Alia Bhatt : ਮਨੀਸ਼ ਮਲਹੋਤਰਾ ਦਾ ਲਹਿੰਗਾ ਪਹਿਨ ਕੇ ਆਲੀਆ ਦਾ ਹੋਇਆ ਬੁਰਾ ਹਾਲ? ਵੀਡੀਓ ਹੋਈ ਵਾਇਰਲ

Alia Bhatt Ramp Walk: ਆਲੀਆ ਭੱਟ ਅਤੇ ਰਣਵੀਰ ਸਿੰਘ ਜਲਦ ਹੀ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' 'ਚ ਨਜ਼ਰ ਆਉਣਗੇ। ਕਰਨ ਜੌਹਰ ਦੇ ਨਿਰਦੇਸ਼ਨ 'ਚ ਬਣੀ ਇਸ ਫਿਲਮ ਦੀ ਰਿਲੀਜ਼ 'ਚ ਸਿਰਫ 7 ਦਿਨ ਬਚੇ ਹਨ। ਇਸ ਤੋਂ ਪਹਿਲਾਂ, ਨਿਰਮਾਤਾ ਇਸ ਫਿਲਮ ਅਤੇ ਰਾਕੀ ਅਤੇ ਰਾਣੀ ਨਾਲ ਪ੍ਰਸ਼ੰਸਕਾਂ ਦਾ ਸੰਪਰਕ ਬਣਾਈ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ।

ਹਾਲ ਹੀ ਵਿੱਚ ਆਨਸਕ੍ਰੀਨ 'ਰੌਕੀ ਐਂਡ ਰਾਣੀ' ਯਾਨੀ ਆਲੀਆ ਭੱਟ ਤੇ ਰਣਵੀਰ ਸਿੰਘ ਨੇ ਮਨੀਸ਼ ਮਲਹੋਤਰਾ ਦੇ ਬ੍ਰਾਈਡਲ ਕੁਲੈਕਸ਼ਨ ਨੂੰ ਪੇਸ਼ ਕਰਦੇ ਹੋਏ 'ਬ੍ਰਾਈਡਲ ਕਾਊਚਰ ਸ਼ੋਅ' ਵਿੱਚ ਰੈਂਪ ਵਾਕ ਕੀਤਾ। ਇਸ ਸ਼ੋਅ 'ਚ ਰਣਵੀਰ ਸਿੰਘ ਨੇ ਆਪਣੇ ਭਰੋਸੇ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ ਪਰ ਆਲੀਆ ਆਪਣੇ ਲਹਿੰਗਾ ਨੂੰ ਲੈ ਕੇ ਟ੍ਰੋਲ ਹੋ ਰਹੀ ਹੈ। 

ਮਨੀਸ਼ ਮਲਹੋਤਰਾ ਦੇ ਲਹਿੰਗਾ 'ਚ ਆਲੀਆ ਹੋਈ ਬੇਚੈਨ

ਹਾਰਟ ਆਫ ਸਟੋਨ ਅਦਾਕਾਰਾ ਆਪਣੇ ਬ੍ਰਾਈਡਲ ਲੁੱਕ 'ਚ ਡਰਾਪ ਡੈੱਡ ਗੋਰਜਿਅਸ ਲੱਗ ਰਹੀ ਸੀ। ਉਹ ਵਾਕ ਦੌਰਾਨ ਮੀਡੀਆ ਕੈਮਰੇ ਲਈ ਜ਼ਬਰਦਸਤ ਪੋਜ਼ ਦਿੱਤੇ। ਹਾਲਾਂਕਿ, ਜਦੋਂ ਆਲੀਆ ਵਾਕ ਕਰ ਰਹੀ ਸੀ, ਤਾਂ ਉਹ ਬਹੁਤ ਧਿਆਨ ਨਾਲ ਚਲਦੀ ਦਿਖਾਈ ਦਿੱਤੀ। ਉਸ ਨੇ ਆਪਣੇ ਚਿਹਰੇ ਦੇ ਪ੍ਰਭਾਵ ਨੂੰ ਬਣਾਈ ਰੱਖਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਦੇਖਿਆ ਕਿ ਉਹ ਆਪਣੇ ਲੁੱਕ ਨੂੰ ਲੈ ਕੇ ਕਾਫੀ ਅਸਹਿਜ ਸੀ।

ਸੋਸ਼ਲ ਮੀਡੀਆ 'ਤੇ ਹੋਈ ਟ੍ਰੋਲ ਆਲੀਆ ਭੱਟ 

ਆਲੀਆ ਭੱਟ ਦੇ ਲੁੱਕ ਨੂੰ ਦੇਖਣ ਤੋਂ ਬਾਅਦ, ਇੱਕ ਯੂਜ਼ਰ ਨੇ ਵੀਡੀਓ 'ਤੇ ਟਿੱਪਣੀ ਕੀਤੀ ਅਤੇ ਲਿਖਿਆ, "ਉਹ ਆਪਣੇ ਕੱਪੜਿਆਂ ਵਿੱਚ ਬਿਲਕੁਲ ਵੀ ਆਰਾਮਦਾਇਕ ਨਹੀਂ ਲੱਗ ਰਹੀ ਹੈ, ਉਸ ਨੂੰ ਬਹੁਤ ਹੀ ਅਜੀਬ ਲੱਗ ਰਿਹੈ"। ਇਕ ਹੋਰ ਯੂਜ਼ਰ ਨੇ ਲਿਖਿਆ, ''ਇਹ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਆਲੀਆ ਨੂੰ ਰੈਂਪ 'ਤੇ ਚੱਲਣ ਅਤੇ ਇਸ ਨੂੰ ਖੂਬਸੂਰਤੀ ਨਾਲ ਬਰਕਰਾਰ ਰੱਖਣ ਲਈ ਕਿੰਨਾ ਸੰਘਰਸ਼ ਕਰਨਾ ਪਿਆ ਹੈ।

View this post on Instagram

A post shared by Viral Bhayani (@viralbhayani)

ਹੋਰ ਪੜ੍ਹੋ: ਹੜ੍ਹ ਪੀੜਤਾਂ ਦੀ ਮਦਦ ਲਈ ਦੇਸੀ ਪ੍ਰੋਡਕਸ਼ਨ ਯੂ ਕੇ ਨੇ ਵਧਾਇਆ ਹੱਥ, ਭੇਜੇ ਜਾਣਗੇ 7000 ਪੌਡ

ਇਕ ਹੋਰ ਯੂਜ਼ਰ ਨੇ ਲਿਖਿਆ, ''ਉਸ ਨੂੰ ਇਸ ਪਹਿਰਾਵੇ ਵਿਚ ਚੱਲਣਾ ਬਹੁਤ ਮੁਸ਼ਕਲ ਹੋ ਰਿਹਾ ਹੈ ਤੇ ਇਹ ਸਾਫ ਦਿਖਾਈ ਦੇ ਰਿਹਾ ਹੈ''। ਤੁਹਾਨੂੰ ਦੱਸ ਦੇਈਏ ਕਿ ਆਲੀਆ ਅਤੇ ਰਣਵੀਰ ਸਿੰਘ ਦੀ ਫਿਲਮ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' 28 ਜੁਲਾਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਰਹੀ ਹੈ।

- PTC PUNJABI