ਗੁਰੁ ਰੰਧਾਵਾ ਦੇ ਘਰ ਪਹੁੰਚੀ ਭੂਆ, ਭੂਆ ਨੇ ਗੁਰੁ ਰੰਧਾਵਾ ਦੀ ਲਾਈ ਕਲਾਸ

ਗੁਰੁ ਰੰਧਾਵਾ (Guru Randhawa) ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਗੁਰੁ ਰੰਧਾਵਾ ਦੇ ਘਰ ਉਨ੍ਹਾਂ ਦੀ ਭੂਆ ਨਜ਼ਰ ਆ ਰਹੀ ਹੈ। ਗੁਰੁ ਰੰਧਾਵਾ ਨੇ ਜਦੋਂ ਬੂਹਾ ਖੋਲ੍ਹਿਆ ਤਾਂ ਭੂਆ ਨੂੰ ਵੇਖ ਕੇ ਉਨ੍ਹਾਂ ਨੇ ਪੈਰੀਂ ਹੱਥ ਲਾਏ ਅਤੇ ਫਿਰ ਘਰ ਦੇ ਵੱਡੇ ਦਰਵਾਜ਼ੇ ਵੇਖ ਕੇ ਕਹਿਣ ਲੱਗੀ ਏਨੇਂ ਵੱਡੇ ਦਰਵਾਜ਼ੇ ਲਾਏ ਨੇ ਇੱਥੋਂ ਹਾਥੀ ਕੱਢਣਾ ਹੈ। ਜਿਸ ਤੋਂ ਬਾਅਦ ਭੂਆ ਅੰਦਰ ਜਾ ਕੇ ਸਟਾਈਲਿਸ਼ ਲਾਈਟ ਨੂੰ ਵੇਖਦੀ ਹੈ ਤੇ ਪੁੱਛਦੀ ਹੈ ਕਿ ਇਹ ਕੀ ਆ ਤਾਂ ਗੁਰੁ ਰੰਧਾਵਾ ਕਹਿੰਦੇ ਇਹ ਲਾਈਟ ਹੈ ।

ਹੋਰ ਪੜ੍ਹੋ : ਜੋਤੀ ਨੂਰਾਂ ਉਸਮਾਨ ਦੇ ਨਾਲ ਮਨਾ ਰਹੀ ਵੈਲੇਂਨਟਾਈਨ ਡੇਅ, ਰੋਮਾਂਟਿਕ ਵੀਡੀਓ ਕੀਤਾ ਸਾਂਝਾ

ਇਸ ਤੋਂ ਬਾਅਦ ਗੁਰੁ ਰੰਧਾਵਾ ਭੂਆ ਨੂੰ ਲੈ ਕੇ ਚੁਬਾਰੇ ‘ਤੇ ਜਾਂਦੇ ਹਨ ਤਾਂ ਦੀਵਾਰ ‘ਤੇ ਲੱਗੀਆਂ ਚਿੜ੍ਹੀਆਂ ਨੂੰ ਵੇਖ ਕੇ ਕਹਿੰਦੀ ਹੈ ਕਿ ਏਨੀਂ ਵੱਡੀ ਕਿਰਲੀ । ਜਿਸ ‘ਤੇ ਗੁਰੁ ਰੰਧਾਵਾ ਹੱਸ ਪੈਂਦੇ ਹਨ ਅਤੇ ਕਹਿੰਦੇ ਹਨ ਭੂਆ ਇਹ ਕਿਰਲੀ ਨਹੀਂ ਚਿੜੀਆਂ ਨੇ। ਜਦੋਂ ਭੂਆ ਘਰ ਤੋਂ ਵਾਪਸ ਆਪਣੇ ਸਹੁਰੇ ਘਰ  ਜਾਣ ਲੱਗਦੀ ਹੈ ਤਾਂ ਭਤੀਜੇ ਗੁਰੁ ਰੰਧਾਵਾ ਨੂੰ ਪੈਸੇ ਦਿੰਦੀ ਹੈ ਤਾਂ ਗੁਰੁ ਰੰਧਾਵਾ ਲੈਣ ਤੋਂ ਇਨਕਾਰ ਕਰ ਦਿੰਦੇ ਹਨ । ਜਿਸ ‘ਤੇ ਭੂਆ ਕਹਿੰਦੀ ਹੈ ਕਿ ਮੇਰੇ ਗੋਡੇ ਨਹੀਂ ਪਵਾਉਣੇ ਤੂੰ। ਇਹ ਵੀਡੀਓ ਜਸਪ੍ਰੀਤ ਦਿਓੜਾ ਨਾਂਅ ਦੀ ਕੁੜੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ ।ਜਿਸ ਨੇ ਗਾਇਕ ਦੇ ਨਾਲ ਇਹ ਵੀਡੀਓ ਬਣਾਇਆ ਹੈ। ਦਰਅਸਲ ਇਹ ਵੀਡੀਓ ਗੁਰੁ ਰੰਧਾਵਾ ਦੀ ਫ਼ਿਲਮ ‘ਕੁਛ ਖੱਟਾ ਹੋ ਜਾਏ’ ਦੇ ਪ੍ਰਮੋਸ਼ਨ ਦੇ ਲਈ ਬਣਾਈ ਗਈ ਹੈ ।

ਗੁਰੁ ਰੰਧਾਵਾ ਦੀ ਫ਼ਿਲਮ ਜਲਦ ਹੋ ਰਹੀ ਰਿਲੀਜ਼ 

ਗੁਰੁ ਰੰਧਾਵਾ ਤੇ ਸਈ ਮਾਂਜੇਰਕਰ ਦੀ ਫ਼ਿਲਮ 16 ਫਰਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ ।ਫ਼ਿਲਮ ‘ਚ ਗੁਰੁ ਰੰਧਾਵਾ ਤੇ ਸਈ ਤੋਂ ਇਲਾਵਾ ਅਨੁਪਮ ਖੇਰ, ਪਰਿਤੋਸ਼ ਤ੍ਰਿਪਾਠੀ, ਅਤੁਲ ਸ਼੍ਰੀਵਾਸਤਵ ਸਣੇ ਕਈ ਕਲਾਕਾਰ ਨਜ਼ਰ ਆਉਣਗੇ।ਫ਼ਿਲਮ ਨੂੰ ਲੈ ਕੇ ਫ਼ਿਲਮ ਦੀ ਸਟਾਰ ਕਾਸਟ ਵੀ ਪੱਬਾਂ ਭਾਰ ਹੈ ।ਉੱਥੇ ਹੀ ਗੁਰੁ ਰੰਧਾਵਾ ਦੇ ਫੈਨਸ ਵੀ ਬੇਸਬਰੀ ਦੇ ਨਾਲ ਇਸ ਫ਼ਿਲਮ ਦੀ ਉਡੀਕ ਕਰ ਰਹੇ ਹਨ।ਬਾਲੀਵੁੱਡ ‘ਚ ਗੁਰੁ ਰੰਧਾਵਾ ਦੀ ਇਹ ਪਹਿਲੀ ਫ਼ਿਲਮ ਹੈ । ਇਸ ਤੋਂ ਇਲਾਵਾ ਆਉਣ ਵਾਲੇ ਦਿਨਾਂ ‘ਚ ਹੋਰ ਵੀ ਕਈ ਪ੍ਰੋਜੈਕਟਸ ‘ਚ ਨਜ਼ਰ ਆਉਣਗੇ । 

View this post on Instagram

A post shared by ਜਸਪ੍ਰੀਤ ਕੌਰ ਦਿਉੜਾ (@jaspreetdyora)

-