Dharmendra: ਧਰਮਿੰਦਰ ਪਿੰਡ ਦੇ ਫਾਰਮ ਹਾਊਸ 'ਤੇ ਬਤੀਤ ਕਰ ਰਹੇ ਨੇ ਸਮਾਂ, ਅਦਾਕਾਰ ਨੇ ਨਵੀਂ ਵੀਡੀਓ ਕੀਤੀ ਸਾਂਝੀ

Dharmendra Lates Pics: ਬਾਲੀਵੁੱਡ ਦੇ ਦਿੱਗਜ਼ ਅਦਾਕਾਰ ਧਰਮਿੰਦਰ ਇੰਨ੍ਹੀਂ ਦਿਨੀਂ ਆਪਣੀ ਫ਼ਿਲਮ ਰੌਕੀ ਤੇ ਰਾਨੀ ਕੀ ਪ੍ਰੇਮ ਕਹਾਣੀ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਸ਼ਬਾਨਾ ਆਜ਼ਮੀ ਨਾਲ ਕਿਸਿੰਗ ਸੀਨ ਦੇ ਵਿਵਾਦਾਂ ਵਿਚਾਲੇ ਧਰਮਿੰਦਰ ਨੇ ਹੁਣ ਨਵੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। 

ਦੱਸ ਦਈਏ ਕਿ ਧਰਮਿੰਦਰ ਫ਼ਿਲਮਾਂ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਸੋਸ਼ਲ ਮੀਡੀਆ 'ਤੇ ਪੋਸਟ ਸਾਂਝੀ ਕਰਕੇ ਆਪਣੀ ਜ਼ਿੰਦਗੀ ਨਾਲ ਜੁੜੇ ਹਰ ਅਪਡੇਟ ਫੈਨਜ਼ ਨਾਲ ਸ਼ੇਅਰ ਕਰਦੇ ਹਨ। ਹਾਲ ਹੀ 'ਚ ਧਰਮਿੰਦਰ ਨੇ ਆਪਣੇ ਫਾਰਮ ਹਾਊਸ ਤੋਂ ਆਪਣੀਆਂ ਨਵੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। 

pic.twitter.com/uQOEYuV5MD Friends. Best way to enjoy ……A Pur skoon Life ☘️☘️☘️☘️☘️🙏.

— Dharmendra Deol (@aapkadharam) August 5, 2023

ਹਾਲ ਹੀ 'ਚ ਧਰਮਿੰਦਰ ਨੇ ਪਿੰਡ 'ਚ ਸਾਦਾ ਜੀਵਨ ਬਤੀਤ ਕਰਦੇ ਹੋਏ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਜਿਸ ਵਿੱਚ ਉਹ ਪਿੰਡ ਵਿੱਚ ਮੰਜੇ ’ਤੇ ਬੈਠੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਧਰਮਿੰਦਰ ਕਹਿ ਰਹੇ ਨੇ, 'ਹੈਲੋ ਦੋਸਤੋ... ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਸਾਡਾ ਧਰਮਿੰਦਰ ਕੀ ਕਰ ਰਿਹਾ ਹੈ... ਇਹ ਸਭ ਕੀ ਹੈ... ਇਹ ਮੇਥੀ ਹੈ, ਇਸ ਨੂੰ ਤੋੜਕੇ ਸੁਖਾਇਆ ਹੈ, ਹੁਣ ਇਸ ਨੂੰ ਪਰਾਂਠੇ ਵਿੱਚ ਪਾ ਕੇ ਪਰਾਂਠੇ ਬਣਾਏ ਜਾਣਗੇ ਅਤੇ ਮੱਖਣ ਨਾਲ ਖਾਵਾਂਗੇ। ਮੈਂ ਪਿੰਡ ਵਾਲਿਆਂ ਦੀ ਜ਼ਿੰਦਗੀ ਜੀ ਰਿਹਾ ਹਾਂ। ਇਹ ਮੇਰਾ ਮੰਜ਼ਾ ਹੈ। ਇਹ ਵਧੀਆ ਲੱਗ ਰਿਹਾ ਹੈ। ਪਤਾ ਨਹੀਂ ਕਿਉਂ ਮੈਨੂੰ ਇਹ ਸਭ ਕੁਝ ਤੁਹਾਡੇ ਨਾਲ ਸਾਂਝਾ ਕਰਨਾ ਚੰਗਾ ਲੱਗਦਾ ਹੈ.."

ਧਰਮਿੰਦਰ ਨੇ ਇਸ ਵੀਡੀਓ ਦੇ ਨਾਲ ਕੈਪਸ਼ਨ ਲਿਖਿਆ, 'ਦੋਸਤੋ, ਆਨੰਦ ਲੈਣ ਦਾ ਸਭ ਤੋਂ ਵਧੀਆ ਤਰੀਕਾ...... ਪੂਰੀ ਤਰ੍ਹਾਂ ਨਾਲ ਅਰਾਮਦਾਇਕ ਜ਼ਿੰਦਗੀ। ਵੀਡੀਓ 'ਚ ਧਰਮਿੰਦਰ ਬੇਹੱਦ ਸਾਧਾਰਨ ਲੁੱਕ 'ਚ ਨਜ਼ਰ ਆ ਰਹੇ ਹਨ। ਇਸਦੇ ਨਾਲ ਹੀ ਉਨ੍ਹਾਂ ਦੇ ਹੱਥਾਂ ਵਿੱਚ ਇੱਕ ਪਲੇਟ ਹੈ ਜਿਸ ਵਿੱਚ ਮੇਥੀ ਨਜ਼ਰ ਆ ਰਹੀ ਹੈ।

Press ke rubaru….. kuchh yaadein taaza karte huye. A loving function 🙏 pic.twitter.com/7TFyqXvCsZ

— Dharmendra Deol (@aapkadharam) August 6, 2023

ਹੋਰ ਪੜ੍ਹੋ: Bipasha Basu: ਬਿਪਾਸ਼ਾ ਬਾਸੂ ਦੀ ਧੀ ਦੇ ਦਿਲ ‘ਚ ਸੀ ਦੋ ਛੇਦ, ਅਦਾਕਾਰਾ ਨੇ ਵੀਡੀਓ ਸਾਂਝੀ ਕਰ ਬਿਆਨ ਕੀਤਾ ਦਰਦ ਕਿੰਝ ਤਿੰਨ ਮਹੀਨਿਆਂ ਦੀ ਦੇਵੀ ਨੇ ਲੜੀ ਜ਼ਿੰਦਗੀ ਦੀ ਲੜਾਈ 

ਧਰਮਿੰਦਰ, ਸ਼ਬਾਨਾ ਆਜ਼ਮੀ, ਰਣਵੀਰ ਸਿੰਘ, ਆਲੀਆ ਭੱਟ ਸਟਾਰਰ ਇਸ ਫਿਲਮ ਨੇ 9 ਦਿਨਾਂ 'ਚ 90 ਕਰੋੜ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਇਸ ਫਿਲਮ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਿਆਰ ਮਿਲ ਰਿਹਾ ਹੈ। ਇਸ ਨਾਲ ਇਹ ਫਿਲਮ ਪਹਿਲੇ ਹਫਤੇ 'ਚ ਦੁਨੀਆ ਭਰ 'ਚ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ ਬਣ ਗਈ ਹੈ।

- PTC PUNJABI