ਸੋਨੂੰ ਸੂਦ 'ਫ਼ਤਿਹ' ਲਈ ਲਿਆਏ 'ਜੁਰਾਸਿਕ ਪਾਰਕ', 'ਫਾਸਟ ਐਂਡ ਫਿਊਰੀਅਸ' ਤੇ 'ਬਾਹੂਬਲੀ' ਦੀ ਸਟੰਟ ਟੀਮ, ਜਾਣੋ ਕੀ ਹੈ ਇਨ੍ਹਾਂ ਦੀ ਖ਼ਾਸੀਅਤ

Sonu Sood Shoots Film Fateh:  ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਅਕਸਰ ਆਪਣੀ ਦਰਿਆਦਿਲੀ ਤੇ ਸੇਵਾ ਭਾਵ ਲਈ ਮਸ਼ਹੂਰ ਹਨ। ਇਸ ਦੇ ਨਾਲ-ਨਾਲ ਫੈਨਜ਼ ਸੋਨੂੰ ਸੂਦ ਨੂੰ ਫ਼ਿਲਮਾਂ ਵਿੱਚ ਐਕਸ਼ਨ ਸੀਨਸ ਕਰਦੇ ਹੋਏ ਵੇਖਣਾ ਵੀ ਕਾਫੀ ਪਸੰਦ ਕਰਦੇ ਹਨ। ਹਾਲ ਹੀ ਵਿੱਚ ਸੋਨੂੰ ਸੂਦ ਆਪਣੀ ਆਉਣ ਵਾਲੀ ਫ਼ਿਲਮ 'ਫ਼ਤਿਹ' ਦੀ ਸ਼ੂਟਿੰਗ ਕਰ ਰਹੇ ਹਨ। 

ਸੋਨੂੰ ਸੂਦ ਦੀ ਇਹ ਆਉਣ ਵਾਲੀ ਫ਼ਿਲਮ 'ਫ਼ਤਿਹ' ਐਕਸ਼ਨ ਨਾਲ ਭਰਪੂਰ ਹੋਵੇਗੀ। ਜਿਸ 'ਚ ਪਹਿਲਾਂ ਕਦੀ ਨਾ ਦੇਖੇ ਗਏ ਐਕਸ਼ਨ ਸੀਨ ਹੋਣਗੇ। ਇਹ ਯਕੀਨੀ ਬਣਾਉਣ ਲਈ ਕਿ ਫ਼ਿਲਮ ਦਾ ਨਿਰਮਾਣ ਉੱਚ ਪੱਧਰੀ ਹੋਵੇ, ਲੀ ਵਿਟੇਕਰ, ਜਿਸ ਕੋਲ ਪੂਰੀ ਦੁਨੀਆ 'ਚ ਕੈਮਰੇ ਦੇ ਦੋਵੇਂ ਪਾਸੇ ਕੰਮ ਕਰਨ ਦਾ ਵਿਆਪਕ ਤਜਰਬਾ ਹੈ, ਉਸ ਨੂੰ ਲਾਸ ਏਂਜਲਸ ਤੋਂ ਉਕਤ ਐਕਸ਼ਨ ਸੀਨਸ 'ਤੇ ਕੰਮ ਕਰਨ ਲਈ ਇੱਕ ਵਿਸ਼ੇਸ਼ ਟੀਮ ਨਾਲ ਕੰਮ ਕਰਨ ਲਈ ਲਿਆਂਦਾ ਗਿਆ ਹੈ।

ਲੀ ਵਿਟੇਕਰ ਕੋਲ 'ਜੁਰਾਸਿਕ ਪਾਰਕ 3', 'ਫਾਸਟ ਐਂਡ ਫਿਊਰੀਅਸ 5', 'ਐਕਸ-ਮੈਨ ਐਪੋਕਲਿਪਸ', 'ਪਰਲ ਹਾਰਬਰ', 'ਬਾਹੂਬਲੀ 2' ਸਣੇ ਹੋਰ ਕਈ ਫ਼ਿਲਮਾਂ ਦੇ ਕੰਮ ਦਾ ਪ੍ਰਭਾਵਸ਼ਾਲੀ ਤਜਰਬਾ ਹੈ।

Welcome on board my brother Lee Whittaker 🎬Thank you for making the action in FATEH look ⚠️ A W E S O M E ⚠️The man behind the Action Sequences of “Jurassic Park 3”, “Fast and Furious 5” ,” X-men” & now “FATEH” @ZeeStudios_ @ShaktiSagarProd pic.twitter.com/M176UoJPXp

— sonu sood (@SonuSood) May 10, 2023

ਸੋਨੂੰ ਸੂਦ ਨੇ ਹਾਲ ਹੀ 'ਚ ਆਪਣੇ ਟਵਿਟਰ ਅਕਾਊਂਟ 'ਤੇ ਹਾਲੀਵੁੱਡ ਐਕਟਰ ਅਤੇ ਸਟੰਟਮੈਨ ਲੀ ਵਿਟਕਰ ਨਾਲ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਸੋਨੂੰ ਸੂਦ ਅਤੇ ਐਕਸ਼ਨ ਡਾਇਰੈਕਟਰ ਕਾਲੇ ਰੰਗ ਦੇ ਪਹਿਰਾਵੇ 'ਚ ਹੱਥਾਂ 'ਚ ਬੰਦੂਕ ਫੜੇ ਨਜ਼ਰ ਆ ਰਹੇ ਹਨ। ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਸੋਨੂੰ ਸੂਦ ਨੇ ਕੈਪਸ਼ਨ 'ਚ ਲਿਖਿਆ, 'ਲੀ ਵਿਟਕਰ, ਤੁਹਾਡਾ ਬਹੁਤ ਸੁਆਗਤ ਹੈ।

ਫ਼ਤਿਹ ਦੇ ਐਕਸ਼ਨ ਸੀਨ ਨੂੰ ਸ਼ਾਨਦਾਰ ਬਣਾਉਣ ਲਈ ਤੁਹਾਡਾ ਬਹੁਤ ਬਹੁਤ ਧੰਨਵਾਦ। ਉਹ ਜੁਰਾਸਿਕ ਪਾਰਕ 3, ਫਾਸਟ ਐਂਡ ਫਿਊਰੀਅਸ 5, ਐਕਸ-ਮੈਨ ਦੇ ਸ਼ਕਤੀਸ਼ਾਲੀ ਐਕਸ਼ਨ ਸੀਨ ਦੇ ਪਿੱਛੇ ਹੈ ਅਤੇ ਹੁਣ ਉਹ ਫ਼ਤਿਹਵਿੱਚ ਵੀ ਨਜ਼ਰ ਆਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਲੀ ਵਿਟਕਰ ਲਾਸ ਏਂਜਲਸ ਤੋਂ ਸਪੈਸ਼ਲ ਟੀਮ ਦੀ ਅਗਵਾਈ ਕਰਨ ਲਈ ਫਿਲਮ 'ਫਤਿਹ' ਨਾਲ ਜੁੜੇ ਹੋਏ ਹਨ।

ਹੋਰ ਪੜ੍ਹੋ: Bigg Boss OTT Season 2: ਜਲਦ ਹੀ ਬਿੱਗ ਬੌਸ OTT 2 ਹੋਸਟ ਕਰਦੇ ਨਜ਼ਰ ਆਉਣਗੇ ਸਲਮਾਨ ਖ਼ਾਨ, ਜਾਣੋ ਕਦੋਂ ਸ਼ੁਰੂ ਹੋਵੇਗੀ ਸ਼ੂਟਿੰਗ

ਸੋਨੂੰ ਸੂਦ ਨਾਲ ਪਹਿਲੀ ਵਾਰ ਨਜ਼ਰ ਆਵੇਗੀ ਜੈਕਲੀਨ  

ਤੁਹਾਨੂੰ ਦੱਸ ਦੇਈਏ ਕਿ ਲੀ ਵਿਟਕਰ ਕੋਲ ਐਕਸ਼ਨ ਵਿੱਚ 20 ਸਾਲਾਂ ਤੋਂ ਵੱਧ ਦਾ ਤਜਰਬਾ ਹੈ, ਇਸ ਤੋਂ ਇਲਾਵਾ ਉਹ ਕਈ ਅੰਤਰਰਾਸ਼ਟਰੀ ਫਿਲਮਾਂ ਅਤੇ ਹਾਲੀਵੁੱਡ ਬਲਾਕਬਸਟਰ ਫਿਲਮਾਂ ਲਈ ਸੈਕਿੰਡ ਯੂਨਿਟ ਡਾਇਰੈਕਟਰ ਵਜੋਂ ਕੰਮ ਕਰ ਚੁੱਕੇ ਹਨ। ਉਸ ਨੇ ਨਾ ਸਿਰਫ ਹਾਲੀਵੁੱਡ, ਸਗੋਂ ਭਾਰਤੀ ਸਿਨੇਮਾ ਦੀ ਫਿਲਮ 'ਬਾਹੂਬਲੀ' 'ਚ ਵੀ ਐਕਸ਼ਨ ਸੀਨ ਡਿਜ਼ਾਈਨ ਕੀਤੇ ਸਨ।

- PTC PUNJABI