Jaya Bachchan: ਮਾਧੁਰੀ ਦੀਕਸ਼ਿਤ ਲਈ ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂ, ਜਯਾ ਬੱਚਨ ਨੂੰ ਆਇਆ ਗੁੱਸਾ, ਕਿਹਾ-ਬੜੀ ਗੰਦੀ ਜ਼ੁਬਾਨ ਹੈ...

Jaya Bachchan angry on Kunal Nayyar:  ਸਾਲ 2007 ਵਿੱਚ ਆਏ ਅਮਰੀਕੀ ਸਿਟਕਾਮ ਸ਼ੋਅ ਦਿ ਬਿਗ ਬੈਂਗ ਥਿਊਰੀ ਨੂੰ ਲੈ ਕੇ ਹੰਗਾਮਾ ਹੋਇਆ ਹੈ। ਦਰਅਸਲ, ਇਸ ਸੀਰੀਜ਼ ਦੇ ਇੱਕ ਐਪੀਸੋਡ ਵਿੱਚ ਬਾਲੀਵੁੱਡ ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਲਈ ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂ ਕੀਤੀ ਗਈ ਹੈ। ਇਸ ਦੇ  ਨਾਲ ਹੀ ਉਨ੍ਹਾਂ ਦੀ ਤੁਲਨਾ ਐਸ਼ਵਰਿਆ ਰਾਏ ਨਾਲ ਵੀ ਕੀਤੀ ਗਈ ਹੈ।

ਹੁਣ ਇਸ ਮਾਮਲੇ ਨੂੰ ਲੈ ਕੇ ਵਿਵਾਦ ਛਿੜ ਗਿਆ ਹੈ। ਵਿਜੇ ਕੁਮਾਰ ਨਾਂ ਦੇ ਸਿਆਸੀ ਵਿਸ਼ਲੇਸ਼ਕ ਵੱਲੋਂ ਨੈੱਟਫਲਿਕਸ ਨੂੰ ਕਾਨੂੰਨੀ ਨੋਟਿਸ ਵੀ ਜਾਰੀ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਇਸ ਮਾਮਲੇ 'ਤੇ ਬਾਲੀਵੁੱਡ ਅਦਾਕਾਰਾ ਜਯਾ ਬੱਚਨ ਦੀ ਪ੍ਰਤੀਕਿਰਿਆ ਵੀ ਸਾਹਮਣੇ ਆਈ ਹੈ।

ਜਯਾ ਬੱਚਨ ਨੇ ਕੀ ਕਿਹਾ

ਇਸ ਸੀਰੀਜ਼ 'ਚ ਵਿਵਾਦਿਤ ਟਿੱਪਣੀ ਕਰਨ ਵਾਲੇ ਅਭਿਨੇਤਾ ਕੁਣਾਲ ਨਈਅਰ ਦੇ ਬਿਆਨਾਂ ਬਾਰੇ ਇੱਕ ਮੀਡੀਆ ਹਾਊਸ ਨਾਲ ਗੱਲ ਕਰਦੇ ਹੋਏ ਜਯਾ ਬੱਚਨ ਨੇ ਕਿਹਾ, ''ਕੀ ਇਹ ਆਦਮੀ ਪਾਗਲ ਹੈ? ਬੜੀ ਗੰਦੀ ਜ਼ੁਬਾਨ ਹੈ... ਉਸ ਨੂੰ ਪਾਗਲਖਾਨੇ ਭੇਜਣ ਦੀ ਲੋੜ ਹੈ। ਉਸ ਦੇ ਪਰਿਵਾਰ ਨੂੰ ਪੁੱਛਿਆ ਜਾਣਾ ਚਾਹੀਦਾ ਹੈ ਕਿ ਉਹ ਇਸ ਬਾਰੇ ਕੀ ਸੋਚਦੇ ਹਨ।

ਹੋਰ ਪੜ੍ਹੋ: Amitabh Bachchan:ਅਮਿਤਾਭ ਬੱਚਨ ਨੇ ਦਿਖਾਇਆ ਦੁਰਲੱਭ ਨਜ਼ਾਰਾ, ਪੁਲਾੜ 'ਚ 5 ਗ੍ਰਹਿ ਇੱਕਠੇ ਵਿਖਾਈ ਦੇਣ ਵਾਲਾ ਵੀਡੀਓ ਕੀਤਾ ਸਾਂਝਾ    

ਉਰਮਿਲਾ ਮਾਤੋਂਡਕਰ ਦੀ ਪ੍ਰਤੀਕਿਰਿਆ 

ਜਯਾ ਬੱਚਨ ਤੋਂ ਇਲਾਵਾ ਬਾਲੀਵੁੱਡ ਅਦਾਕਾਰਾ ਉਰਮਿਲਾ ਮਾਤੋਂਡਕਰ ਨੇ ਵੀ ਇਸ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਸ ਨੇ ਕਿਹਾ ਕਿ ਉਹ ਇਸ ਘਟਨਾ ਬਾਰੇ ਨਹੀਂ ਜਾਣਦੀ, ਇਸ ਲਈ ਉਸ ਨੂੰ ਇਸ ਮਾਮਲੇ 'ਤੇ ਕਿਸੇ ਤਰ੍ਹਾਂ ਦੀ ਟਿੱਪਣੀ ਨਹੀਂ ਕਰਨੀ ਚਾਹੀਦੀ। ਹਾਲਾਂਕਿ, ਜੇਕਰ ਅਜਿਹਾ ਹੈ, ਤਾਂ ਇਹ ਬਹੁਤ ਛੋਟੀ ਸੋਚ ਹੈ। ਕਿਸੇ ਵੀ ਮਹਿਲਾ ਲਈ ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂ ਕਰਨਾ ਸਰਾਸਰ ਗ਼ਲਤ ਹੈ। 

- PTC PUNJABI