Movies Chamkila Review: 'ਚਮਕੀਲਾ' ਬਣ ਕੇ ਚਮਕੇ ਦਿਲਜੀਤ ਦੋਸਾਂਝ, ਬਾਲੀਵੁੱਡ ਸੈਲਬਸ ਤੋਂ ਲੈ ਕੇ ਦਰਸ਼ਕਾਂ ਦਾ ਜਿੱਤਿਆ ਦਿਲ

Movies Chamkila Review: ਮਸ਼ਹੂਰ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨੀਂ ਆਪਣੀ ਫਿਲਮ 'ਅਮਰ ਸਿੰਘ ਚਮਕੀਲਾ' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਫੈਨਜ਼ ਦਾ ਲੰਬਾ ਇੰਤਜ਼ਾਰ ਹੁਣ ਖ਼ਤਮ ਹੋ ਗਿਆ ਹੈ ਅੱਜ ਦਿਲਜੀਤ ਦੋਸਾਂਝ ਦੀ ਇਹ ਫਿਲਮ ਰਿਲੀਜ਼ ਹੋ ਗਿਆ ਹੈ। 

ਦਿਲਜੀਤ ਦੋਸਾਂਝ ਅਤੇ ਪਰਿਣੀਤੀ ਚੋਪੜਾ ਸਟਾਰਰ ਫਿਲਮ ‘ਚਮਕੀਲਾ’ ਅੱਜ ਨੈਟਫਲਿਕਸ ‘ਤੇ ਦਰਸ਼ਕਾਂ ਦੇ ਸਾਹਮਣੇ ਆ ਰਹੀ ਹੈ। ਇਮਤਿਆਜ਼ ਅਲੀ ਵੱਲੋਂ ਨਿਰਦੇਸ਼ਿਤ ਫਿਲਮ ‘ਅਮਰ ਸਿੰਘ ਚਮਕੀਲਾ’ ਲਈ ਸ਼ੁਰੂਆਤੀ ਪ੍ਰਤੀਕਿਰਿਆਵਾਂ ਵੀ ਸਾਹਮਣੇ ਆਈਆਂ ਹਨ ਅਤੇ ਲੱਗਦਾ ਹੈ ਕਿ ਦਰਸ਼ਕ ਇਸ ਸੰਗੀਤਕ ਬਾਇਓਪਿਕ ਤੋਂ ਬਹੁਤ ਪ੍ਰਭਾਵਿਤ ਹੋਏ ਹਨ। 

"It's the celebration of a life, that precious" ~ @IamOnir #AmarSinghChamkilaAtMAMI@NetflixIndia#ImtiazAli @arrahman@diljitdosanjh@ParineetiChopra@_PVRCinemas pic.twitter.com/OV1ZCbfuSx

— MAMI Mumbai Film Festival (@MumbaiFilmFest) April 8, 2024

ਦੱਸ ਦਈਏ ਕਿ ਇਹ ਫਿਲਮ ਮਸ਼ਹੂਰ ਪੰਜਾਬੀ ਗਾਇਕ ਅਮਰ ਸਿੰਘ ਚਮਕੀਲਾ ਦੇ ਅਸਲ ਜੀਵਨ ਦੀ ਜ਼ਿੰਦਗੀ ‘ਤੇ ਆਧਾਰਿਤ ਹੈ, ਜਿਸ ‘ਚ ਦਿਲਜੀਤ ਦੋਸਾਂਝ ਨੇ ਅਮਰ ਸਿੰਘ ਚਮਕੀਲਾ ਦਾ ਕਿਰਦਾਰ ਨਿਭਾਇਆ ਹੈ। ਇਸ ਫ਼ਿਲਮ ਰਾਹੀਂ ਇਮਤਿਆਜ਼ ਅਲੀ ਨੇ ਸਰੋਤਿਆਂ ਨੂੰ ਮਰਹੂਮ ਮਹਾਨ ਗਾਇਕ ਅਮਰ ਸਿੰਘ ਦੀ ਜ਼ਿੰਦਗੀ ‘ਪੰਜਾਬ ਦੇ ਐਲਵਿਸ ਪ੍ਰੇਸਲੇ’ ਨਾਲ ਜਾਣੂ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਹੈ।

ਇਹ ਕਹਾਣੀ ਪੰਜਾਬ ਦੇ ਉਸ ਗਾਇਕ ਦੀ ਕਹਾਣੀ ਹੈ ਜਿਸ ਨੂੰ ਪੰਜਾਬ ਦੇ ਇਤਿਹਾਸ ਦਾ ਸਭ ਤੋਂ ਵਿਵਾਦਤ ਗਾਇਕ ਕਿਹਾ ਜਾ ਸਕਦਾ ਹੈ। ਜੁਰਾਬਾਂ ਦੀ ਫੈਕਟਰੀ ’ਚ ਕੰਮ ਕਰਨ ਵਾਲਾ ਮਜ਼ਦੂਰ ਕਿਵੇਂ ਬਣਿਆ ਪੰਜਾਬ ਦਾ ਸਭ ਤੋਂ ਵੱਡਾ ਗਾਇਕ, ਉਸ ਦੀ ਜ਼ਿੰਦਗੀ ’ਚ ਕੀ ਹੋਇਆ। ਚਕਮੀਲਾ ਔਰਤਾਂ ਲਈ ਮਾੜੇ ਗੀਤ ਲਿਖਦਾ ਸੀ, ਉਸ ਦੇ ਗੀਤਾਂ ਦੇ ਬੋਲ ਵਿਵਾਦਤ ਸਨ, ਚਮਕੀਲਾ ਨੇ ਔਰਤਾਂ ਲਈ ਜੋ ਸ਼ਬਦ ਵਰਤੇ ਹਨ, ਉਹ ਸਮਾਜ ਦੇ ਸਾਹਮਣੇ ਨਹੀਂ ਕਹੇ ਜਾ ਸਕਦੇ ਸਨ। ਉਸ ਦਾ ਦੋ ਵਾਰ ਵਿਆਹ ਕਿਵੇਂ ਹੋਇਆ, ਉਸ ਦੀ ਜ਼ਿੰਦਗੀ ’ਚ ਕੀ ਹੋਇਆ ਜਦੋਂ ਉਸ ਦੇ ਗੀਤਾਂ ਦਾ ਵਿਰੋਧ ਹੋਇਆ। ਇਸ ਫ਼ਿਲਮ ਵਿਚ ਚਮਕੀਲਾ ਦੀ ਕਹਾਣੀ ਨੂੰ ਬੜੀ ਬਰੀਕੀ ਨਾਲ ਦਿਖਾਇਆ ਗਿਆ ਹੈ।

ਬਾਲੀਵੁੱਡ ਸੈਲਬਸ ਤੋਂ ਲੈ ਕੇ ਫੈਨਜ਼ ਵੱਲੋਂ ਫਿਲਮ ਦਾ ਰਿਵਿਊ

ਦੱਸ ਦਈਏ ਕਿ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ 11 ਅਪ੍ਰੈਲ ਨੂੰ ਫਿਲਮ ਦੀ ਸਪੈਸ਼ਲ ਸਕ੍ਰੀਨਿੰਗ  ਰੱਖੀ ਗਈ ਸੀ। ਇਸ ਦੌਰਾਨ ਵੱਡੀ ਗਿਣਤੀ ਵਿੱਚ ਬਾਲੀਵੁੱਡ ਸੈਲਬਸ ਨੇ ਸ਼ਿਰਕਤ ਕੀਤੀ। ਬਾਲੀਵੁੱਡ ਸੈਲਬਸ ਤੋਂ ਲੈ ਕੇ ਆਮ ਲੋਕ ਵੀ ਦਿਲਜੀਤ ਦੋਸਾਂਝ ਨੂੰ ਚਮਕੀਲਾ ਵਜੋਂ ਕਾਫੀ ਪਸੰਦ ਕਰ ਰਹੇ ਹਨ। 

ਵਧੀਆ ਕੋਈ ਨਹੀਂ ਨਿਭਾ ਸਕਦਾ ਸੀ। ਇਸ ਲਈ ਤੁਸੀਂ ਉਸਨੂੰ ਕਿਸੇ ਹੋਰ ਸੁਪਰਸਟਾਰ ਗਾਇਕ ਦੇ ਕਿਰਦਾਰ ਵਿਚ ਆਸਾਨੀ ਨਾਲ ਹਜ਼ਮ ਕਰ ਸਕਦੇ ਹੋ ਅਤੇ ਦਿਲਜੀਤ ਦਾ ਅੰਦਾਜ਼ ਦਿਲ ਨੂੰ ਛੂਹ ਲੈਣ ਵਾਲਾ ਹੈ। ਚਮਕੀਲਾ ਦੀ ਲੋੜ, ਉਸ ਦੀ ਮਾਸੂਮੀਅਤ, ਉਸ ਦਾ ਦਰਦ, ਉਸ ਦਾ ਗੀਤਾਂ ਪ੍ਰਤੀ ਜਨੂੰਨ, ਹਰ ਜਜ਼ਬਾਤ ਦਿਲਜੀਤ ਨੇ ਨਿਭਾਇਆ ਹੈ, ਇਹ ਦਿਲਜੀਤ ਦਾ ਹੁਣ ਤੱਕ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ। 

ਪਰਿਣੀਤੀ ਚੋਪੜਾ ਨੇ ਦਿਲਜੀਤ ਦਾ ਖੂਬ ਸਾਥ ਦਿੱਤਾ ਹੈ, ਬਾਕੀ ਸਾਰੇ ਕਲਾਕਾਰਾਂ ਨੇ ਵਧੀਆ ਕੰਮ ਕੀਤਾ ਹੈ, ਹਰ ਕੋਈ ਆਪਣੇ ਕਿਰਦਾਰ ’ਚ ਫਿੱਟ ਹੈ। 

View this post on Instagram

A post shared by Viral Bhayani (@viralbhayani)

ਹੋਰ ਪੜ੍ਹੋ: ਸਲਮਾਨ ਖਾਨ ਨੇ ਆਪਣੇ ਫੈਨਜ਼ ਨੂੰ ਈਦ 'ਤੇ ਦਿੱਤਾ ਖਾਸ ਤੋਹਫਾ, ਭਾਈਜਾਨ ਜਲਦ ਲੈ ਕੇ ਆ ਰਹੇ ਨੇ ਆਪਣੀ ਫਿਲਮ ਸਿਕੰਦਰ 

ਫ਼ਿਲਮ ਨੂੰ ਇਮਤਿਆਜ਼ ਅਲੀ ਨੇ ਲਿਖਿਆ ਅਤੇ ਨਿਰਦੇਸ਼ਿਤ ਕੀਤਾ ਹੈ, ਇਮਤਿਆਜ਼ ਦਾ ਨਿਰਦੇਸ਼ਨ ਦਿਲ ਨੂੰ ਛੂਹ ਲੈਣ ਵਾਲਾ ਹੈ, ਫਿਲਮ ’ਤੇ ਉਨ੍ਹਾਂ ਦੀ ਖੋਜ ਸਾਫ ਨਜ਼ਰ ਆ ਰਹੀ ਹੈ, ਸ਼ਾਇਦ ਇਸ ਕਹਾਣੀ ਨੂੰ ਜਿਸ ਤਰ੍ਹਾਂ ਪੇਸ਼ ਕੀਤਾ ਜਾਣਾ ਚਾਹੀਦਾ ਸੀ, ਇਮਤਿਆਜ਼ ਨੇ ਵੀ ਉਹੀ ਕੀਤਾ ਹੈ।  ਏ ਆਰ ਰਹਿਮਾਨ ਦਾ ਸੰਗੀਤ ਸ਼ਾਨਦਾਰ ਹੈ, ਇਸ ਫ਼ਿਲਮ ਦਾ ਸੰਗੀਤ ਇੰਨਾ ਜ਼ਬਰਦਸਤ ਹੈ ਕਿ ਤੁਸੀਂ ਕੁਝ ਗੀਤਾਂ ਵਿਚ ਗੁਆਚ ਜਾਂਦੇ ਹੋ। ਚਮਕੀਲਾ ਖ਼ੁਦ ਇੱਕ ਮਹਾਨ ਗਾਇਕ ਸੀ ਅਤੇ ਫ਼ਿਲਮ ਦਾ ਸੰਗੀਤ ਉਸ ਨੂੰ ਸਹੀ ਠਹਿਰਾਉਂਦਾ ਹੈ। ਕੁੱਲ ਮਿਲਾ ਕੇ ਇਹ ਫਿਲਮ ਸ਼ਾਨਦਾਰ ਹੈ ਅਤੇ ਦੇਖਣੀ ਚਾਹੀਦੀ ਹੈ।

- PTC PUNJABI