ਕੈਪਟਨ ਵਿਜੈਕਾਂਤ ਦੇ ਅੰਤਿਮ ਸਸਕਾਰ ‘ਚ ਵਿਜੈ ਥਲਪਤੀ ‘ਤੇ ਹਮਲਾ, ਅਦਾਕਾਰ ਨੂੰ ਇੱਕ ਸ਼ਖਸ ਨੇ ਮਾਰੀ ਚੱਪਲ

ਕੈਪਟਨ ਵਿਜੈਕਾਂਤ ਦੇ ਅੰਤਿਮ ਸਸਕਾਰ ‘ਤੇ ਅਦਾਕਾਰ ਵਿਜੈ ਥਲਪਤੀ (Vijay Thalapathy) ‘ਤੇ ਇੱਕ ਅਣਜਾਨ ਸ਼ਖਸ ਵੱਲੋਂ ਹਮਲਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਬੀਤੇ ਦਿਨ ਅਦਾਕਾਰ ਅਤੇ ਸਿਆਸੀ ਆਗੂ ਵਿਜੈਕਾਂਤ ਦੇ ਅੰਤਿਮ ਦਰਸ਼ਨ ਦੇ ਲਈ ਸਾਊਥ ਸਿਨੇਮਾ ਦੇ ਵੱਡੇ ਸਿਤਾਰੇ ਕੱਲ੍ਹ ਸ਼ਾਮ ਨੂੰ ਚੇਨੱਈ ਦੇ ਆਈਲੈਂਡ ਗਰਾਊਂਡ ‘ਚ ਇੱਕਠੇ ਹੋਏ ਸਨ । ਵਿਜੈ ਥਲਪਤੀ ਵੀ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇਣ ਦੇ ਲਈ ਪੁੱਜੇ ਸਨ । ਜਿਸ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ।

ਹੋਰ ਪੜ੍ਹੋ : ਯੂਟਿਊਬਰ ਅਰਮਾਨ ਮਲਿਕ ਆਪਣੇ ਪਰਿਵਾਰ ਦੇ ਨਾਲ ਸਮਾਂ ਬਿਤਾਉਂਦੇ ਆਏ ਨਜ਼ਰ, ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕੀਤਾ ਵੀਡੀਓ

ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਵਿਜੈ ਥਲਪਤੀ ਜਦੋਂ ਭੀੜ ‘ਚ ਅੱਗੇ ਵਧ ਰਹੇ ਸਨ ਤਾਂ ਕਿਸੇ ਨੇ ਚੱਪਲ ਉਨ੍ਹਾਂ ‘ਤੇ ਸੁੱਟ ਦਿੱਤੀ, ਜੋ ਕਿ ਸਿੱਧੀ ਉਨ੍ਹਾਂ ਦੇ ਸਿਰ ‘ਚ ਜਾ ਲੱਗੀ ।ਇਸ ਮਾਮਲੇ ‘ਚ ਵਿਜੈ ਥਲਪਤੀ ਨੇ ਉਸੇ ਵੇਲੇ ਤਾਂ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਅਤੇ ਉਹ ਅੱਗੇ ਵਧ ਗਏ । ਪਰ ਇਸੇ ਦੌਰਾਨ ਉਨ੍ਹਾਂ ਦੇ ਪਿੱਛੇ ਚੱਲ ਰਹੇ ਸ਼ਖਸ ਨੇ ਤੁਰੰਤ ਚੱਪਲ ਚੁੱਕ ਕੇ ਉਸੇ ਦਿਸ਼ਾ ਵੱਲ ਸੁੱਟ ਦਿੱਤੀ, ਜਿਧਰੋਂ ਦੀ ਉਹ ਆਈ ਸੀ । 

ਹਮਲਾ ਕਿਸੇ ਨੇ ਅਤੇ ਕਿਉਂ ਕੀਤਾ । ਇਸ ਦੇ ਕਾਰਨਾਂ ਦਾ ਖੁਲਾਸਾ ਨਹੀਂ ਹੋ ਸਕਿਆ ਹੈ, ਪਰ ਇਸ ਘਟਨਾ ਦੀ ਹਰ ਪਾਸੇ ਨਿਖੇਧੀ ਕੀਤੀ ਜਾ ਰਹੀ ਹੈ। ਅਦਾਕਾਰ ਅਜੀਤ ਦੇ ਫੈਨਸ ਕੱਲਬ ਵੱਲੋਂ ਇੱਕ ਬਿਆਨ ਜਾਰੀ ਕਰਕੇ ਇਸ ਘਟਨਾ ਦੀ ਨਿੰਦਾ ਕੀਤੀ ਜਾ ਰਹੀ ਹੈ। ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਹੋਏ ਇੱਕ ਵੀਡੀਓ ਦੇ ਨਾਲ ਦਿੱਤੇ ਕੈਪਸ਼ਨ ‘ਚ ਲਿਖਿਆ ਹੈ।‘ਅਸੀਂ ਅਜੀਤ ਦੇ ਫੈਂਸ ਥਲਪਤੀ ਵਿਜੈ ਦੇ ਖਿਲਾਫ ਇਸ ਅਪਮਾਨਜਨਕ ਘਟਨਾ ਦੀ ਨਿੰਦਾ ਕਰਦੇ ਹਾਂ। ਕੋਈ ਵੀ ਹੋਵੇ, ਜੇ ਉਹ ਸਾਡੇ ਘਰ ਆਉਂਦਾ ਹੈ ਤਾਂ ਸਾਨੂੰ ਉਸ ਦਾ ਸਨਮਾਨ ਕਰਨਾ ਚਾਹੀਦਾ ਹੈ।   

We #Ajith fans strongly condemneding this disrespect behaviour to vijay . whoever it may be, we should respect when they came to our place.Throwing slipper to @actorvijay is totally not acceptable ????????Stay strong #Vijay #RIPCaptainVijayakanth pic.twitter.com/dVg9RjC7Yy

— AK (@iam_K_A) December 29, 2023

-