ਕਰਨ ਔਜਲਾ ਨੇ ਵਰਲਡ ਕੱਪ ਫਾਈਨਲਸ 'ਚ ਭਾਰਤੀ ਕ੍ਰਿਕਟ ਟੀਮ ਦੀ ਹਾਰ 'ਤੇ ਇੰਝ ਦਿੱਤੀ ਪ੍ਰਤੀਕਿਰਿਆ, ਗੁਆਏ 50 ਲੱਖ ਰੁਪਏ, ਵੇਖੋ ਵੀਡੀਓ

Karan Aujla reacts India Lose World Cup 2023:  ਮਸ਼ਹੂਰ ਪੰਜਾਬੀ ਗਾਇਕ ਕਰਨ ਔਜਲਾ  (Karan Aujla) ਅਕਸਰ ਹੀ ਆਪਣੇ ਗੀਤਾਂ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਹਾਲ ਹੀ 'ਚ ਕਰਨ ਔਜਲਾ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਦੇ ਵਿੱਚ ਕਰਨ ਔਜਲਾ ਵਰਲਡ ਕੱਪ ਫਾਈਨਲਸ 'ਚ ਭਾਰਤੀ ਕ੍ਰਿਕਟ ਟੀਮ ਦੀ ਹਾਰ 'ਤੇ ਆਪਣੀ ਪ੍ਰਤੀਕਿਰਿਆ ਦਿੰਦੇ ਹੋਏ ਨਜ਼ਰ ਆ ਰਹੇ ਹਨ। ਆਓ ਜਾਣਦੇ ਹਾਂ ਕਿ ਗਾਇਕ ਨੇ ਟੀਮ ਇੰਡੀਆ ਲਈ ਕੀ ਕਿਹਾ। 

View this post on Instagram

A post shared by Karan Aujla (@karanaujla_official)

ਦੱਸ ਦਈਏ ਗਾਇਕ ਕਰਨ ਔਜਲਾ ਗਾਇਕੀ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਵੀ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਅਕਸਰ ਹੀ ਆਪਣੇ ਫੈਨਜ਼ ਨਾਲ ਆਪਣੀ ਪਰਸਨਲ ਤੇ ਪ੍ਰੋਫੈਸ਼ਨਲ ਲਾਈਫ ਨਾਲ ਜੁੜੇ ਅਪਡੇਟਸ ਸਾਂਝੇ ਕਰਦੇ ਰਹਿੰਦੇ ਹਨ। 

ਬੀਤੇ ਦਿਨੀਂ ਗਾਇਕ ਕਰਨ ਔਜਲਾ ਵਰਲਡ ਕੱਪ ਮੈਚਾਂ ਵਿੱਚ ਭਾਰਤੀ ਕ੍ਰਿਕਟ ਟੀਮ ਦੇ ਪ੍ਰਦਰਸ਼ਨ ਨੂੰ ਲੈ ਕੇ ਕਾਫੀ ਖੁਸ਼ ਤੇ ਉਤਸ਼ਾਹਿਤ ਨਜ਼ਰ ਆ ਰਹੇ ਸਨ, ਜਿਸ ਦੇ ਚੱਲਦੇ ਉਨ੍ਹਾਂ ਨੇ ਭਾਰਤੀ ਕ੍ਰਿਕਟ ਟੀਮ 'ਤੇ 50 ਲੱਖ ਰੁਪਏ ਦੀ ਸ਼ਰਤ ਵੀ ਲਗਾਈ ਸੀ, ਪਰ ਹੁਣ ਜਦੋਂ ਭਾਰਤੀ ਕ੍ਰਿਕਟ ਟੀਮ ਦੇ ਹੱਥੋਂ ਇਹ ਵਰਲਡ ਕੱਪ ਦੀ ਟ੍ਰਾਫੀ ਖੁਸ ਗਈ ਤਾਂ ਗਾਇਕ ਦਾ ਰਿਐਕਸ਼ਨ ਸਾਹਮਣੇ ਆਇਆ ਹੈ। 

ਕਰਨ ਔਜਲਾ ਦੇ ਇਸ ਰਿਐਕਸ਼ਨ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਵਾਇਰਲ ਹੋ ਰਹੀ ਇਸ ਵੀਡੀਓ ਦੇ ਵਿੱਚ ਤੁਸੀਂ ਵੇਖ ਸਕਦੇ ਹੋ ਕਿ ਕਰਨ ਨੇ ਭਾਰਤੀ ਟੀਮ ਲਈ ਕੀ ਕਿਹਾ। ਕਰਨ ਔਜਲਾ ਟੀਮ ਇੰਡੀਆ ਦੀ ਹਾਰ ਤੋਂ ਬਾਅਦ ਕਾਫੀ ਨਿਰਾਸ਼ ਨਜ਼ਰ ਆਏ, ਉਨ੍ਹਾਂ ਨੇ ਕਿਹਾ ਕਿ ਬੇਸ਼ਕ ਭਾਰਤੀ ਟੀਮ ਟ੍ਰਾਫੀ ਨਹੀਂ ਜਿੱਤ ਸਕੀ ਪਰ ਬਹੁਤ ਵਧੀਆ ਖੇਡੇ ਸਾਰੇ, ਭਾਵੇਂ ਆਸਟ੍ਰੇਲੀਆ ਨੇ ਮੈਚ ਜਿੱਤਿਆ, ਪਰ ਤੁਸੀਂ  ਸਾਡਾ ਦਿਲ ਜਿੱਤ ਲਿਆ। ਕੰਮ ਹੋ ਗਿਆ ਬਾਈ 'Sorry',  ਫੇਰ ਮਿਲਦੇ ਆਂ..। "

View this post on Instagram

A post shared by Sirf Panjabiyat (@sirfpanjabiyat)

 ਹੋਰ ਪੜ੍ਹੋ: ਵਰਲਡ ਕੱਪ ਮੈਚ ਹਾਰਨ ਮਗਰੋਂ ਭਾਵੁਕ ਹੋਏ ਵਿਰਾਟ ਕੋਹਲੀ, ਪਤਨੀ ਅਨੁਸ਼ਕਾ ਨੇ ਗੱਲ ਲਾ ਕੇ ਦਿੱਤਾ ਦਿਲਾਸਾ

ਕਰਨ ਔਜਲਾ ਦੀ ਇਸ ਵੀਡੀਓ 'ਤੇ ਸੋਸ਼ਲ ਮੀਡੀਆ ਆਪੋ-ਆਪਣਾ ਰਿਐਕਸ਼ਨ ਦੇ ਰਹੇ ਹਨ। ਬਹੁਤੇ ਲੋਕਾਂ ਨੇ ਗਾਇਕ ਨੂੰ ਕਿਸੇ ਵੀ ਤਰ੍ਹਾਂ ਦੇ ਬੈਟਿਲਿੰਗ ਐਪਸ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਤੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਗਾਇਕ ਉਨ੍ਹਾਂ ਦੇ ਇਸ ਸੁਝਾਅ 'ਤੇ ਧਿਆਨ ਦੇਣਗੇ। 

- PTC PUNJABI