ਮਨੋਰੰਜਨ ਜਗਤ ਤੋਂ ਦੁਖਦ ਖ਼ਬਰ, ਤਮਿਲ ਅਦਾਕਾਰ ਦੀ 25 ਸਾਲ ਦੀ ਉਮਰ ‘ਚ ਦਿਹਾਂਤ

ਮਨੋਰੰਜਨ ਜਗਤ ਤੋਂ ਇੱਕ ਤੋਂ ਬਾਅਦ ਇੱਕ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ । ਕੁਝ ਦਿਨ ਪਹਿਲਾਂ ਤਮਿਲ ਇੰਡਸਟਰੀ ਦੇ ਇੱਕ ਸਿਤਾਰੇ ਦੀ ਪਤਨੀ ਦੀ ਮੌਤ ਹੋ ਗਈ ਸੀ । ਜਿਸ ਤੋਂ ਬਾਅਦ ਹੁਣ ਇੰਡਸਟਰੀ ਤੋਂ ਇੱਕ ਹੋਰ ਬੁਰੀ ਖ਼ਬਰ ਸਾਹਮਣੇ ਆਈ ਹੈ । ਪਵਨ ਸਿੰਘ (Pawan Singh)ਨਾਮ ਦੇ  ਅਦਾਕਾਰ ਦੀ ਮੌਤ ਦਿਲ ਦਾ ਦੌਰਾ ਪੈਣ ਦੇ ਕਾਰਨ ਹੋਈ ਦੱਸੀ ਜਾ ਰਹੀ ਹੈ ।

ਹੋਰ ਪੜ੍ਹੋ :  ਪਰੀਣੀਤੀ ਚੋਪੜਾ ਨੇ ਅਮਰਿੰਦਰ ਗਿੱਲ ਦਾ ਗਾਣਾ ‘ਦਿਲਦਾਰੀਆਂ’ ਗਾਇਆ, ਵੀਡੀਓ ਹੋਇਆ ਵਾਇਰਲ

ਅਦਾਕਾਰ ਦੀ ਉਮਰ ਮਹਿਜ਼ ਪੱਚੀ ਸਾਲ ਸੀ । ਜਿਸ ਸਮੇਂ ਅਦਾਕਾਰ ਦੀ ਮੌਤ ਹੋਈ, ਉਸ ਸਮੇਂ ਉਹ ਮੁੰਬਈ ਸਥਿਤ ਆਪਣੇ ਘਰ ‘ਚ ਸੀ ।  

ਅਦਾਕਾਰ ਪਵਨ ਸਿੰਘ ਕਰਨਾਟਕ ਦਾ  ਰਹਿਣ ਵਾਲਾ ਸੀ

ਅਦਾਕਾਰ ਪਵਨ ਸਿੰਘ ਕਰਨਾਟਕ ਦਾ ਰਹਿਣ ਵਾਲਾ ਸੀ ਅਤੇ ਉਸ ਨੇ ਤਮਿਲ ਦੇ ਨਾਲ-ਨਾਲ ਹਿੰਦੀ ਸੀਰੀਅਲਸ ‘ਚ ਵੀ ਕੰਮ ਕੀਤਾ ਸੀ । ਪਵਨ ਦਾ ਅੰਤਿਮ ਸਸਕਾਰ ਉਸ ਦੇ ਜੱਦੀ ਸ਼ਹਿਰ ਮਾਂਡਿਆ ‘ਚ ਕੀਤਾ ਜਾਵੇਗਾ । ਇਸ ਲਈ ਉਸ ਦੀ ਮ੍ਰਿਤਕ ਦੇਹ ਨੂੰ ਮਾਂਡਿਆ ਲੈ ਜਾਇਆ ਜਾਵੇਗਾ । ਪਵਨ ਸਿੰਘ ਦੀ ਮੌਤ ਨੇ ਹਰ ਕਿਸੇ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ । ਉਨ੍ਹਾਂ ਦੇ ਦਿਹਾਂਤ ‘ਤੇ ਹਿੰਦੀ ਟੀਵੀ ਇੰਡਸਟਰੀ ਅਤੇ ਤਾਮਿਲ ਇੰਡਸਟਰੀ ਦੇ ਲੋਕਾਂ ਨੇ ਵੀ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ । 

- PTC PUNJABI