Sharda Rajan:ਪ੍ਰਸਿੱਧ ਬਾਲੀਵੁੱਡ ਗਾਇਕਾ ਸ਼ਾਰਦਾ ਰਾਜਨ ਦਾ ਹੋਇਆ ਦਿਹਾਂਤ, 86 ਦੀ ਉਮਰ 'ਚ ਲਏ ਆਖ਼ਰੀ ਸਾਹ

Sharda Rajan Death News : ਫ਼ਿਲਮ ਇੰਡਸਟਰੀ ਦੀ ਮਸ਼ਹੂਰ ਗਾਇਕਾ ਸ਼ਾਰਦਾ ਰਾਜਨ 86 ਸਾਲ ਦੀ ਉਮਰ 'ਚ ਇਸ ਦੁਨੀਆ ਨੂੰ ਸਦਾ ਲਈ ਅਲਵਿਦਾ ਕਹਿ ਗਈ। ਸ਼ਾਰਦਾ ਰਾਜਨ ਫ਼ਿਲਮ ਸੂਰਜ ਦੇ ਗੀਤ 'ਤਿਤਲੀ ਉੜੀ' ਲਈ ਮਸ਼ਹੂਰ ਹੋਈ ਸੀ। ਸ਼ਾਰਦਾ ਦੀ ਬਾਲ ਜਿਹੀ ਆਵਾਜ਼ ਨੇ ਉਨ੍ਹਾਂ ਸਮਿਆਂ ਵਿੱਚ ਇੱਕ ਨਵਾਂ ਬਦਲਾਅ ਲਿਆਂਦਾ ਸੀ।

ਫ਼ਿਲਮ ਇੰਡਸਟਰੀ ਦੀ ਮਸ਼ਹੂਰ ਗਾਇਕਾ ਸ਼ਾਰਦਾ ਰਾਜਨ ਆਇੰਗਰ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਦਰਅਸਲ, ਗਾਇਕਾ ਦੀ ਅੱਜ ਯਾਨੀ 14 ਜੂਨ ਨੂੰ ਮੌਤ ਹੋ ਗਈ ਹੈ।

End of an Era ....Playback singer Sarda Sharda Rajan Ji is no more with us 💔 May her soul rest in peace 🙏#RIP #sardarajan #singer pic.twitter.com/wlavKGYLzn

— shanoli sen (@ShanoliSen) June 14, 2023

ਸ਼ਾਰਦਾ 86 ਸਾਲ ਦੀ ਉਮਰ ਵਿੱਚ ਇਸ ਦੁਨੀਆਂ ਨੂੰ ਸਦਾ ਲਈ ਅਲਵਿਦਾ ਕਹਿ ਗਈ। ਫਿਲਮ ਸੂਰਜ ਦਾ ਗੀਤ 'ਤਿਤਲੀ ਉੜੀ' ਬਹੁਤ ਮਸ਼ਹੂਰ ਹੋਇਆ ਸੀ ਅਤੇ ਉਹ ਅੱਜ ਵੀ ਉਸ ਗੀਤ ਲਈ ਜਾਣੀ ਜਾਂਦੀ ਹੈ। ਸ਼ਾਰਦਾ ਦੀ ਬੱਚਿਆ ਵਰਗੀ ਆਵਾਜ਼ ਨੇ ਉਨ੍ਹਾਂ ਸਮਿਆਂ ਵਿੱਚ ਤਬਦੀਲੀ ਲਿਆਂਦੀ ਸੀ। ਲੋਕਾਂ ਨੂੰ ਉਸ ਦੀ ਆਵਾਜ਼ ਨਵੀਂ ਲੱਗੀ।

ਕੈਂਸਰ ਕਾਰਨ ਮੌਤ ਹੋ ਗਈ

ਮੀਡੀਆ ਰਿਪੋਰਟਾਂ ਮੁਤਾਬਕ ਸ਼ਾਰਦਾ ਰਾਜਨ ਕੈਂਸਰ ਵਰਗੀ ਬੀਮਾਰੀ ਨਾਲ ਜੂਝ ਰਹੀ ਸੀ। ਇਸ ਦੇ ਚੱਲਦੇ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ ਹੈ। 

ਰਾਜ ਕਪੂਰ ਦੀ ਬਦੌਲਤ ਇੰਡਸਟਰੀ 'ਚ ਆਈ

ਕਿਹਾ ਜਾਂਦਾ ਹੈ ਕਿ ਫ਼ਿਲਮ ਇੰਡਸਟਰੀ 'ਚ ਸ਼ਾਰਦਾ ਦੀ ਐਂਟਰੀ ਰਾਜ ਕਪੂਰ ਦੇ ਕਾਰਨ ਹੋਈ ਸੀ। ਇਹ ਰਾਜ ਕਪੂਰ ਹੀ ਸੀ ਜਿਸਨੇ ਉਸਨੂੰ ਸੰਗੀਤ ਨਿਰਦੇਸ਼ਕ ਸ਼ੰਕਰ-ਜੈਕਿਸ਼ਨ ਨਾਲ ਮਿਲਾਇਆ। ਉਸ ਨੇ ਉਸ ਨੂੰ ਸੂਰਜ ਨਾਲ ਪਹਿਲਾ ਬ੍ਰੇਕ ਦਿੱਤਾ। ਇਸ ਫ਼ਿਲਮ ਦਾ ਗੀਤ 'ਤਿਤਲੀ ਉੜੀ' ਬਹੁਤ ਮਸ਼ਹੂਰ ਹੋਇਆ ਸੀ। ਸ਼ਾਰਦਾ ਨੂੰ ਇਸ ਗੀਤ ਤੋਂ ਵੱਖਰੀ ਪਛਾਣ ਮਿਲੀ।

ਮੁਹੰਮਦ ਰਫੀ ਤੋਂ ਲੈ ਕੇ ਕਿਸ਼ੋਰ ਕੁਮਾਰ ਤੱਕ ਕੰਮ ਕੀਤਾ

ਸ਼ਾਰਦਾ ਨੇ ਮੁਹੰਮਦ ਰਫੀ, ਕਿਸ਼ੋਰ ਕੁਮਾਰ, ਯਸ਼ੂਦਾਸ, ਆਸ਼ਾ ਭੌਂਸਲੇ, ਮੁਕੇਸ਼ ਅਤੇ ਸੁਮਨ ਕਲਿਆਣਪੁਰ ਵਰਗੇ ਕਈ ਦਿੱਗਜਾਂ ਨਾਲ ਕੰਮ ਕੀਤਾ ਹੈ। ਇੰਨਾ ਹੀ ਨਹੀਂ, ਸ਼ਾਰਦਾ ਆਪਣੀ ਪੌਪ ਐਲਬਮ ਲਾਂਚ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਗਾਇਕਾ ਸੀ। ਸਾਲ 1971 ਵਿੱਚ ਲਾਂਚ ਹੋਈ ਐਲਬਮ ਦਾ ਸਿਰਲੇਖ ਸੀਜ਼ਲਰ ਸੀ।

ਹੋਰ ਪੜ੍ਹੋ: Kirron Kher's Birthday Special: ਜਾਣੋ ਕਿਰਨ ਖੇਰ ਤੇ ਅਨੁਪਮ ਖੇਰ ਦੀ ਅਨੋਖੀ ਪ੍ਰੇਮ ਕਹਾਣੀ, ਕਿੰਝ ਹੋਈ ਦੋਹਾਂ ਦੇ ਰਿਸ਼ਤੇ ਦੀ ਸ਼ੁਰੂਆਤ

ਕਈ ਭਾਸ਼ਾਵਾਂ ਵਿੱਚ ਗਾਏ ਗਏ ਗੀਤ

ਸ਼ਾਰਦਾ ਨੇ ਬਾਲੀਵੁੱਡ ਤੋਂ ਇਲਾਵਾ ਤੇਲਗੂ, ਮਰਾਠੀ, ਅੰਗਰੇਜ਼ੀ ਅਤੇ ਗੁਜਰਾਤੀ ਭਾਸ਼ਾਵਾਂ ਵਿੱਚ ਵੀ ਗੀਤ ਗਾਏ ਹਨ। ਇੰਨਾ ਹੀ ਨਹੀਂ ਉਨ੍ਹਾਂ ਦੀ ਗ਼ਜ਼ਲ ਐਲਬਮ 'ਅੰਦਾਜ਼-ਏ-ਬਾਯਾਨ' ਵੀ ਰਿਲੀਜ਼ ਹੋਈ, ਜੋ ਮਿਰਜ਼ਾ ਗ਼ਾਲਿਬ ਦੀਆਂ ਪ੍ਰਸਿੱਧ ਗ਼ਜ਼ਲਾਂ 'ਤੇ ਆਧਾਰਿਤ ਸੀ।

- PTC PUNJABI