹ ਦੇ ਨੇੜੇ ਆਉਣ ਦੇ ਨਾਲ ਵਿੱਕੀ ਕੌਸ਼ਲ ਲੈ ਰਹੇ ਨੇ ਪੰਜਾਬੀ ਰੋਮਾਂਟਿਕ ਗੀਤਾਂ ਦਾ ਅਨੰਦ, ਐਕਟਰ ਦੀ ਕਾਰ ‘ਚ ਚੱਲ ਰਿਹਾ ਹੈ ਦਿਲਜੀਤ ਦੋਸਾਂਝ ਦਾ ‘CHAMPAGNE’ ਗੀਤ, ਦੇਖੋ ਵੀਡੀਓ
ਬਾਲੀਵੁੱਡ ਐਕਟਰ ਵਿੱਕੀ ਕੌਸ਼ਲ vicky kaushal ਜੋ ਕਿ ਆਪਣੇ ਵਿਆਹ ਨੂੰ ਲੈ ਕੇ ਖੂਬ ਸੁਰਖੀਆਂ ਵਟੋਰ ਰਹੇ ਨੇ। ਜੀ ਹਾਂ ਸੋਸ਼ਲ ਮੀਡੀਆ ਉੱਤੇ ਵਿੱਕੀ ਕੌਸ਼ਲ ਤੇ ਕੈਟਰੀਨਾ ਕੈਫ ਦੇ ਵਿਆਹ ਦੀਆਂ ਖਬਰਾਂ ਚਰਚਾ ‘ਚ ਚੱਲ ਰਹੀਆਂ ਹਨ। ਦੱਸ ਦਈਏ ਕਿ ਬੀਤੇ ਕੁਝ ਮਹੀਨਿਆਂ ਤੋਂ ਦੋਵੇਂ ਸੁਰਖੀਆਂ ‘ਚ ਬਣੇ ਹੋਏ ਹਨ ਅਤੇਪਹਿਲਾਂ ਦੋਵਾਂ ਦੇ ਰੋਕੇ ਦੀਆਂ ਖ਼ਬਰਾਂ ਵਾਇਰਲ ਹੋਈਆਂ ਸਨ । ਪਰ ਅਜੇ ਤੱਕ ਦੋਵਾਂ ਨੇ ਕੋਈ ਵੀ ਆਫੀਸ਼ੀਅਲ ਤੌਰ ‘ਤੇ ਇਸ ਬਾਰੇ ਖੁਲਾਸਾ ਨਹੀਂ ਕੀਤਾ ਹੈ। ਖਬਰਾਂ ਮੁਤਾਬਕ ਦੋਵਾਂ ਦਾ ਵਿਆਹ ਅਗਲੇ ਮਹੀਨੇ ਰਾਜਸਥਾਨ ‘ਚ ਹੋਵੇਗਾ । ਦੱਸਿਆ ਜਾ ਰਿਹਾ ਹੈ ਕਿ ਕੈਟਰੀਨਾ ਨੇ ਵਿਆਹ ਦੀਆਂ ਤਿਆਰੀਆਂ ਦੇ ਮੱਦੇਨਜ਼ਰ ਕੰਮ ਤੋਂ ਬ੍ਰੇਕ ਲਿਆ ਹੈ । ਅਜਿਹੇ ‘ਚ ਵਿੱਕੀ ਕੌਸ਼ਲ ਦਾ ਇੱਕ ਨਵਾਂ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਿਹਾ ਹੈ।
ਜੀ ਹਾਂ ਵਿੱਕੀ ਕੌਸ਼ਲ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ Diljit Dosanjh ਦੇ ਗੀਤ ਸ਼ੈਪੀਅਨ ਦਾ ਲੁਤਫ ਲੈਂਦੇ ਹੋਏ ਨਜ਼ਰ ਆ ਰਹੇ ਹਨ। ਉਹ ਆਪਣੀ ਕਾਰ ਚ ਬੈਠੇ ਹੋਏ ਨੇ ਤੇ ਦਿਲਜੀਤ ਦੇ ਗੀਤ ਨੂੰ ਸੁਣਦੇ ਹੋਏ ਨਾਲ ਨਾਲ ਗਾ ਵੀ ਰਹੇ ਨੇ। ਇਸ ਵੀਡੀਓ ਨੂੰ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਦੀ ਸਟੋਰੀ ਵਿੱਚ ਪੋਸਟ ਕੀਤਾ ਹੈ। ਵੀਡੀਓ ਉੱਤੇ ਉਨ੍ਹਾਂ ਨੇ ਲਿਖਿਆ ਹੋਇਆ ‘Mood dd’ । ਇਹ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਇਹ ਵੀਡੀਓ ਦਿਲਜੀਤ ਦੋਸਾਂਝ ਦੇ ਫੈਨ ਪੇਜ਼ (diljit.dosanjh.fan.page) ਨੇ ਵੀ ਪੋਸਟ ਕੀਤਾ ਹੈ।
ਹਾਲ ਹੀ ‘ਚ ਉਹ Shoojit Sircar ਵੱਲੋਂ ਬਣਾਈ ਗਈ ਫ਼ਿਲਮ ‘ਸਰਦਾਰ ਉਧਮ’ ‘ਚ ਨਜ਼ਰ ਆਏ ਸੀ। ਇਸ ਫ਼ਿਲਮ ‘ਚ ਉਨ੍ਹਾਂ ਵੱਲੋਂ ਨਿਭਾਏ ਸ਼ਹੀਦ ਉਧਮ ਸਿੰਘ ਦੇ ਕਿਰਦਾਰ ਦੀ ਹਰ ਇੱਕ ਨੇ ਤਾਰੀਫ ਕੀਤੀ । ਬਹੁਤ ਜਲਦ ਉਹ ਕਈ ਹੋਰ ਫ਼ਿਲਮਾਂ ‘ਚ ਅਦਾਕਾਰੀ ਕਰਦੇ ਹੋਏ ਨਜ਼ਰ ਆਉਣਗੇ।
View this post on Instagram